أضف سؤال أو موضوع جديد          

فلوسك زايدة ؟ ودها لمحلات الزينة

up 9 down 3



مساكم الله بالخير , اليوم جايب لكم موضوع +++ مـــــنــــــقـــــــــول +++ و أعجبني بالحقيقة و حبيت تشاركوني

بالإعجاب في هذا الموضوع

اخواني و حبايبي أسعد الله أوقاتكم بكل خير , حاب أناقشكم اليوم بموضوع مهم كثير و ملفت في الآونة الأخيرة للغاية !!! وهو
كثرة إهتمام الشباب بكافة الأعمار بالتعديل و المبالغة في زينة السيارات !!!!!! شباب يدفعون المئات و في بعض الأحيان آلاف
الريالات للتعديل و الزينة و الرش المطفي و تغيير جنوط إلخ ... يدفع بكرم مُطلق و لو أتاه مسكين يطلب الصدقة لتلكآ في إعطاءه
بضعة ريالات !!!! والله يا اخوان الفلوس هذي اللي تندفع على غير هدف و بشكل مبالغ فيه للأسف !!!! المفروض الواحد يحط
الفلوس هذي في أشياء أخرى أهم (يساعد قريب له محتاج , يساهم مع أهله في البيت , يدخر في حسابه مبلغ للظروف إلخ ...)
كثير شباب أنعم الله عليهم بالمال و القدرة المادية و لكن بعضهم يتسابقون لصرف الأموال في (السفاسف) !!! بعضهم ما قد دخل
على بيت أهله وجاب مثلاً : مقاضي للبيت , أو راح سدد فاتورة الكهرباء , أو إشترى هدية لأمه و أبوه إلخ ... و المستفيد في 
النهاية هي محلات الزينة واللي يتاجر فيها !!!!! طبعاً أنا لي أحد الأصدقاء من الجنسية اليمنية عنده محل للزينة و يسولف علي
عن المحل و عن الشباب اللي يجونه , يقول لي بدون مبالغة: في شباب ماهم عارفين وين يودوا فلوسهم !!!! قلت له: وشلون يا
أبو محمد ؟ قال: يجيبون السيارة عندي و يوقفونها عند المحل ويقول لي: شف وش في حركات حلوة طايحين فيها الشباب 
هاليومين و ركبها على السيارة و أنا راح أجيك بعد 3 أو 4 ساعات و الحساب مفتوح بس أهم شي تكون السيارة حلوة و مضبطة
أنا بصراحة إنصدمت من هالعًينة و قلت له: أنت تبالغ في الوصف !!!! قال لي: تعال المحل و إجلس مكاني و شف الشباب و إحكم
أنا بس أبيك تشوف لا تتكلم و لا تتفاهم مع أحد , قلت له: اوكي راح أجي و أشوف , و بالفعل لمًا رحت كلامه طلع صحيح بنسبة
كبيرة , والله أشوف شباب و أحس فعلاً مو عارف وش يسوي بالفلوس !!!!! يعني مثلاً: يجي واحد بسيارته مظللة و تظليلتها حلوة
يجي لم المحل يقول فكوا التظليلة و ركبوا وحدة جديدة ؟؟؟ أو يجي واحد معاه سيارة فيها زينون حلو و حق الوكالة شد بلد يعني
يقول ركبً لي زينون قوي زي السيارات الألمانية ؟؟؟ إلخ ... من النماذج والعيًنات , فلذلك أنا قررت إني أفتح محل زينة لأنه 
تأكد لي بأنها مُربحة و تطلع (ذهب) لذلك أي واحد من الأعضاء يعرف موقع كويسً و قريب من أماكن و تجمعات الشباب يدلني
عليه و له سعيه محفوظ و فوقهم (حبة مسك) على قولة إخواننا السوريين الله ينصرهم و يفرجً عنهم بالقريب العاجل .. آمين .









