أضف سؤال أو موضوع جديد          

موضوع بسيط عن أحياء الرياض وسكانها

up 5 down 6
جيت بنتحر قالوا عوائل 18
قبل 4 سنه و 5 شهر



تنقسم مدينه الرياض الى خمسة اقسام :
شمال الرياض

شرق الرياض

غرب الرياض

جنوب الرياض

وسط الرياض



1:شمال الرياض : امثلة على هذه الاحياء ( النخيل - العقيق - الغدير - الصحافة ) هي الاحياء التي يسكنها المسؤليين والاغنياء
ومن ضمنها حي الصحافه التي تحتضن صحيفه الرياض والجزيره
ولذلك نجد ان شمال الرياض يتمتع بخدمات عاليه لدرجه ان الحفريات لاتاخذ اسبوع
اما في بقيه مدينه الرياض تاخذ أشهر وتتمتع هذه الجهه من مدينه الرياض
بطرق وسيعه وانفاق للسيارات والوصول السهل لاي مكان بالرياض في الجهات الاخرى وتتمتع ايضا بتواجد الدوريات الامنيه والامن الكامل وعدم تسكين عماله سائبه
او عزاب مزعجين لان الحي بالغ الحساسيه فالصحافه موجوده في هذه الجهه وسكن كبار المسؤلين في الدوله اوالاغنياء ولايتم مرور ناقلات كبيره في هذه الجهه سواء الدائري الشمالي او الشوارع الرئيسيه الداخليه لهذه الاحياء
وتتمتع هذه الجهه ايضا بمشاريع عملاقه عصريه كمشروع هيئه سوق المال ومشاريع اخرى عملاقه بُنيت وتُبنى في المستقبل وقٌرب مطار الملك خالد الدولي .


2:شرق الرياض : بعض من احيائها (الريان - النسيم - السلي - الروضة ) يسكنها البسطاء ونادرا تجد مسؤل والمشاريع تكون بالشهور
وليس هناك اهتمام لا من بلديه ولا اهتمام امني والدوريات قليله بالرغم ان شرق الرياضففيها حي النسيم وهو اكبر حي وفيها عماله سائبه وكأن الارض فجرت بركان عماله سائبه ولايتجرئ احد على ردع فوضاهم التي اضرت بالمواطنين البسطاء
ومن ضمنها حي السلي نصف هذا الحي مستودعات والان طريق دائري جديد كل يوم حوادث ووفيات لعدم وجود اناره ومرور الناقلات الكبيره بسرعه كبيره وكأنها حصاده عُشب وهناك حي اخر مثل حي النظيم الذي تكثر فيه الجرائم وسرقة السيارات بكثرة !




3:غرب الرياض( السويدي - الدخل - الشفاء) وهذي من الاحياء الي تمتاز بالحنة والرنة وشوارعها ليل ونهار لاتوقف وتشتهر بكثرة المخدرات والتفحيط والجرائم وتقريبا هي اخطر احياء الرياض هناك بعض الاجزاء فيه تترنح بمشاكل المراهقين فيها وازدياد الجرائم والمخدرات وهذه الجهه هي مصدر التفحيط والبؤره الاولى لهذه الظاهرة في حي الشفاء يكثر التفحيط وسرقة السيارات والاستراحات هناك وحي الدخل حي المخدرات تنتشر فيه المخدرات وبشكل فظيع جدا واغلب سكانه من الدخل المحدود طبقة اقل من البسيطة وحي السويدي يجمع بين المخدرات والتفحيط والجرائم


4:جنوب الرياض(ام سليم - الفيصلية - العزيزية) هذه الجهه مهمله جدا وهي اردى واقذر جهه في مدينه الرياض
وقريب منها مصنع اسمنت من الجهه الشماليه على طريق الخرج القديم
ومن جهه الغرب الصرف الصحي ومن جهه الجنوب المدينه الصناعيه
واشهر شوارعها الرئيسيه طريق الخرج القديم وطريق الخرج الجديد في الجهه الشرقيه
وهذين الطريقين لقد حصد ارواح لاتعد ولا تحصى بسبب تنقل الناقلات الكبيره التي طحنت صبات الاسمنت بلحم وشحم الانسان وفيها ابراج سكنيه قريبه من الاسكان البحريه ففيها فساد كبيروالامن مُغيب فيها وحاره الجبس قريبه ايضا من صوامع الغلال ومن مصنع جبس ومصانع بــلـك وحجر طبيعي .


