أضف سؤال أو موضوع جديد          

سيارتي جديدة وش أسوي بالله ؟

up 11 down 34



مساكم الله بالخير , كاثرة هالفترة بالمنتدى إستفسارات من بعض الأعضاء تجيب الضغط و تخليك تفكرً بالله وش

ترد على مثل هالناس ؟؟ !!!!!  و راح أعطيكم نماذج من هالعينًات الغبية للأسف !!!!!!

سيارتي جديدة وش أسوي فيها رايكم يا شباب ؟

ج/ أنا من رايي تجيب لك قارورة فيها بنزين 95 و كب على السيارة دار ما دار و ولع بالسيارة و لا تنسى تولع

نفسك معاها هههههههههههه يعني بالله وش تسوي فيها ؟ تسوقها بالجو مثلاً ؟ ولا تشيل الكفرات و تخليها تمشي على

الجنط ؟ ناس فعلاً ما تعرف تفكر ولا ودها تعرف تفكر بإعتقادي لهالشي !!!!! و لا يجيك الثاني 

سيارتي أعبيها 91 بس الشباب يقولون عبي 95 تراه أحسن إنتوا وش رايكم ؟

رايي طال عمرك تروح عند أخوياك المطانيخ و تقولون عطوني فرق السعر بين بنزين 91 و 95 هههههه يعني

بالله وش ترد على مثل هالآدمي ؟ ياخي شف كتالوج السيارة وشف نسبة الأوكتان المنصوح فيه من الوكالة حتى

اللحين كتالوج الإكسنت فيه نسبة الأوكتان المنصوح سواء كان 91 أو 95 أما شف الثالثة التُحفة 

بالله شوفوا صورة سيارتي و علموني كم تكلفة تصليحها ؟

لعنبوا بليسك شايف المُنتدى قسم تسعير إصلاح السيارات ؟ !!! ولا تشوف إن شيخ المعارض مشارك بالمُنتدى

و تبي تستفيد من خبرته ؟ !!! يا أخي ما في أي سيارة بالعالم تقدر تحدد سعر تصليحها من خلال الصور بس 

لأن في أشياء ما تكون واضحة بالصور و هي بالنهاية أضرار لازم توديها الورشة و يشوفها السمكري و الميكانيكي

و الكهربائي إن لزم الأمر !!! و بعدين تتحدد تكلفة التصليح , أما الرابع اللي ماله حل ههههههههههه

معاي 100 ألف وش أشتري سيارة ؟

طيب يا ذكي يا فهلوي حنا وش عرفنًا بميولك ؟ يمكن نقول لك مرسيدس ولا تعجبك أو نقول لك جيب ولا يناسبك

أو جمس و لا تحبه !!!!!! مفروض تقول أنا معاي 100 ألف و أحب السيارات الرفيعة وش تشورون علي ذيك

الساعة يتضح الموضوع , أو أنا معاي 100 ألف و أحب السيارات الرياضية و يوضح الموضوع إلخ ...

المهم أنا طلعتً حرتي بهالموضوع لأني ما أشوف مواضيع كثيرة و مُفيدة بنفس الوقت , أكثر المشاركات من

شاكلة هالإستفسارات الغبيًة , و المواضيع المُفيدة و المتجددة قليلة , شاركوني بآراءكم أحبائي .

تحياتي: أبو صالح








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


تسلم حبيبي 
بس فيه اخوان ماله اي خلفية بالسيارات اصابعك مو سوا وبالعكس الشور زين 
واقولك سالفة خويي 
لما عطاه ابوه فلوس وقاله رح اشتر وهو عمره 22 راح شرا له سياره ثاني يوم تحسف وما اعجبته والعب عليه 

مافيها شي خلهم يسالون نفيد ونستفيد زي اخونا الي عرض اللكزس المصدوم وبغو يلعبون عليه ب 2500 وهي ماتكلف 300 
استفاد واخذ حذره فالدعوه تساهيل فهالمنتدى كل شي يتعلق بالسيارات والمصدومه ماتعتبر من السيارات 
الله يهديك بس 
تحياتي واحلى لايك


up 14 down 3
lolo-ss 4514
قبل 8 سنه و 3 شهر



حبيبي لولو تسلم على المرور , و إذا أنت تقول في ناس ما يعرفون بالسيارات أوكي أنا معاك رح إدخل على الإستفسارات السابقة

و 99% من الإستفسارات السابقة نفس البعض فليش كل واحد يسوي إستفسار لحاله و يسوي هيلمة ؟ ياخي صاير منتدى إستفسارات

مو منتدى سيارات !!!!!!! عالعموم شاكر مرورك حبيبي و أتمنى إنك فهمتني .


up 4 down 8



اخوي ليش ما كملت والي يضع سيارته للبيع ويقول انا ما الي حد فيها او يقول انا مو مستعجل على بيعها يلعن ابو ابليسك تبغى مال الكره الارضيه ثمن سيارتك المصديه ولا بحمل اعضاء المنتدى جميله او بهددهم انا مو مستعجل بيعت ةله عمرك لا بعت شي قهر وقلة ادب بنظري


up 2 down 1
moutesm -53
قبل 8 سنه و 3 شهر



المنتدى خلال ذي الفترة كله استفسارات واكثرها عقيمة مالهآ فائدة ّّ!! شي يطفش وانا اقرأ أأول كان فيه موضوعات بسس من تاالي خرب المنتدى خااصة بعد المشاكل وتصفية حسابات بين مراهقين المنتدى ,,,اتفق مع كلامككك وابصم عالعشرة كمان وبرضو وايضا )


up 4 down 2
حربي666 39
قبل 8 سنه و 3 شهر



بس وانا اخوك يا ابو صالح فيه ناس يشتري موتر جديد ويبي نصايح يعني وش يضلل اي نوع او يحط حماية للواجهه او يغير زيت بمكان مثلا ممتاز وكذا يستفيد يعني وبعضهم ترا ما يعرف لهالاشياء وهو ينزل هالموضوع بحسن نيه منه وبعضهم ما يحب يدور في الاستفسارات السابقه يبي يحط استفسار له لنفسه عشان يعرف وش الزين ووش الشين 

