تغيير بواجي ب 400 ريال
6
3
إضغط هنا للإخفاء
مساكم الله بالخير , بعض الشباب للأسف يُعاني من غباء غير طبيعي !!!! و ما يفكرً يشغل مخه شوي و يكون ذكي
و ماهر بالتعامل بكافة أمور الحياة إلخ ... يروح يشتري كفرات مثلاً ما يفاصل و يتفاوض مع أصحاب المحلات و
يسعرً و يشوف الأنسب يمكن يشتري على طول !!!! و يمكن يروح يصلح السيارة عند أحد الورش ما يفر الصناعية
و يدور الشغل الكويس و السعر الأفضل ممكن أول ورشة تصادفه يرمي سيارته عندها , وهذي أشوفها كثير لأن
لي صديق عنده ورشة بالصناعية !!! و طبعاً قس على ذلك بكافة أمور الحياة ... الواحد المُفترض إنه يكون حريص
ولا يخلي مجال لأحد يستغفله أو يضحك عليه , وش كبرً كروش الأتراك و أبو شكيب و اليمانية اللي بالصناعية
غير سذاجة الكثير منًا للأسف ؟؟؟ طبعاً أنا ما أحسد أحد اللي يشتغل بذمة و ضمير الله يهنيه و يزيده من نعيمه بس
أنا أتكلم عن اللي يضحكون على العالم و ياخذون أموالهم بالباطل , و أحد السوالف اللي خلتني أتكلم بهالموضوع أحد
الشباب اللي أعرفه معرفة سطحية , كلمني قبل فترة و قال إن في تقطيع بسيارته و إنه ما يدري وين المشكلة ؟؟؟
فرحت شفت السيارة و قلت له أغلب الظن إن البواجي يبي لها تغيير بس أنت رح شيًك قبل لا تشتري البواجي
المهم مرت الأيام و شفت الرجآل بعد فترة , هاه يا فلان بشر ؟ قال الله يجزاك خير فعلاً كانت المُشكلة من البواجي
و غيرتها بس أنا مستغرب من شي !!!! قلت خير إن شاء الله ؟ قال تدري إن شغل اليد أغلى من البواجي نفسها ؟
قلت كيف ؟ قال البواجي رخيصة أخذتها ب 180 و شغل اليد كلفني 400 ريال !!!!!!!! طبعاً أنا مسكت راسي
مستغرب من الحماقة والسذاجة اللي فيها صاحبنا , كيف 400 ريال على تغيير بواجي ؟ ياخي عطني 200 أغير
لك البواجي مع أسلاكها و أسوي لك تصفية بخاخات بعد ههههههههههه طيب وين غيرت ؟ قال عند معلم تركي بس
شغله كويس عطاني ضمان شهرين على الشغل , قلت له يا حبيبي لو تعطيني 400 ريال أعطيك ضمان سنة أو
20 ألف أيهما يسبق هههههههههههه بصراحة أنا متأكد إن كثير من الأعضاء راح يكتفون ب (No comint)
لا تعلييييييييييق , لكن أنا أبغى تشاركوني بالآراء و شكراً لكم .
تحياتي: أبو صالح
إبلاغ
سيارات للبيع
الردود
0
0
اذا لقيت عربي اهرب منه ورح للاجنبي ,, واذا لقيت اجنبي مسلم واجنبي غير مسلم رح للغير مسلم ,,, " ديسلايك على كيفك هذا الواقع "
قبل 11 سنه و 5 شهر