وش افضل الزيت الخفيف ولا الثقيل

حسب موديل السيارة و نوعها

اذا قديمة حط زيت ثقيل
و اذا جديدة
حط زيت خفيف لأن السيارات الجديدة في الغالب ما تتحمل الزيت الثقيل و يسبب لها مشاكل

و احسن حل ارجع لكاتلوج السيارة اذا موجود

حسب ما قرأت في مواقع اجنبيه متخصصه بالزيوت ولزوجتها
مكائن السيارات الحديثه واللي سلندرها المنيوم تحديداً الافضل تستخدم لها زيت عيار 10w30
طبعاً هم يتكلمون عن المناطق الحاره واللي قريبه من جونا
واذا قطع المحرك 200 الف / كلم يستخدم عيار اثقل 20w50

وانا اقول ارجع لكتالوجات السيارة وبتلقى الانسب اللي محددينه لك المصنع
في امان الله

^ نفس الكلام ..

سيارتك معودها على زيت خفيف ماعليك اهم شي مافيه مشاكل مثل نقص في الزيت 
انا من يوم اشتريت الموتر وحطيت 20-5 وانقطع واخذت 30-5 وبعدها حولت ل30-10 واستمريت عليه لحد الان  موتري ماشي 180 الف بس وش نوع الزيت الي تستخدمه لنه هنا الفرق انا استخدم نصف تخليقي موتركرفت واطلع جده واشتري بالكرتون 3 او 4 كراتين زيت ونص كرتون سيفون ما اخذ من البناشر لا سيفون ولازيت 

يا اخوان عندي سؤال
الحين كيف اعرف ان الزيت الي استخدمه
مكرر ؟
ولا نصف تخليقي ؟ ولا تخليقي كامل ؟
لان اصحاب البناشر يضحكون علينا
انا اغير زيت جي تي اكس 10-30 وسئلت البنشر يقولي تخليقي كامل خخخ وبحثت في العلبه يمين ويسار ماهو مكتوب شي
وايضا بسألكم عن زيت كاسترول ماجنتيك 10-40 الي علبته خضراء هل هو مكرر ولا نصف تخليقي ولا تخليقي كامل ؟ وهل في قائمه بانواع الزيوت ومعرفة هل هي تخليقيه او مكرره