أفضل المكيفات ... من تجربـــة

وعليكم السلام ورحمة الله وبركاته
عموما اخي الحبيب الياباني من زمان يتصدر قائمة افضل تكييف بين السيارات
على العكس من الامريكي او الفرنسي
ايش السبب الله اعلم
ممكن لان اليابان حرارتها اكثر من الدول الاوربية واالامريكية

أفضل مكيف مر علي من خلال تجاربي لأنواع السيارات المُختلفة مُكيف فورد (مونديو) 2003 كان بارد بعز الحر أحط على 

نمرة (1) و أحياناً أقصرً على (التمبريتشر) = مقياس البرودة !!!! بس بهذلتني بالخرابات و بعتها (تشليح) , شكراً لك موضوعك

حلو , و فيه فايدة .

جربت سيارات كثير لاكن كلها قريبه من بعض في التبريد لاكن من وجهة نظري ان المكيف .

عبارة عن قطع مترابطة كسلسلة ، الكمبرسر ومقاساته وانواع و.....ملحقاته الي سوتش تشغيل المكيف

وحسب علمي مافي مكيف يضرب كلــــــه . !!
لازم في شي تعطل والي عندنا حنا بالصناعيااات ، عطيناهم وجة عطل صغير يقولك كمبروسر ضرب وادفع ، ليييييه

اخوي انا حسب ماشفت من مكيفات مكيف اكسنت2008حقت الايجار ههههههههههه الصلاه عالنبي مكيفها تحس يطلع هواء فريزر حق بيتنا من ريش السياره ههههههههههههه
ومكيف الصني موديلات2008 والله ماشاء الله تبارك الله برضو تاخذ المركز الاول بالمكيفات 
ومكيف سيارتي الكورولا كمبرسور كرسيدا توليف الصلاه عالنبي بارد بس مو زي السيارات كتبتها تبريدها لك عليه بس ينفع

افضل المكيفات هي
لسيارات النيسان ( شخصيا جربت مكيف الألتيما 2010)

ثم تويوتا القديم 2006 و دون ( الكرسيدا و ما على شاكلتها من كامري وحتى توصل الى افخم نا تنتنجه تويوتا و هي اللكزس)

ثم الشفر جربت مكيف الكابرس التسعاوي تبريده ممتاز

الهيونداي يمدحون مكيفاتها بس ما قد جربتها

ثم الفورد تبريده عادي و في المناطق الحارة ما يخارج بالذات في الزحمة

هذي عن تجارب شخصية

يعطيك العافية يا راعي الموضوع

النيسان بصغة عامه تكييفها ممتاز

التاهو الجديد تكييفه ممتااااااز

افضل المواتر الي مرت علي من ناحية التكييف 

النيسان الصني اليابانية إلى موديل 2005 ( كل شي ممكن يخرب فيها الا المكيف )
الددسن ( احيانا من قوة المكيف ممكن تطفيه في عز الحر )
التيرسل ( افضل سيارات تويوتا من ناحية التكييف )

الاكسنت موديل 2012 استغربت من رداءة التكييف فيها مع انه بارد ولكن دفعه يضعف تدريجيا وغيرت فلتر المكيف
مرتين وبعد تغيير الفلتر يقوى وبعدين يخف 

واجهت كذا واحد عنده نفس المشكله 
والظاهر ان هالمشكله في موديلات 2011 الدفعه الثانية و2012 الدفعه الأولى فقط

ذكر اسم سيارة معينه ع حساب التكييف فيها بس ،، وغض النظر عن باقي السيارة من قوة وراحة وثبات وموصفات ، وتفقد كل المواصفات الحلوة منها عشان مكيفها قوي !!!! ،، المبلغ المحدد الي اشتري فيه يجيب حاجة أفضل ، هذا وكل واحد يتمنى الافضل لنفسة ..؟؟ والاكشن هذا عشان المكيف تبريده افضل ،،، كل السيارات وقت خروجها من الوكالة تكييفها ممتاز او اقل شوي باختلاف الانواع والمقاسات حتى الصيني ... بس عدم الصيانة له هي الي تجيب العيــد فيها وبداء مسلسل الورشة ..

واذا ع ذكر المكيفات مكيف vxr 96 كان ماله حل من أول ماتشغله بعز الظهر يطلع هواء بارد وعن تجربة .

الميتسوبيشي مجنووووون

الكرسيدا من فوق 93 وكابرس 90 وفورد 97
وددسن 10 هذي عن تجربة

أقوى المكيفات عندي الي هي لشركة نيسان 

انا اقوى مكيف مر علي ماشاءالله ﻻندكروزر 2015

السنتافي 2011 بعد اربع سنين يصير ما يبرد الا بعد السيارة ما تمشي سرعه فوق ال60

عن تجربه لبعض السيارات
لكزس ls400 99
الاندكروزر 99 vxr
تويوتا انوفا 2006
كامري 97 v4
مكسيما 2006
ماركيز 98

السلام عليكم
اسوأ المكيفات حاليآ هونداي للأسف اخذت سنتافي 2014 فل كامل وللأسف تفاجأت بالتبريد السيء خصوصآ عند الزحمات كأنك مشغل مكيف صحراوي بدون ماء وللأسف انو ماخليت وكاله ولا كهربائي ألا وسألت جاني واحد تركي خبير بالتبريد قالي كلمتين من ذهب قالي شوف لاتعب نفسك
روح وبيع السياره وخذ جيب تويوتا أو نيسان وأنسى مشكلتك عشان افهمك شركة هونداي صارت تصنع الكمبروسور بطريقه سيئه كان الكمبروسور عباره عن 8 بساتم وحجمه كبير وصناعه كوري اصلي الأن من موديلات 2008 وطالع صار 6 بساتم صغير وتصنيع صيني هو وكامل ملحقاته من رديتر ومواصير ومراوح
وهذا السر مايوضحوه للناس عشان الناس يشترو وياكلو الخابور وهم راضيين بدون علمهم والشركه أصبحة همها المكسب والربح اكثر من الخدمه والجوده ومو بس هونداي أغلب الشركات نفس النهج والطريقه المتبعه لذلك لاتدفع تصليحات تكلفك مبالغ عشان تحصل على مكيف ممتاز بكل بساطه غير السياره وانتا راح تدعيلي
المهم انا راح ابيع بإذن الله وأمشي على كلام هالرجال الثقه وأنا متعامل معاه من زمان وكلمته عندي ماتصير ثنتين بالتوفيق للجميع وتم ايصال المعلومه لكم عشان تكونو على بينه ومعرفه ايش جالس يصير من وراء الكواليس وكمان لكشف الحقائق المخفيه على الناس . هذا واتمنى للجميع التوفيق .

افضل مكيف جنرال  ٢٤وحده 

ههههههههههه هم يقصدون مكيف السياره

افضل مكيفات السيارات شركة نيسان
لكن له عمر افتراضي قصير
وافضل مكيفات السيارات بتبريد ثابت ولمده طويله
تايوتا
وافضل مكيف عرفه الانسان بتبريد قوي جدا
جينرال الامريكي القديم 18 وحده
فعلا هواء قوي وبارد يثلج الغرفه بدقائق

افاضل موكايف الشوباك صينتاه ساهله