حساس ال MAF اهميته ووظائفه ومدى تاثيره على عزم السياره

شاقح بن مشقوح الشقيحاني 22707
قبل 12 سنه و 6 شهر

السلام عليكم جميعا :

نبداء اليوم في موضوع مهم

حساس ال MAF

تعريفه :

اختصار لكلمة Mass air flow sensor يعني حساس تدفق الهواء

مكانه :

خلف فلتر الهواء مباشره

وظيفته :

وظيفته للاسف معقده جدا ومهمه وماقدر اعطيكم شرح تفصيلي لاني لاحظة فالمنتديات العربيه فيه اختلاف في شرحه او عدم فهمه

ووجدتشرح له فالمنتديات الاجنبيه وللاسف وجدت انه شرحهم عنه يختلف عن اللي كتب في بعض المنتديات العربيه

وانا ماقدرت افهم طريقة عمله لكن بعطيكم باختصار شرح بسيط وطريقه عمليه لمعرفة كيفية اداء عمله الجباره

هو يحسب كمية تدفق الهواء الداخله الى المكينه ويعطي بناء عليها اوامر للكمبيتور بحيث يوزن ضخ الوقود حسب كمية الهواء لاعطاء نتيجة احتراق متوازنه وصحيحه

وفي حالة خلله يبدا تاثيره الكبير على عمل المحرق وصرفية البنزين

البعض يكون عده رجفه او رعشه وقت الوقوف

ممكن تفتفه

تلقى عداد الار بي ام يلعب مره فوق ومره تحت

تحس اوقات على سرعات عاليه السياره تحسها انها ماتبغى تمشي وتدعس بنزين لكن تحس انها ثقيله ومافيها حيل تعطيك عزم

كل هذي الاعراض وغيرها نعود الى حلول قد تفيد اذا كان حساس ال MAF سليم

لكن ماراح تفيدك الحلو اذا كان حساس الماف غير سليم

واغلب الحلول في هذي الملاحظات هي :

تغيير بواجي + تصفية مكينه + تغيير فلتر بنزين + تنظيف الثروتل ( لاتستخدم الا بخاخ منظف الثروتل فقط ) + تنزيف بخاخات ..

وللاسف البعض بعد مايستخدم هذي الحلول تبقى المكينه نفس المشكله وكئنك يابو زيد ماغزيت

والسبب هو حساس الماف متسخ وكل مااتسخ كل ماقل اداء عمله ويبداء تاثيره في عدم اتزان نسبة ضخ الوقود وسوء وعدم حدوث نسبة احتراق مطلوبه

الطريقه رتبتها لكم بالصور والشرح الوافي والكافي مثل العاده وان شاءالله تستفيدون منها وتتعرفون على هذه الحساس اللي اعتبره مهم جدا جد جدا

رابط الموضوع اخذته من هنا

http://qcwo.com/technicaldomain/my-car-engine-hesitates-when-i-accelerate
ملاحظه ((( انا اتحدث عن فلتر الوكاله ))) باستثناء الفلتر الرياضي وتم التوضيح ... هذه رابط لتجربه تثبت انه اذا فصلته تطفي السياره ... http://www.youtube.com/watch?v=dZW_5afwaAo