ياشباب عندي مشكله ساعدوني

لا ما يبي لها تنظيف بخاخات موتر جديد مهوب موديل 80 

اخوي بلاول غير صفاية البانزين وشيك ع الطرمبة ويكون بعلمك هلمشكله لها اسباب كثيرة يعني ما تقدر تحدد الا اذا فحص كمبيوتر ممكن توضح معك 

تحياتي 

وعليكم السلام ورحمه الله وبركاته

اذا وهي بارده بس او بعد ماتوقف من ساعتين وفوق تسويها
واذا توك موقف عادي يشتغل على طول تكون عندك المشكله في بلف الراجع بسيارتك مكانه في طرمبه البنزين
الافضل للي مضخه او طرمبه سيارته كهربائيه قبل التشغيل يفتح السويتش لمده 5 / 7 ثواني لحد ماتطفى انوار التنبيه في طبلون السيارة بعدين تشغل .
اذا على طول يسويها السيارة بارده او توك مطفي ونفس الشي يطول ما يشتغل
نظف الثروتل والحساسات

ايضاً البواجي لو مو اصليه او في تركيبها غلط
وماتم وزن خلوصها بالشكل المطلوب
تسوي نفس مشكلتك
في امان الله

السلام عليكم الظاهر المشكله عندك في المنظم للبنزين وشكرا

يا حبيبنا واحد من اخوياي حصلت معه هالمشكله وتعبنا بصراحه ومالقينا حل وهو معه كرايسلار 2007 8 سلندر هيمي واخر شيء رحنا لورشه في الصناعيه القديمه اظن اسمها تشالنجر وفيه وحده ثانيه ممتازه بس مادري وش اسمها 

على العموم احنا رحنا لتشالنجر وسوى لها فحص قال يبي لها برمجه قلنا وشلون برمجه قال الموتر يبي له برمجه بالكامل عندك لخبطه بالاعداد وما الى ذلك 

المهم خلينا السياره عنده يسوي برمجه ورحنا من عنده وجينا اليوم الثاني والموتر تغير 180 درجه وعطيناه فلوسه ومشينا فيه والله تغير حتى في العزم صار نشيط وتشغيلته رجعت مثل وكالته واظن ان موترك يبي له برمجه روح للورشه اللي قلت لك عليها وان شاء الله بيفيدونك 

تحياتي ... ابو نواف

استشاري الحب 

إخوي صفاية البنزين داخل طرمبة البنزين لكن ببدا من الحاجه الصغيره الأول ماعاد بنظف البخاخات 

ابو كيان 
يالغالي ألسياره حتى لو طفيتها وبعد 5 دقائق شغلتها نفس المشكله 
وأنا أفتح السويتش شوي لما المبات تطفى وأشغل ألسياره ونفس المشكله أخاف يكون الثروتل بدي مايتحمل التنظيف الكتروني ويخرب علي زي سيارتي السابقه 
البواجي اصليه وكلها على رقم الشاصي

حلمي الاخير 
أنا فحصت كمبيوتر ألسياره وصحيح عندي حساسات خربانه وأتوقع واحد منها حساس البخاخات 
وهذي إكوادها  
P0520
P1521
P0430
P0420

إبوو نواف  
نفس اللي أفكر فيه لأن عندي مشكله معا لمبة الإيرباق تشتغل ولما غيرت البواجي طفت فتره ؤرجعت اشتغلت بس نفس المشكله موجوده 

الله يعطيكم العافيه أنا ببحث عن هالموضوع لين القاء سبب المشكله وراح أنزل موضوع عنها 

لكن إذا طفيت ألسياره وشغلتها بعد دقيقه أو دقيقتين تشتغل على طول جربت الطريقه هذي لكن أكثر من 5 دقائق ماتتشغل من أول مره 

P0520 حساس الزيت .
P1521 هذا الكود غير واضح ابد في الهيمي 5.7 مديلات 06 / 07 يعطيك الزيت غير الموصى به (اللزوجه)
وفي الكابرس 5.7 / 6.0 يعطيك العطل في الخانق (الثروتل)
وفي الرانجلر يعطيك فيش حساس الخليط في رأس الثروتل طبعاً
P0430 / P0420 دبات الرصاص (دبات البيئة) والحساسات التابعه لها

يالغالي الثروتل اللي يخربه عدم التنظيف مو التنظيف اللي يخربه
ومشكلتك مو مع الثروتل اولاً في إحدى الحساسات حساس الايدل او حساس الراجع نسيت اسمه بس انا قلت لك الثروتل والحساسات لإنو المفروض تنظفها سوا ماتنظف شي وتخلي شي
انا ذكرت في ردي السابق قلت بلف الراجع من البنزين للتانكي السيارات ولاحظ ترا البلف غير الحساس غير الكتاوت
والمشكله مافيه امكانيه اضع صور بالرد والا جبت لك الصور وشرح كامل لوظيفته

عموماً انا ماكنت برد ثاني مره ولا تعودت ارجع للموضوع واناقش إلآ اذا المووضع يستاهل المناقشه فعلاً
انا اللي علي سويته وذكرت لك بردي السابق عاد اقتنعت ماقتنعت هذا شي راجع لك
لكن بما انك وضعت السؤال وفتحت موضوع لك علينا حق الرد وحاضرين باللي نعرفه
فيه منظف عام لنظام الوقود وانصح فيه بقوه نزلت عنه موضوع سابق

بصراحه كان رجوعي وردي للأخ ابو نواف Camry
مع إحترامي لك يالغالي ماعمري سمعت فيه برمجه تاخذ وقت يوم كامل
اللي صار انه نظف لكم حساس او طلع الطرمبه وغير البلف
ودخل على البروقرام تبع السيارة ومسح جميع الاكواد والشغله اللي ذكرت لك كلها ما تآخذ من ساعه إلى ساعه إلآ ربع
ياليت ذكرت لنا كم اخذ على برمجه يوم كامل !!

الله ييسر لنا ولك الامر
في امان الله