ضاعت علومك يابو رانجلر

أذكر الله يارجل

روق روق أنت تحتاج برميل عصير ليمون

والله شف وانا اخوك انا بصراحه ما اجي افتي من راسي واتكلم لكن كلامك شيء والواقع شيء ثاني 

انا اشوف بالطعوس رانجلر كثير والله ماحد يصف جنبه في الطعس من قوته وعزمه واذا مانت مصدق ادخل على اليوتيوب وشوف بعينك اما بالنسبه للحراره انا استغرب انها ترتفع رغم انه جديد بس انا ما اجيب هالكلام من فراغ لاني اشوف الامريكان ما يستخدمون الا هو في الطين وفي الحصيان والجبال واليوتيوب ياكد كلامي 

على العموم انا مو معارض لكلامك بس حبيت اوضح وجهة نظري 

ولك لايك يالغالي 

اخوي
لو اختلاف الاذواق بارت السلع.
اما المقارنه انا من الناس الي مايحب يقارن شي بشي وهو مختلف.

تايوتا مافي مثلها من ناحية الكرف و الصبر .. 

ياليل البعارين انتم ماتبون تفهمون ياناس الرانجلر قوي وجبار لن انكر هذا الشي بس افهمو ياناس السياره حساسه واعطالها كثيره واللي فامريكا اجوائهم بارده واللي يمدحه لو فيه خير وصادق فكلامه اتحداه يروح يشتريه خلونا من الهرج اللي ماله لزوم ونمدح شي احنا نخاف نشتريه يابشر انا اقولكم السياره زلابه والوكيل ازبل منه مافيه قسم اشتري فورشنر 4 سلندر ولا اخذ شروكي واللي يمدحه يروحه يشتريه وورونا وعلى فكره فيه واحد عارضه فموقع حراج الان والحراره مرتفعه فيه وتوه جديد انتم ماتبون تفهمون بالطقاق روحو اشتروه

^^^
النصيحة ماهي بالمشعاب خف علينا يا الناصح
بالراحة وبالادب وصل فكرتك والرد الاول يناسبك الله يهديك

عيب عليك انتبه لألفاظك "بعارين" احشم الرجال ياخوي حتى وان اختلفتوا !

هذا لا يكفي لكي نحكم على سياره عريقة لها تاريخ طوويل عريض

أكتب لنا قصتك كاملة مع السيارة و هل كانترعلى يدك جديدة أم لا ؟

ممكن يكون سوء استخدام منك 

ممكن يكون سوء استخدام من الشخص اللي استعمل السيارة قبلك

ممكن يكون عيب فني في السيارة

وممكن أيضاً يكون كلامك صحيح لكن نريد تقرير كامل مدعم بالصور و الفواتير

و برنت من الوكالة يوضح أسباب هذه الأعطال ... ألخ

بحكم استخدامي 8 سنوات لجيب شروكي 2001 

أقف احتراما ًَ وتقديراَ لمن صنع هذه السيارة 


ومن وجه نظري من افضل السيارات يلي اقتنيتها بر بحر جبال ماخليت شي والا طلعتها عليه وكلعادة اكون انا في القمة عن السيارات الباقيه والكل يشهد لي

وبلنسبه لك اخوي انت طحت في موتر مدهوك موب معناه كل السيارات تعبانه عشان انضحك عليك بموترك 

تحياتي لعشاق الشروكي 

أستشاري الحب ,

ديسلايك بالغلط وعيا يعدل وابشر بالعوض

انحرق كلشتي : اقوول يالغالي عساك بخيير ^_^ 

أنا دخلت المنتدى وسجلت دخول عشان شيء واحد بس 
تدري وشو ؟ 











عشان اعطيك ديسلايك وأسجل خروج لاني مستعجل ^_^ 

وانا عطيتك تقييم سلبي لان كلامك غير منطقي 
انت ماجربت السياره ولاعمررك سقتها بس تتكلم وتتخييل 
والرانجر اطلق من الربع والكروزر والباترول بعد والي براسك سوييه 

مووتر امريكي أصل ومنشأ صناعه وتجميع امرييكي ١٠٠٪ 
ويكفي ان اسم شركته jeep اسم على مسمى 





& أنيق &

افاااااااا
ماهقيتها منك يا أنيق اجل الرانغلر من الباترول!!!!!!!!!!!!!!!!
يرحم والديك قول غير هالكلام تتكلم على ملك الصحراء يا ولد!!!
ترا فخر آسيا اليابانيين وفخر اليابانيين [[[[[ الباتروووول]]]]]
عموماً تم قصفك بديسلايك عيار 9ملم يحبه قليبك الكتكوت خخخخخخخخخخخ واقصفني انت بعد وكل من يعجبه كلامك وما همني لأني لابس على صدري درع وعلى راسي خوذة مكتوب عليهم باتروووووووووووووووول
خخخخخخخخخخخخخخخخ

ناادر : افاااا ، انت من حبايبي الغالييين كيف اعطيك دسلايك ^_^ 

ترى كلها حديد 

ولاتزعل 

الموتر الياباني لحاله 
والموتر الامريكي لحاله 

كل سياره ولها ميزه 


ولاعاد اسمعك تقول عطني ديسلايك ترى بعضضضك ههههههه 

دام انا من حبايبك الغاليين وماراح تعطيني ديسلايك ,اجل انا والله متفشل منك واسحب الديسلاك اللي عطيتك ياه,,
وهذا عين العقل: الموتر الياباني لحاله والأمريكي لحاله,و كل سيارة ولها ميزة,, وليه اللهم ياكافي تبي تعضضني؟؟!!
ترا مو خوفاً على نفسي ابد بس خوفي على ضروسك لا تروح فيها هههههههههههههه