الى اهل الرياض وجده ومن يعرف في الجيوب

والله وانا اخوك هذا موسم الجيوب والجموس وبشكل عام انا اشوف الاسعار مبالغ فيها اذكر الوالد شرى جيب جي اكي ار فل كامل 2007 لونه بحري بـ118 عام 2008 والشريطيه خلو الجيوب مثال المعادن النفيسه كل مازاد عمرها زاد سعرها وهي راس مالها حديد المهم شطحت عن موضوعك والي اقدر افيده فيه ان الجيوب ارخص شي تلقى بالوسطى وتلقى نظيف بس يبيلك تتعب شوي وسلامتك

سلام عليكم اخوي طلبك عندي كلمني واتس اب على هذا الجوال 0553818484
ا

تسلم 
بيض الله وجهك 
جده اسعارهم معقوله 
لكن اكثر مواترهم تماتيك 

ننتظر بقية الاعضاء

طلبك موجود..راسلني على الخاص اذا حبيت

اذا كنت حاط ميزانية بحدود 100 الف تجيب لك اطلق لاند كروزر موديله 2003 أو 04 
بتلقى شي نظييف

البرادو بتحصل موديلات 2006 و2007 باسعار طيبه 

اهم شي فرغ نفسك ثلاث ايام تدور فيها في النسيم والشفاء
ودايم انصح اخواني وانصح نفسي بالساحة قبل المعارض 

حاول تتصيد في الساحة قبل لا تفكر تدخل معرض او صاله 

كل منطقة لها اسعارها

الجيوب بالذات اللاند كروزر ما يحمكه المديل يحكم سعره النظافة

حسب سعر تبوك
اتكلم لك عن الجكسار خلفية لكزس
2002 اللي نظيف وفيه رفرف او رشة بسيطه جدا وممشاه من 270 وتحت سعره تقريباً من من 82 الى 87 تقريبا لكن النظيف مره وكررررررررررررت لقيت غير واحد عليه 106 لكن ديكوراته مخدشه شوي
2003 النظيف اللي يلوق بالعين في التسعينات النظيف مره يلق جديد لقيته بـ112
ال 2004 لقيت من 96 الى 100 لكن مانصحوني فيها المرغوبات 2002 و 3

السيارات اللي تطيح بيد الشريطيه ما تنطال لكن انت وحضحك احيان تلقى واحد مستخدم وبياع
سيارات جده ما انصحك فيها لان انت عارف اللي صار فيها من سيول واغلب سياراتها محليه من الرطوبة
معارض الرياض فيها جيوب بالكريك لكن يبي لك حول الاسبوع ودقق زين بالفحص وان بغيت اعطيك بعض النقاط لكشف السياره المسمكره فيه حاجات ماتحجب بغربال خصوصا في اللاند كروزر

بالله 2002 يوصل 100 الف ؟؟؟؟؟؟؟؟؟؟؟؟؟؟؟؟؟؟؟؟ معقووووووووووله ؟؟؟ 

ياحبيبي 2013 جي اكس ار ب215 وهذي 2002 ب 100 الف ؟؟؟ والله من الخبال 

بصراحه الحمد لله اني ماحب الجيوب لاني لو احبها بضغط على نفسي وبشتريها بسعر غالي وهي والله ما تستاهل 

يعني 2002 حده 70 ان كثر ويعتبر غالي بعد 

لكن وش نقول الشكوى لله والله لا يوفق كل من يخرب على المسلمين في البيع والشراء

اخوي كامري شكلك ماطبيت السوق اللاند من 2007 وتحت نار لأنها معروفة بقوة تحملها وكل قطعها ياباني ماهو مثل المجمعات في الوقت الحالي ال 2007 كان بوقته 145اصفااااااار واللحين النظيف نفس سعره اصفار الطلب هو اللي يحكم الاسعار
انا لي ثلاث شهور مترت السوق ادور الرخيص والنظيف مالقيت موديلات 2000 مرشوش كامل وقديم اغلبها في الستين
فيه اعلان بالمنتدى قبل اسبوع لربع 2005 ماشي حدود 23 اذا ماني غلطان عليه سوم 115 وكان سعره أصفار قبل ثمان سنوات 90 مع اللوحات زياده 25الف

عندنا 2002 جي اكس ار 2 . ومعروف مواصفاته . ماشي 180 ما شـــــــــــــاء الله ... قبل فترة قريبة . اندفـــع من واحد يبغا يترزق 83 والوالد غيير رأيه عشان الصيف وأسباب تخصه ، النضيييييف يا أخوان يفـــــرض نفسه

انت تشتري آلــــــــــــه بغض النظر عن المدييييييييل .

بيض الله وجيهكم

سلام عليكم عابر سبيل رقمك انحذف من عندي بالغلط ارسل رساله الان طلبك جاهز

البرادو انا شفت في جدة فل كامل موديل 2009 فل الفل بـ 105 على ما اتذكر 

 المعرض  في حراج جدة بعد المسجد على اليمين فيه واحد سوداني يبيع 
يمكن ثاني معرض او ثالث معرض من المسجد 
عندو عدد كبير من البرادو 

اخوي ابو راكان انا حياتي بالمعارض واعرف اغلب اسعار السيارات بس اللاند كروزر ماعرف عنه شيء لاني ماحبه ابد وكرهته اكثر عقب حركات هالشريطيه ولا صرت اعطيه اهميه لانهم يعطون الموتر فوق حجمه وهو ما يستاهل وانا مستعد الحين تجيب لي اي سياره واعطيك حقها بالتمام ولا ازيد ولا انقص 

بالتوفيق