5:وسط الرياض وهي البطحاء ومنفوحه وخنشليله واحياء اخرى

يسكنها الاجانب بسبب رخص الايجار وتراكم الادواروهي الحركه التجاريه الاولى للعاصمه وزحمه وكتمه وريحه سمك وفلفل محترق بين كل عماره وعماره

تعمها الفوضى العماليه وتشتت شوارعها الضيقه ولم يستفد من منتزهاتها الا العوائل الاجنبيه والاجانب .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)

الموضوع مغلق


سيارات للبيع

الردود


قالها الهليل 

سمين شمال الرياض و نحيف جنوب الرياض

أنا من سكان جنوب الرياض وتحدياً حي الحزم 

وش أخلي وش أقول 

تبي تفحيط تبي تجمعات شبابية تبي تقفل للشوارع و الحارات ليلة الخميس و الجمعة بسبب وجود الاستراحات بين المنازل و داخل الحي 

هذا كوم و ريحة الجراك و المعسل و سماعات الأووورق أخر الليل كوم ثاني 

لله المشتكى


up 1 down 0
أبو جـود 2737
قبل 4 سنه و 5 شهر



انا بعرف ليه الديس لايك ؟

تتوقعون عشاني قلت الحقيقة ؟!


up 2 down 1
جيت بنتحر قالوا عوائل 18
قبل 4 سنه و 5 شهر



قال الدخل المحدود تنتشر فيه المخدرات بشكل فضيع !!

كذبت وكذب لسانك وكذبت يدينك يامفتري

لعلمك التواجد الامني في الدخل اكثر منه في اي حي اخر
والبحث والتحري منتشرين وبقوة
زمان قبل ١٥ سنه كانت المنطقه اللي حول خط مكه
منطقه مشبوهه مثل النظيم زمان يوم كانت صاده وماحولها احد

الان 
تبي الخراب كله ؟؟
شف الشمال مصدر توزيع وترويج لان ماحولك احد هناك
الرؤوس المصدرة هناك 
والمستخدمين الضعوف اللي طاحوا بالوحل 
من جميع الجهات الاخرى
انا من سكان الدخل المحدود
واخلي سيارتي بالشارع شغاله نص ساعه ماحد يقربها 

لكن رح الشمال واتحداك تخليها ٣ دقايق


up 1 down 4
xpoldx 1366
قبل 4 سنه و 5 شهر



الله يرزقنا وابعد عن الرياض وعيشته المقرفه


اروح لديرتي لو ما اخذ لي الا عشرين راس غنم واريح راسي من الزحمه وقلق الاجارات


up 1 down 1
aboamani 1150
قبل 4 سنه و 5 شهر



غلطان الله يحيك

انا ساكن بحي الواحه من الاحياء الغاليه مخطط البلطان شارع البحري الي عليه سور مطار القاعده

المشاريع هناك تطول ولا فيه دوريه بالحاره وصار هناك سرقات كم مره


up 2 down 0
abahal 1384
قبل 4 سنه و 5 شهر



اخوي بولد حي الدخل معروف بالمخدرات وبسألك سؤال بسيط فقط ؟ ليش حطوا مكافحة مخدرات غرب الرياض بالدخل المحدود ؟ ليش ماحطوه في النخيل ولا الخزامى ؟
اتوقع انك تعرف ليش والدخل المحدود الي على طريق الحجاز هذاك حدث ولاحرج جعلك ماتدخله ليلة خميس ولا تمشي بحواريهم يارجال خل عنك بس مو لانك ساكن فيها تدافع عنه
اغلب التفحيط هناك والمخدرات هناك والبدو كلهم هناك وسمعت الحي الي انت في طايحه بالحظيظ انا والله العظيم كنت ساكن حولكم حي البديعه اذا كنت تعرفه سكنت فيه 15 سنة ناس محترمة لاكن روح الدخل والله والله كولهم درباوية وبدو وشوارعكم كلها تفحيط اكس ال والشركة يارجال خل عنك بس


up 1 down 1
جيت بنتحر قالوا عوائل 18
قبل 4 سنه و 5 شهر



حمدلله انا في مكه ومكه بلد الأمان وتحديد في الشوقيه


up 1 down 0
فيليكس 207
قبل 4 سنه و 5 شهر



الشيء الإيجابي بالرياض كل شيء متوفر هناك...
عندنا تبي تشتري ماركة او اي شيء يقولك دق سلف وامسك خط الرياض...


up 1 down 0
acura 3759
قبل 4 سنه و 5 شهر



فين راح حي النظيم معروف سمعته رغم اني ماقد رحت الرياض لكن النظيم مشهور بالبلاوي الله يكفينا


up 0 down 0
ابو عبدالله احمد 3271
قبل 4 سنه و 5 شهر



88888888888

شكلك ماقريت شرق الرياض وش كاتب عنه النظيم كلها اجرام واي مشكلة في حي مجاور للنظيم الي يسوون المشكله هذي هم ناس من النظيم


up 0 down 0
جيت بنتحر قالوا عوائل 18
قبل 4 سنه و 5 شهر



في كل مدينه بالمملكه 
نفس ماذكرت 
بها الفالح والطالح 
وايديك مهي سوا


up 0 down 0
كن صادق 60
قبل 4 سنه و 5 شهر