مالافضل من هالسيارات .

اخوي اول شي اشرح انت من النوع اللي يبي سياره فخامة او تبي سيارة حقدت كد يعني كرررف علشان نقدر نساعدك وهل انت تبي تطلع سيارة وكالة زيرو او مستعمل عطنا معلومات اكثر علشان نعطيك نصايح تفيدك

اذا الكابريس ما تطلعها أصفار من الوكالة ف لاتخاذها نصيحه 

أنا أقول كروان فيكتوريا افضل شئ اذا تبيها كد و كرف
أما التشارجر اذا تبيها شكل وشبابيه

وأتمنى أني أفدتك  

انصحك بالتشارجر الشكل الجديد اذا ناوي تاخد مستعمل بس اهم شي خذه ثمانية سلندر او rt

التشارجر الجديد حق ورعان وربي كلهم تحت 25 سنه

انصحك بكابريس رويال لون ابيض 2009 

الف شكر على ردودكم جميعا 
.. انا صراحه اداوم في مكة وانا من اهل الطايف يعني يوميا نازل طالع .. السياره اللي باخذها مستخدم ماباخذ جديد

بالنسبه لحاجه السياره ابيها سياره كرف وسياره فيها مواصفات .. يعني الفكتوريا مثلا مافيه اي مميزات او مواصفات داخليه وهي كسياره صبوره وعمليه 

اما الكابرس انا اسمع عن مشاكلة دائما فما ادري وش رايكم بالكابرس من 2007-2010

طيب اخوي انت تقول تبي سيارت كرف ويومياً دوام من الطايف لمكه وبالنسبة للكابرس تسمع عن مشاكله وتمدح في الفورد يعني خلك على الفورد وفكك من المشاكل وكل شوي وانت واقف على جنب الخط اذا على المواصفات تقدر تركبله فتحة سقف وضمان وتركب شاشه واعتقد تلقى في جده كيلو 2 بدون ترهيم تركب على طول وبتكون مرتاح من الخرابات والاعطال وسيارة شعبيه واي ورشة تقدر تسويها
وانا اتكلم على الفورد من تجربه اكثر من اربع فوردات مجربهم ما شاء الله وانا ما اذم لا في الكابرس ولا غيرها 
واستخير والله يكتبلك الخير ان شاء الله

مشاكل الكابرس 2000 - 2004

اما 2007 - 2013 ممتازة جدا وانصحك فيها خصوصا 2009 ولو كان اس اس او رويال افضل شي

اخوي التقنيه والتطور في السياره بتطفش منها لكن بتكلفك صيانه يعني لكل شي ضريبه والفتحه من زين اجواءنا عشان احرص عليها والكابرس ولى زمانه اللي انت خابرها والتشارجر قاسي في الخط ووكيلها سئ وقطع غياره لك عليها اما غاليه او غير متوفره وانت تداوم يوميا من مكه اللى الطائف فنصيحتي لك خذ فكتوريا والله موتر وقطع غيار متوفره ويمشيك خمس سنوات مايطلب منك شي ووكيل قوي وفي الاخيرتبقى قناعه شخصيه لكل شخص

طريق دوامك تحتاج سياره راسيه وقير قوي يتحمل الطلعات والنزلات

يعني في هذي الحاله الشارجر الافضل من ناحيه الرساوه ومن ناحيه القير فهو قوي من شركه المانيه وايضا 6 نمر

الفورد كروان فكتوريا غير راسيه وقيرها ضعيف مع الطرقات الوعره و4 نمر

اما الكابرس كثره اعطال والقير خصوصا واقل رساوه من الشارجر بكثير

يا رجال نصيحة أخ خذها من آخرها وريح راسك بفورد صيانته السنوية كفرات وزيوت واذرعه وغيره ماتكلف 3000ريال سنويا
كان معي واحد قديم 97 كل شهرين مشوار 5000كيلوا من غير الاستخدام اليومي مع اني اجور عليه واثبته ع الفصله طول المشوار ولاعمره وقفني بخط لانه كان دوامي بالدوادمي وانا من تبوك كريته 10سنوات وبعته ماغيرت فيه اشياء بالمكينة غير ثلاجه بـ 1250 وجلد بلوف 900 ريال
الاشياء اللي تغيرها كل ثلاث سنوات طقم اذرعه اذا احتجتها بـ 570ريال أصلي وجويزات النوع اللي قبل الاصلي 270ريال
اتحدى سياره من سيارات التقنيه انها تصرف اقل منه صيانة واكثر اعطال بعد

كروان فكتوريا -كابرس -تشارجر


كلها أبو كلب (كاستخدام وعملية) لكن الكابرس والتشارجر فالحين في الدريفت ، لكن كسيارات اعتمادية شوف لك ياباني أو كــوري

لحظه لحظه ،، حدد ياغالي الموديل اللي بتاخذه او بمعنى اصح حدد المبلغ اللي معك ،،، الكابرس جيد اذا بتاخذ 2011 وفوق التشاجر برضو ممتاز اذا بتاخذ 2012 الفورد لا غبااار عليه

خذلك 2009 وفوق لا تقرب من 2007 و 2008 لإن 4 غيارات و 2009 6 غيارات

و الكابرس أهم شيء الصيانه لازم تشيك عليه كل 6 شهور تشيك كامل تشوف وش يحتاج

اما الفورد كل سنه شيك عليه

التشاجر ما ادري عنها بس ما اتوقع حقت كرف

شوف انت انسب شي لك الكراون فكتوريا
واذا وقفت على سالفة تكنلوجيا ب 4 الاف تضبط سيارتك
شاشه ب 1000 و 3000 ترهيم فتحه 
وابتعد كل البعد عن الكابرس انتبه
صدقني اذا اشتريته راح تسوي عقد مع الورش
هههههههه وانت بكيفك 

السلام عليكم بنسبة الي يذمون الكابرس السيارةالوحيدة الي كرهوني الناس فيها والله انه افضل سيارة استخدام عرفتها في حياتي انا قبل سنتين نويت اشتري كابرس 2004 وكل ما بغيت اشتري الي يقول حرارة والي يقولي كمبيوتر والي يقول قطع الخ... وسفهت كلامهم واشتري ليس من المعرض اشتريتة من السيارت الموجودة في الصناعية كل هذا ابي اعرف بس وين المشكله في السيارة غيرت مكينة وغيرت القطع الاستهالكية وكلها معا قيمه السياراة 13900 ريال والى يومك ذا ما اشتكيت من حرارة راسية في الخط مريحة وانا كل ذا ابي اكسر شي عن الكابرس الواحد يحرق فيها ولا يغير زيت والرديتر ومتسسخ الله يكرمكم وفي الاخير يقول خرابته واجد
وانا بغييت اوصل وجهه نظري وشكرااا