قيرك خبط أو مايغير تعال ...

16 1

لايمكنك التصويت حتى الحصول على 20 نقطة على الأقل
إضغط هنا للإخفاء

كروز_وبس 1042
قبل 10 سنه و 10 شهر

بسم الله الرحمن الرحيم 

أخواني الكرام 
أقرأ الموضوع قبل كتابة التعليق 
موضوعي اليوم يتكلم عن القيور و توضيبها بغرض انه مخبط أو مايغير 

طبعا القير الأوتوماتيك فيه أغراض كثيرة منها الكلتشات والحساسات 

تركيزنا اليوم على اللي قيره ما يغير وراح للورشة وقالوا له توضيب 

(تدفع 500 ريال و لا تدفع 5000 ريال ؟ ) 

خلونا نجي لبعض المشاكل 

واحد قيره ما يعشق نهائيا يعني يشغل السيارة ويمشي على غيار واحد فقط و عزم ضعيف جدا 

وو احد ثاني قيره يقفز بالتعشيقات من الاول الى الرابع ومن الرابع الى الثاني وهكذا 

وواحد سياراته ما تتحرك أبدا 

وواحد وضب قيره ولا صلح و مشكلته مازالت قائمة 

وش حل هذه المشاكل وليش القير اذا ما عشق أو قفز بالتعشيق ما يتم اصلاحه بمبلغ أقل من 5000 ريال أو 4000 ريال

يا أخوان حل المشكلة بسيط جدا أنت لو عندك العدة تسويه بنفسك ما يحتاج خبير ولا خرابيط فاضية 

في شيء اسمه في القير حساس التعيشقات ( التغييرات ) 

هذا الحساس عمله يعطي الأوامر للقير يعني يقوله عشق 

مخ القير يقرأ المعلومات و يساعتها يقبل الأمر ويرسله لكمبيوتر القير وكمبيوتر القير يقوم بعمل التعشيق 

والكثير منا يعاني مشاكل في العزم وفي الضغط وفي ارتفاع الحرار ويخاف يروح لورشة ويقولون له وضب قيرك 

وادفع وملي جيوبنا دراهم 

أنا اليوم أغنيك عن الخسائر هذه كلها 

اشتر لك عدة وخليها عندك في السيارة والله بتحتاجها مفكات وغيرها احتفظ فيها في سيارتك 

في علبة تحت البطارية في صواميل كثير جدا ( العلبة هذه فيها كمبيوتر القير المسؤل عن القير بالكامل )

في حالة حدوث عطل في القير ما يحتاج توضبه أصلا فك العلبة هذه تلاقي فيش مشبوك فيه 

طبعا قبل تبدأ العملية فك البطارية بالكامل 

فك الوصلة المشبوكة بكمبيوتر القير وطلعه ( لاتخاف حتى لو فكيته ما تحتاج برمجة ولاشيء تبي ترجعه )

طيب في مشكلة نعانيها اننا اذا فكينا الشيء مانعرف نركبه هذه حلها بسيط جدا 

لا تفك الشيء بالكامل فكه وخليه مكانه وحاول تعمل بينه وبين المكان المقصود اصلاحه فراغ يكفيك على شان تعمل عملك 

اغني نفسك عن الخسائر 

في حساسات كثيرة راح تشوفها وطبعا راح تتلخبط فيها 

ولاكن إذا كان معك نفس الحساس اللي شريته من الوكالة أو محلات قطع الغيار أكيد بتعرف مكانه بدون تعب 

كل الشغلة ساعة أنا عاملها بنفسي 

مشكلتي كانت عدم تغيير القير يا خوان خسرت عليه 6000 ريال وما صلح أبدا 

و يوم كلمت الوكالة في واحد أعرفه هناك وراني مخطط القير وقالي في حساس هو المسئول عن التغييرات 

موجود في علبة كمبيوتر القير يقول فكه وراكب الجديد ( كأنك تفك فيوز وتركب محله فيوز ثاني ) 

الصورة اللي تحت تبين المكان لاقيها على الانترنت 

صلح قيرك بنفسك ما يحتاج توديه لواحد يلعب فيه وفيك 

نسيت أذكر لكم شغلة وهي ضرورية جدا 

لازم تنزل الزيت كله حق القير قبل تبدأ 

هذا رابط يقول لك كيف تنزل زيت القير وترجع تعبيه مرة ثانية 

والرابط الثاني يوريك شكل علبة كمبيوتر القير

اقرأ دليل المستخدم قبل تبدأ على شان تعرف وزنية الزيت كم 
(((( اذا ما تعرف وديها مختص ولا تلعب بقيرك )))))) 

http://www.youtube.com/watch?v=u23JZoL3R2s

http://www.youtube.com/watch?v=RSGOV4ZgKfg

إبلاغ

الردود