سبحان الله وبحمده سبحان الله العظيم.

طبعا الامامي اخطر

الامامي لان كل ثقل السيارة عليها 

اول شيء لاتسرع الله يستر عليك يالغالي
 
 على عكس مايتوقعه البعض وانا منهم !  

 الافضل وضع الكفر التعبان قدام
 
 
 والسبب ببساطه انك لانه اذا ضرب الكفر الخلفي احتمال كبير خلفية السيارة تجي معك ( كأنك ساحب جلنط للتشبيه)  
خصوصا اذا كنت مسرع 
  
اما اذا انفجر الامامي فالخطورة اقل بشرط عدم لمس الفرامل نهائيا وتمسك الطارة بقوة مع تعشيق القير لسرعات اقل عشان مايلعب الموتر معك 

 المعلومة مو من راسي ، من كتاب قريته عن السيارات مؤلفه مهندس فرنسي شريته من العبيكان 

 

اعتقد اكثر خطوره تكمن في الكفر الخلفي لا انفجر على الدفع الخلفي والامامي لانه يلعب فيك بالخط اكثر من الامامي واهم شي لاتضغط فرامل 

إذا كانت السياره دفع أمامي فأكيد بيكون الكفر الأمامي أخطر بدون نقاش ....

أما إذا كانت دفع خلفي فيجب أن تكون الكفرات الأماميه والخلفيه كلها سليمه.... لماذا ؟؟؟
# لسببين /
*لإنك إذا إحتجت للفرامل في أمر مفاجأ ما راح تمسك معك السياره ... 

*وإذا كانت الأماميه ماسحه فإنه في حال انفجار الأطار تفقد السيطره على الركسون(الطاره)

ياخوي خلها زي ماهي ولاتسرع 
 الامامي يحتاج كفر جديد يتحمل الثقل  
اما الخلفي فماعليه حمل ثقيل  ولكن مشكلته تفقد السيطرة على السياره  اكثر من الامامي في حال انفجر 
 يعني كلها مهمه ولكن بالنسبة لحالتك خلها زي ماهي ولاتسرع وتوكل على الله

دور لك كفرين مستعمله نظيفه وركبها ازين لك لين تتحسن ميزانيتك وغيرها بجدد , لو ينصلخ عليك بخرب صدام واشياء كثير !

الكفرات كلها لابد تكون سليمه لماذا
ثبات السياره بالطريق ومنع الرجه والحذفه واي شي يخل بالسياره اثناء القياده
لا قدر الله واحتجت الفرامل باذن الله تكون مطمن كفرات جديده تعطيك اريحيه حيل
والكفرات لابد تكون من اجود الانواع تتحمل الفرامل والسياره في سرعه عاليه بعض الكفرات
تنسلخ او تتآكل لابسط فرامل

الكفرات الجديده امانه بالسفر من تجربه

يا حبيبي كلها خططيره الله يصلحك ولو تبغا فلوس باعطيك ،، ﻷن روحك اغلى من 300 ريال
روح لاقرب بنشري وقوله ابغا كفرات كابرس نص عمر سعر الكفره ما يتعدا 150 ريال

شوف هالمقطع 


http://m.youtube.com/watch?v=zMjVdLkItV8

روحك اغلى من 300 ريال و الله يستر علينا وعليك

لا تنسى تشوف المقططع و ياليت تكتم الصوت ﻹن فيه موسيقى

بالتوفيق

2012 واتمسحت النقشة !! شكلك راعي تقحييييص
افضل حل بنظري خذ جنطين بالكفرات من السي ار وحطها خلفي عندك ولمن ترجع ارجع بدلها كلها 20 ريال :)

مشكورين آخوووآني ومآقصرتوآ ،، بصرآحة بعد مآ شفت آلمقطع لليوتيوب خفت وومآتوقعت بهذي آلسهولة تحوس آلسيآرة

آخوي eng.belal11
آلكفرآت كآنت جديدة لكن نصحني شخص آلله يهديه قلي خلي ضغط آلكفرآت 40 للسفر و 35 للمدينة ،، ووصرآحة آنآ غشيم خليتهم 40 وسآفرت كذآ 8 آلآف كيلو خلآل شهرين ولقيت آلدعسه آختفت نهآئيآ بسبب آلضغط آلعآلي ،، وتوبه ممآعآد آخلي ضغط آلكفر آكثر من 35