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله اعرف صاحب محل زينه يماني يحلف لي بالله ان عنده شباب فاتحين حساب ويعطونه شهريا وكل شهر يضبط لهم شكل في السياره !! سسسلامات !! بدل ماحط شهريا 2000 ولا زياده اروح واحطها في صيانه شامله لكل السياره اطلق لي .. ويعطيك العافيه اخوي عبدالله .


up 5 down 0
ابو سعود629 4708
قبل 8 سنه و 3 شهر



ايييش التميز هذا يا عبد الله !!!! 
اييش الموضوع الحلو هذا الي صددق جبته عالجرح 
انا ان شاء الله سيارتي راح تكون من الدفع الرباعي 
فورتشنر او برادو او جراند شروكي 
طبعا اللون اسود لاني أميل للخصوصيه اكثر 


انا اقول لك لو معاي جيب جديد وش اسوي ؟ 
اظللها جونسون 02  
واركب لها انتل طوييل فوق التنده  
وألمع كفراته 

وشوف الكشخه كيف  
آآآه بس 
الله يرزقني 


up 7 down 1
أنيق 17573
قبل 8 سنه و 3 شهر



مره واحد قدامي دخل محل للزينه وطلب تفصيل استكر اسود دائري ومكتوب عليه خاص كلمة خاص فقط 
واخينا راعي المحل سوى فيها انه ممنوع وفيها مسؤلية وفي النهاية جلده ب ١٠٠ ريال 
استغربت ايش فيها ممنوع عارفين ان السيارة تخص راعيها ولكن هي حيله من الحيل 
 وواحد ثاني جاي بكرسيدا موديل ٩٢ ويقول له سوي تجليد وكالة ابيض ودفع ٣٠٠ ريال  
صراحه محلات الزينه عندهم وناسه 


up 2 down 0
for speed 752
قبل 8 سنه و 3 شهر



انا معاكم انه الواحد ما يبذر فلوسه بالمئات والالاف .. ولكن بعض الناس عندها فلوس زايدة ..
يعني كلها يتصدق بيها ؟؟ طيب تصدق بيها وجات ثانية يتصدق ثاني ؟؟ ما يمتع نفسه ؟؟ ..
يخصص جزء للصدقة .. وجزء لتعديل بسيط وحلو .. اما المبالغة في التعديل ما تعجبني .. 



up 5 down 0
sosisos 615
قبل 8 سنه و 3 شهر



ويقولون الشعب فقران ؟


up 2 down 6
YASSER505 4174
قبل 8 سنه و 3 شهر



وللبعض سيارته جديدة وكالة يوديها ميزان ويبطحها ارض حتى البس مايقدر يدخل تحتها 
فلوسه وسيارته وهو حر فيها ولكن الي يرفع الضغظ تشوفه ماشي على مهله وشوي يمين وشوي يسار عن المطبات ومعطل خلق الله وراه 
طيب من البداية وش حادك على وجع الراس


up 5 down 1
for speed 752
قبل 8 سنه و 3 شهر



السعودين تخلف بلاحدود


up 7 down 8
رنة وتر -1
قبل 8 سنه و 3 شهر



السعودين تخلف بلاحدود


up 8 down 7
رنة وتر -1
قبل 8 سنه و 3 شهر



صدقت ياراعي الموضوع افتح محل والله تطلع ذهب من وراه وبذات اذا ترش مطفي الرش المطفي سعره من 400 الا 1200 علا حسب الحجم وتدرون راس ماله 70 ريال بسسسسس للكيلو لا وترش فيها سيارتين صغار بعد 400x2 يطلع 800 من 70 بس والتظليل الكوري المعروف يظللون الصغيره من 90 الا120 وراس ماله 75 ريال الكرتون افتح افتح والله معاك يسيدي الي يروح الغرابي يركضون عليك ويقولك جلد ابواب وعلا حسب الحجم
من35 الا 70 وراس ماله 7 ريال بسسسسسسس



