شرايكم في حماية مقدمة السيارة في الغرابي

ياخي والله احترنا جدا في هذا الامر
انا توني جاي البارح من الاحساء
قسم بالله الخط اندفن من الرمل

والحمدلله اني صافق وجه الموتر بفيري 
والقزازه الاماميه مضللها من برى وجاها سافي

رحت لساكو قالوا عندهم حمايات لمقدمة السيارة
لكن المسؤول عنها مش موقود 

لكن اعتقد ان سالفة الخمس سنين قوية
كون الحرارة عندنا لحالها عاليه فوق ٥٥ 
غير حرارة المكينه والزحمات والاسفلت كلها تدخل في عدم جودة الحماية اكثر من سنه
عندنا ثلاث اشهر عن ٤ سنين 
من الحرارة و السموم 

انا من رأيي ان كنت مجبرا خذ ام ٣٠٠
ولو تحسبها بفكر مدقق

ام سنه قيمتها ٣٠٠ 

ام ٥ سنين ١٥٠٠
٥ ٪ ١٥٠٠ = ٣٠٠ 
هي نفسها
ولكن هذوليك يشيكون كل سته اشهر
والاحتمال الاكيد يغيرون كل سنه
وهي نفس الحسبه 

 نصيحه حق الغرابي ٣ شهور وغيره
ولا تقارنه بالماركات صحيح غالي
لكن يستاهل ويلمعونه لك مجاناً كل سته شهور
حق الغرابي اذا طول راح يعدم البدي
وراح يطلعون لك ١٠٠ تصريفه لا خرب عليك
إذامايمديك ع الأصلي
البرقع قسم بالله ما مثله
بالتوفيق 

اخوي ركب حماية للوجهية على تاهو اسود من الغرابي ماتذكر بالضبط كم سعرها
لكن اتوقع حول  الأسعار اللي ذكرت وألماني على كلامهم له
كملت ٣ شهور طلع كنه داهن الوجه بشحم 
السياره لونها اسود ومكان الحماية طالع ذهبي مموج وشكله بشع جدا
أنصحك اذا بتركب ركب شي صاحي والا خلك على الفيري ورب البيت كريم

اول رد ولايهوم باقي الاخوه لاني ماقريت ردودهم 
رد بطل ووافي جدا
ركب ام 300 وريح تراهي هي 

حكمة شايبي لي الله يطولي بعمره 
يقولي ياولدي ان ضربت اوجع وان اكلت اشبع

ادري ان المبلغ مبالغ فيه جدا لكن وش تبغانا نسوي شي ومجبورين عليه ركب من الغالي وريح نفسك لاتقعد توسوس بالتجاري كل شوي والثاني تجي تشيك عليه
لو قدر الله عليك وانمزعة البويه وقتها تبي تدفع قيمة العازل دبل وثري 

ايه والله امس الجو يالله الواحد يمشي فيه يالله ترحمنا برحمته 

مشكورين ع التفاعل 

ياليت من عنده تجارب أخرى لا يحرمنا

عزيزي حماية ابو 300 ريال بعد فتره تعدم البوية عليك و يصعب ازالتها 
الافضل انك تركب اصلي ب 1500 ولا ترش كبوت ورفارف وصدام ومرايات ب 4000 وحولها
وغير كذا بتخسر بوية الوكالة
انا جربت عند محل قلوسي للعناية بالسيارات يعطون ضمان 10 سنوات وضمان مفتوح والحمدلله ليومك السياره زي الفل