بكلم آلوآلد وآن شآء آلله آذآ شآف آلفيديو رآح يقتنع وويشتريلي كفرآت مع ان الكفرات جديدة ماتهنيت فيها من بداية 2013

واذا ما اقتنع راح اسوي الي قلته اخلي كفرات سي ار ايت خلفي لكن اخوي متاكد تنفع عآدي آركب كرات من سي آر آيت؟؟ آقصد آلسي آر آيت جنط 19 وآلكآبرس جنط 18 تركب عادي؟؟

الكفر الامامي اكثر خطوره من الكفر الخلفي لانك اذا جيت تلف و الكفر مفقوع الجنط بحك بالاسفلت و تنزلق السياره و انته لاف تبي تجنب عن الخط 

بس الكفر الخلفي خطير بس موب زي خطر الامامي لانه بس الدفع 

و انا يعني انصحك تركب ارخص نوع كفرات مؤقت احسن من الممسوحه و تعرض حياتك للخطر عشان كفر 

انا سيارتي دفع خلفي رياضية انفقع الكفر وانا ماشي تقريبا 100 -80 
والسيارة لعبت فيني لعب (حاست) 
بس الحمدلله قبلها حسيت في شي بالسيارة وقلت اجنب اقرب محطة 
وعند المحطة ضرب
فاشوف الخلفي خطير للدفع الخلفي 

عادتا الكفرات الممسوحه تكون بالخلف اما السليمه واللي دعستها باقيه تكون بالامام
لان التحكم بالسياره يكون من الامام وبالتالي يكون الاحتكاك مع الاسفلت اكبر مع الدعسات السليمه ، ايضا عند استخدام الفرامل
 يكون الاحتكاك مع الطريق اكبر
وبالنسبه لنفجار الكفر انا اعتقد ان انفجار الامامي اخطر والسبب لان السياره تتجه مباشره بوزنها ناحية الكفر المنفجر
ويحدث الانحراف ناحية الكفر المنفجر واللي يزيد الامر صعوبه وتعقيد هو استخدام الفرامل بعد انفجار الكفر
 مما يجعل السياره تزيد في انحرافها اكثرمن الاول وهذا خطير 
لذلك ينصح دائما في حالة الانفجار اثناء السير وخصوصا لاحد الكفرات الاماميه بعدم استخدام الفرامل بل التحكم بقوه بالمقود 
ومحاولة عدم انحراف السياره وفي نفس الوقت تخفيف السرعه من خلال القير وذلك بوضعها في غيار اثقل من السابق وبالتدريج
حتى تصل السرعه الى اقل من 80 كلم ثم يتم استخدام الفرمله برفق وبشكل متقطع لتخفيف السرعه تدريجيا مع التحكم بالمقود

ثقل وموازنه السياره ودفه توجيهها في الامام
لذلك نسبة الخطورة في العجلات الأمامية اعلى من الخلفية
ونسبة خطورة انفجار الكفر الأمامي في السيارات ذات الدفع الأمامي
اعلى من ذات الدفع الخلفي

خويك صادق الافضل في الخطوط تزود الهواء في السرعات العالية
وأتوقع ان كفراتك يوكوهاما 
اخر إصدارات يوكوهاما السنتين الماضيه كثير يشتكون من مسح الدعسه
 والكفر ماكمل نصف عمره الافتراضي

افادوك الاخوان ماقصروا ..
انا من رايي انك تركب الاستبنة مكان الكفر التعبان لين ما تجيك ميزانية .
او خذ كفر صيني 

شوف العرض والارتفاع اذا تفرق بحدود ال5 مو مشكلة

.مثال 18-45-245 الكابرس.. تكون السي ار 19-40-250,245 اذا كدا جدا عادي..و اذا اكثر شوف اهم شي اذ مايحك فوق الرفارف او يمينها او يسارها من داخل .. البناشر يعرفوا اذا ينفع

بعدين حتى لو خليتها 40 ماتنمسح ب 8 الاف كيلو !! شوف يمكن يبيلها وزن اذرعة ,, او لاسمح الله احد من اخوانك يفرها :)
وبالسلامة ياعزيزي

الاخطر الإطار الخلفى للسيارة فإنها
سوف تنحرف يمينا ويسارا (ذيل السمكة)
لذا يجب القبض على عجلة القيادة بقوة
إلى أن تهدىء السيارة من سرعتها وقيادة
السيارة خارج الطريق دون النظر إلى تلف
الإطار المنفجر مع مراعاة حركة السيارات
القادمة من الخلف.