up 2 down 0
ابوعابد_1414 1201
قبل 8 سنه و 3 شهر



يااااسر تبي تشوف الفقر تعال معي وانا اوريك الفقر 


هل تتوقع الفقير بيروح يصلح سيارته بسعر 3000 وهو مصروفه الشهري 1000 ريال 


تنكت ولا تسهتبل


up 3 down 0
ابواحمد2090 1523
قبل 8 سنه و 3 شهر



أمآ عآد العضضو ( أنيق ) رد على الموضوع 

يآلله إنك تحييه 

وينك يآ أنيق والله إنك قطعت عنآ ما عآد نشوفلك مواضيع 

ختمت كل مواضعيك وأرجع اقراها من جديد و مآ أمل منهآ

أسلوووبك خططير بالطرح و يرسم البسسمه على شفايفي دآيمآ

ويقولون ♡♡ من طول الغيبه جآب معه الغنايم ♡♡ 




up 1 down 0
ابوخالد1397 2888
قبل 8 سنه و 3 شهر



لكل مرحله عمريه اهتماماتها حسب ذوقها وميزانيتها ,,,

يعني الشباب اللي اقل من عشرين يهتمون بالكماليات والاستكرات

وتلميع الكفرات وغيره

واللي بعد ال 20 يهتم ب الجنوط والكفرات والمسجل والسماعات واللي بع ال 30 يهتم بتغيير لون البودي ولون الداخليه والتعديل
المكلف في ابواب السياره او بديها او محركاتها ,,

وقد تكون بعض الهوايات منها لايرتبط بعمر معين ..



لكن الافضل للواحد اللي يبي يزبرق سيارته انه يحط هالفلوس في سيارته من الداخل مثل تغيير جميع زيوت المكينه والقير والدفرنس وتركيب بواجي واسلاكها

وسيفون اصلي وفريون اصلي ويشوف أي كفر يبي له تغيير ...

وبعدها يروح للاقل اهميه وهي تلبيس ارضية السياره ببلاستيك قوي يحمي ارضية السياره وخلعها عند الرغبه في بيع السياره ,,

وتلبيس المراتب والطبلون لحماينتها من الاتساخ والشمس ,,

وشكرا ع الموضوع الجميل وموفق ولك لايك ..


up 2 down 0
meezar 221
قبل 8 سنه و 3 شهر



فلوسك زايده
جمعية انسان تكفل يتيم شهرينا ب250 ريال فقط 
وبالسنة ب 3000 ريال فقط
وارسل رساله نصيه فارغه الى 5055
قال تعال (بل تؤثرون الحياة الدنيا , والاخره خير وابقى ) الاعلى16,17



up 4 down 0
جيب ديفندر 71
قبل 8 سنه و 3 شهر



^^^^^^
جزاك الله خير اخوي جيب ...

بصراحه اللي قلت المفروض اول شي الواحد يسويه بعد نزول الراتب لان هالشغله لها مفعول غريب على الراتب سبحا ن الله ..

وتطفئ غضب الرب سبحانه ..كلها 100 او 200 اعتبرها راحت في ترصيص كفرات ,,


up 1 down 0
meezar 221
قبل 8 سنه و 3 شهر



الحل لمثل هذه الظاهر الي شبابنا افرطو فيها ولازم الكل يشارك بحلها ،
ياريت يكون نقاش موضوعك الجاي بو صالح . . و ردي ...

من وجهة نظري المتواضعه... الي عنده اخ صغير قريب خوي جار صديق اي حــد قدامه عمره من 15 الي 25 هذول الي يحتاجووووووا دعم لتقوية. كيف يفكروا صح

وهذا دور كل واحد يشوف قريبه محتاج ، للللنصيحة التوجيه ، يعلمه يفتح عيونه وعقله ع الصح والواقع عشان يبدا حيااااااة صح >>> مو مضحوك علية ومستغل وفي النهاية نقول الشباب والشباب وووو .
هم مالهم ذنب لانهم مراهقييييييييين ، وفينااااااا العااااقل الشفاف الي محد يشوف له دور !!


up 2 down 0
aziz..747.. 2421
قبل 8 سنه و 3 شهر



مشكور بوصالح ع الموضوع الجميل


up 2 down 0
aziz..747.. 2421
قبل 8 سنه و 3 شهر



ترى كل هالي يسونه الشباب عشان الفراغ فقط وهذي فتره في العمر فقط وتروح بعد مايكبر وتتغير اهتمامته ويقعد يضحك على نفسه 
انه ركب جنط وركب مطفي وركب دبات وغير وعدل كلها فترة ويتركها بعد ماتتغير اهتمامته وهالشي مرينا فيه كلنا 



up 0 down 0
قتيبة الباهلي 231
قبل 8 سنه و 2 شهر