ليش هذا النصب .. وألا انا غلطان ؟

وعليكم السلام ورحمة الله وبركاته
ممكن يكون زيادة او مبالغة في الحرص من قبل البعض
لانه عن طريق الهيكل
تستطيع معرفة بيانات المركبة باسم صاحب وبارقام التواصل والعناوين
لكن في وجهة نضري المسالة عايدية
لو رغبت انت في الشراء وعاينت السيارة مايمنع انك تاخد الرقم وتبحث في المرور عن المخالفات وووو

اخيرا اصابعك مو سوى

صادق مافي غير هالمبرر 

أخوي العمده وأذا عرفت ارقامه وعناوينه وش فيها هو أرهابي يعني ؟؟
اذا سيارته مثل مايقول نظيفة وممشاها حقيقي وش المانع ما يعطي رقم الهيكل 

اما سالفة حرص زايد يخاف تعرف ارقامه وعناوينه ما خشت راسي الرجال ما يعيبه شيء وأنا اخوك

لعلمك ترا بعض الناس يسدح لك رقم الهيكل في الموضوع قبل تطلبه انت .. هذا تحطه على رأسك 

اللي ما يعطيك رقم الهيكل اعرف ان الموتر مضروب لقيت انا لقيت فورد 2004 قالي نظيف وووو من هل كلام بعدين قلتلة عطني رقم الهيكل قالي تعال شوفه عينك ماتخونك وافحصة وبعدين قالي وديته للمعرض الفلاني في الحراج يبغا يبيعه سكر في ماء واروح اخذ رقم الهيكل وافحصة كارفكس (واللي يفحص كارفكس نصبني فحصه اوتوشيك بقيمة كارفكس)
حسبي الله عليه


وبعدين سويت موضوع عن صاحب السيارة وفي الموظوع يقول والله ماادري ومن هل كلام ويسوي نفسة مظلوم ويرسلني في الخاص يقول اذا انك رجال اتصل علي وقابلني واللي خلا عندك جراءه خليك اتصل علي ومن هل كلام وسفهته

اخوي ( مالقيت اسم فاضي ) 
مستحيل اصلن احد يعطيني مبرر غير أن السيارة فيها شيء .. انا قلت يمكن فيه شيء يمنعهم لكن ما تخش الرأس 
لو مافي سيارته شيء كان سدح لك رقم الهيكل

يا أخوان خذوآ هالطريقة .. انا ماجربتها بس قريت عنها وهي خاصة لأهل تويوتا وأن شاء الله اذا حصلت شركات ثانية نزلتها لكم اهم شيء لا يضحكون علينا الشريطية هههه


هذا الموقع كل ما عليك هو ادخال رقم شاصيه سيارتك مع الحروف (17) خانة وقد تختلف من سيارة لأخرى حتى الموديلات القديمة يمكن ادخال رقمها .
اولا / ادخل رابط الموقع تويوتا / http://www.toyodiy.com/
ثم اختر من اليمين / parts reference
ثم اختر في منتصف الصفحة / select yuor car باللون الازرق 
ثم ادخل رقم الشاصيه 
ثم بحث




بعدها ستظهر بيانات سيارتك :
1 سنة صنع السيارة 
2 قطع غيار سيارتك التى خرجت بها من المصنع
3 بعض السيارات تظهر رقم دهان السيارة التي خرجت بها من خط الانتاج في المصنع
4 مواصفات سيارتك كاملة .
اذا حاب تتعرف على الاسعار وقطع الغيار شامله فيه سهم برتقالي في الاسفل يقولك اضغط هنا اضغط وانضغط من الاسعار 
ستظهر لك خيارات اختر منها / 
1 المحرك / الوقود
2 الشاصيه
3 البودي او جسم السيارة
4 الاجهزة الالكترونية (كهرباء السيارة)
اختر ماتشاء من الخيارات السابقه وشوف الاسعار 
للامانه منقول 

رقم الهيكل ماينفعك الا اذا كانت السيارة استخدام امريكي 
يبين لك كل شي فيها من حوادث وصيانة وعدد الملاك وهل هي استخدام شخصي ولا تجاري وممشاها الى تاريخ تصدير السيارة
عندنا هنا ماينفعك بشي
اذا نفعك ممكن بس يبين لك اذا السيارة طعلت لها ورقة اصلاح من المرور او لا 
وممكن راعيها طلع لها ورقة اصلاح عشان حادث وممكن عشان مخش في الصدام يعني ماراح تعرف مدي الضرر مثل تقرير الكارفكس
بالنسبة الى عارض سيارة استخدام ومايبي يعطيك رقم الشاص تأكد ان السيارة ملعوب فيها وينتظر زبون مطفي النور ويدفها عليه 
اما انت يوم طلبت رقم الشاص ورفض فهذا يدل على انه اخذها من قاصرها لأنه متأكد انك مابتشتري ويعرف وش في سيارته

