مشكلة في قلوريا تطفي فجأة وهي ع الدي

اللهم جنبنا الفتن ماظهر منها وما بطن ووسع لنا في رزقنا وأحفظنا بعينك التي لا تنام انك سميع مجيب .

طيب اخوي غيرت فلتر البنزين ( الصفاي ) ؟؟ طيب هل عداد الار بي ام وانت واقف ينتفض او شيء ؟؟

لا ،، العداد ونا واقف طالع ونازل ع ٥٠٠

يبيله تغيير طرمبة البنزين...صارت بالماركيز 99 حطيته على الدي ينطفي وغيرت الطرمبة ورجع
زي الفل

طيب تحس ان طفية السياره كهرب والا ميكانيكا 

يعني الموتر ينتفض شوي ويطفى والا يهجد مره وحده 

وبصراحه فيه اشياء كثيره ممكن تكون سبب في طفية السياره عندك طرمبة البنزين وعندك الثروتل وعندك فلتر البنزين وعندك الظفيره اذا فيها التماس يصير الموتر يطفى 

فالافضل انك تعلمنا كيف الموتر يطفى 

والله مدري انا احسها مكانيكا ،، 

والسيارة تنتفض شوي وتطفي 

فيه ريحة كربوون قوي ؟؟ وتشغيلتها احيانا تطول

ايه في ريحة كربون بس تشغيلتها ما تطول 

اجل شيك ع البواجي والفلتر او طرمبة البنزين اتوقع هذي مشكلتك وبالتوفيق

اذا فيه ريحة كربون الاغلب طرمبه او صفاية بنزين
بالتوفيق

الطرمبة او البطارية والله اعلم الامر سهل

عندك الدينمو وطرمبة البنزين شيك عليهم
وان شاء الله تزبط معاك

نظف بخاخات اول الحلول

اذا الار بي ام ينزل عن 550 عندك مشكله في حساس الخمول ( حساس الايدل )
وهي إختصار لـ Idle Air Control Valve

وظيفته
يقيس سرعة الهواء الداخل الى المكينة
بمعنى اذا كان الموتر بارد
يرفع الار بي ام حتى تحتمي السيارة بواسطة حساس الحرارة
اذا احتمت يقوم حساس الار بي ام بتقليل سرعة المكينة إلى الحد الطبيعي وهو 550 إلى 650 DFD/RPM
اقل من كذا او اعلى يكون فيه خلل
وبالعاده اذا نزل تحت الـ 550 تطفى السيارة
ايضاً حساس الهواء او الخليط TPS له تقريباً نفس الدور لذلك نظفها كلها

والافضل تنظف الثروتل والحساسات جميعاً
في امان الله