بس عند اقتراحات الالوان وكذا هذي اعتقد انها رغبه شخصيه بس بعضهم يسال عن مقارانات بين سيارتين مثلا كامري وسوناتا ويبي الافضل فيه ناس تقول له مثلا خذ سوناتا شكلها حلو ورسميه وعمليه 

وفيه ناس تقول خذ كامري خدومه وحقت كرف وبيعتها سهله وتجيب قيمه بعد الاستعمال وهذي امثله كثيره يستفيد منها الشخص لان بعضهم ما يعرف في السيارات شيء ابد 

فالافضل ان نخلي كل واحد على راحته ينزل اللي يبي واذا ما اعجبك مثلا سؤاله او تحس سؤاله بايخ وماله داعي اطلع من الموضوع وخلاص وانتهى الامر ههههه 

مشكور حبيبنا ع الموضوع ولا هنت وفي امان الله 


up 4 down 1
camry grandi 99 7274
قبل 8 سنه و 3 شهر



مشكور عالموضوع واحلى لايك ....فعلا قلت اللي نبي نقوله ..لا ونسيت تذكر اللي يسال عن احلى لون هههههه


up 1 down 3
talal abdullah 5421
قبل 8 سنه و 3 شهر




المنتدى وضع للإستفسار و النقاش ، و ليس ( للسخريه من كتابات الاخرين ) .

من يستفسر ماهو نوع البنزين ( يستفيد منك و من غيرك )
من يستفسر كم تسعيرة الاصلاح ( يستفيد منك و من غيرك بالسعر التقريبي )

ناهيك أيضاً أغلب السيارات لايوجد بها كتيبات ، تكون مسروقه أو غير متوفره
وهذا حدث مع الكثير ..

نقطه أخيره و مُهمه
المنتدى يحوي مجموعه من ( أصحاب السيارات ) ، معنى ذالك سـ تجد أكثر من شخص معه نفس ما تملك
و ستفتيد من خبرته ببعض المشاكل التي قد تواجهك .


up 9 down 2
بدر بن حسين 424
قبل 8 سنه و 3 شهر



أشكرك ع كتابة الموضوع ، و لكن دس لايك ( لإني معارض للفكره فقط ) ، و أكُن لك كل تقديرً وأحترام لشخصك الكريم .


up 6 down 2
بدر بن حسين 424
قبل 8 سنه و 3 شهر



هلا بوصالح هذي هي الحياة ،،، حاس فيك


لاكن الظاهر في جوائز للعقول الجديدة و المخزنة
الي ماقد استخدمت او استخدام حشمه
نشره ع البعض بالغباء واعتقد انه موجود باجينات
شكرا ع فكرة الوضوع الي لها بعد اكبر من منتدي . فهمتوها صح



up 1 down 4
aziz..747.. 2421
قبل 8 سنه و 3 شهر



خل الرجال تستفسر هو يكتبون على ظهرك 

اي والله 


up 2 down 2
سعد خليل 6152
قبل 8 سنه و 3 شهر



اخوي ما فيها شي الناس لبعض ويقولون ما خاب من استشار يعني اشوف الموضوع عادي بس انت معطيه اكبر من حجمه


up 3 down 0
ali707 84
قبل 8 سنه و 3 شهر



على ما أظن أن ألإستفسارات تخص ألسيارات هذا أول ثاني أذا أنت ما تبي ترد  على ألإستفسار ما أحد جابرك ترد


والله من الفضاوه متب الموضوع وانا لشوف ان الاسأله الي كتبتها انت صح وممكن الواحد يسأل بها لاكن انت شكلك فاضي وقلت خلني اطقطق شويتين وانزل موضوع من راسي ي شيخ تراك لانت اول ولا اخر واحد ينزل موضوع يتكلم عن نفس المشكله والمشكله قي راسكم والله هذا منتدى استفسارات واتبادل معلومات اذا انت فاضي نزل موضوع زي العرب وخل لعب الورعان بعيد تراكم رفعتوا ضغوطنا بحركاتكم عيينات صدق والله


up 0 down 3
احشاش هادئ 52
قبل 8 سنه و 3 شهر



ترى فيه اعضاء قديمين يدخلون بعضويات جديده ويستهبلون فالمنتدى لذلك تلاحظ بعض المواضيع من العضويات الجديده ماارد عليها لاني احس من طريقة كتابة الموضوع وبزدة الموضع انه استهبال


الاستفسارات وخبرات الأعضاء شيئ جميل وأفادتني شخصياً كثير وكل الشكر لمن اهمه أمر إخوانه المسلمين
يا أخي قد يكون الموضوع ما أفاد شخصك انت، لكن يمكن أفاد غيرك

مقارنة السيارات أو تكاليف الإصلاح أو مشاكل السيارات أو البنزين كلها أمور تفيد 
الله يصلحنا وياك، ويجعل حب الخير للغير مزروع فينا




up 0 down 0
respect.t 48
قبل 8 سنه و 3 شهر