السيارات الامريكي

اسدح رقم الشاصي في قوقل بحث الصور وتطلع لك جميع صور السياره سواء كانت مصدومة في امريكا او معروضه في صاله

أخوي فور سبيد .. رقم الهيكل ينفع واللي بيشتري للأحتياط ياخذه ويروح الوكالة ويشيكون عليه اذا انه ملتزم ويغير الزيت في الوكالة يبان عندهم وكذلك اذا اشترى قطع من عندهم يبان كذلك .. يعني مثلا واحد لقيته مشتري صدام فهذا تعرف انه صدم بها وأخفى عليك .. ايضا تروح تشيك به في محلات بترومين لأنهم يسجلون وقت تغيير الزيت ممشى السيارة عندهم بالكمبيوتر .. وكذلك في الوكالة تقدر تطلب دفتر التشييكات الخاص بهذا الرقم 
طبعا هذي كلها احتياطات تسويها اذا انك مستخدم واذا كلها سليمة مافيها ملاحظة واثبتت صحة راعيها ذيك الوقت تروح له وتفحص السيارة بنفسك وتطلعها كمبيوتر وأيضا لا تستغني عن واحد يكون خبره معك فاهم في السيارات .. صدقني ان سويت هالخطوات بأذن الله ماراح ينضحك عليك في سيارة وراح تحصل موتر يخدمك سنين 

اي سيارة تقدر تاخذ رقم الشاصي حقها وتروح للوكاله ويعطونك عنها برنت 

الصيانة
الاصلاحات
الحوادث اذا كان تم اصلاحها في الوكاله 

وبالنسبة للفورد انا رحت لتوكيلات الجزيرة وشيكت على رقم هيكل F250 عشان كنت ابي اعرف مقاس الدفرنس
وعطوني مقاسه ورقمه

بالنسبة لقطع الغيار لأي سيارة اي محل يبيع القطع وعنده كمبيوتر كتلوج راح يطلب منك رقم الشاص عشان يعطيك طلبك بكل دقه وعلى حسب مواصفات سيارتك 
لانه بمجرد ادخال رقم الشاص تظهر عنده كل معلومات السيارة موديلها ومواصفاتها ولونها وحجم المكينة والقير والدفرنس وكل شي في السيارة  مثل ماصار مع الاخ naac2 ولكن مايحفظ لك القطع الى اشتريتها نهائياً حتى لو اشتريت القطع من الوكالة نفسها 
القطع ماتسجل الا اذا تم تركيبها في الصيانة عندهم يعني لو اشترى صدام من الوكالة وركبه في ورشة يعرفها ماراح تدري انه اشترى لها صدام  والغالبية عندنا يشترون القطع من الوكالة ويركبونها في ورش خارجيه تجنباً للأسعار المبالغ فيها بالوكالة
ويترك للوكالة تغيير الزيت والفلتر كل خمسة الآف كيلو واذا جاء احد يسأل يحصل الصيانة منتظمه
 والاخ راعي السيارة تحصله مغير مكينة ولا دفرنس من التشليح ومحد درى عنه 
وغير كذا اذا مالك معرفه في الوكالة محد راح يعطيك اي معلومة الا اذا جيت تفحص عندهم واذا عطاك مره اومرتين ماراح يعطيك مره ثالثة ويتحجج لك انها من خصوصيات العميل واذا جادلت بيقول لك هات الاستمارة  

والله الامريكا اذكياء برقم الشاصيه تقدر تعرف كل شي
مو مثل السيارات الخليجيه والله ما تدري عن الموتر الا من كلام راعيه

استفدت منكم صراحة بس انا نصحني واحد قال اخذ رقم الشاصيه وروح شف بالوكالة وسوي مقارنة على مشي السيار هل هو صحيح

يخافون والسبب عدم وجود ثقافه بس اذا قابلته خذ رقم الهيكل ولا صورة وتاكد ونت واقف عنده 

السلام عليكم ورحمة الله وبركاته اخوي وش الفايدة من رقم الهيكل افيدني لو سمحت