استفسار عن تغيير الكفرات ...

اذا استخدام داخل البلد  او خارج البلد على سرعات منخفضه تمشيك باقي فيها عمر  

ماشاء الله 

خلاص الكفرات انتهت ومن الان وصاعد الممشى عليها وخصوصا على سرعات عاليه خطر جدا 

انصحك تغيرها من الان 


وماشاء الله بين ان سيارتك وزنية العضلات 100% وهذا شي طيب 

باقي فيها شوي بس مو مضمونه

ترا الوكالات حقت الكفرات مسويه عرض عليهن

انا شاري هنكوك قبل شهرين ب 330 ريال مقاس 16 للكامري
واليوم ب 300 تقريبا

تمشيك داخل البلد وبسرعة لا تتجاوز 120

وإذا في عندك مجال تغيرهم يكون أفضل

أنا كان عندي كابرس وكان عليه نفس كفراتك ولكن للأسف بعد سنتين صارت ناشفة وقاسية في الممشى

سعد خليل
ممكن اعرف كيف عرفن ان عضلات سيارته ميه ميه ؟ من الكفرات يا رجل ؟
غطيت على الشريطيه وورش الفحص

حبيبي حتى لو الكفر يلمع ونضيف لا تغتر بالمظهر
باين من نفس الدعسة تشققات
نفس الخطوط الطولية
داخل الكفر
في نفس الدعسة
لو حصلت فيها تشطيب معناها خلاص الكفر انتهى
ولا تنس الاجواء حارة الايام هادي
وما تتحمل سرعات وحرارة
الافضل تغييرها لسلامتك وحتى تمشي بالسيارة وانت مطمن على نفسك واهلك
العب في كل شي الا الفرامل والكفرات خط احمر تعتبر لا مجال للتأجيل في صيانتها
والله يسلمنا واياكم اجمعين

^^^^^^^^^^^^^^^ عرفن = عرفت

ملك الخطوط مداخله بكلمات جارحه 

واليك الرد بطريقه عسليه 


اخي الغالي العضلات اذا وزنيتها ماهي تمام يعني اكل مطبات اكل رصيف اكل حفره قويه 

راح تتغير الوزنه وبالتالي الدعسه

ورايح الكفرات ممكن تمسح على جنب ولاتصل حتى 30 الف كيلو منذ شراء الكفر


وبالصور نلاحظ جوانب الكفرات سليمه وان الكفر موزن على الخط بحيث انه مايمسح من الجوانب 

ويعطي عمر اطول والرجال يقول ماشي 60 الف وهذا دليل اخر 



وهذي صارت لي اخذت سياره  هلي 2010 وباين ان العضلات رايحه يها والشاصي معدل وفيها عكس وبلاوي


صارت الكفرات تمسح على جنب والوزنيه رايحه في خريطها والله الكفرات ماكملت 30 الف


الان معي هلي جديد ماشي 28 الف والحمدلله الكفرات باحسن مايكون 


ارجوا ان فكرتي وضحت

اذا انت داخل المدينة يعني سرعتك ما تتعدى 80 عادي باقي فيها عمر ،، اما اذا طريق سريع بدلها افضل لك

اخوي الكفرات بحالتها الراهنه نص عمر تقدر تغيرها وتقدر تخليها وعلى قوله الردود الاوله تمشيك داخل البلد وخطوط بسيطه وترا الكفر انا بالنسبه لي ماغيره الى لمن يتمسح والى لو نقشته سليمه وماحبل ماغيره
تقبل مروري تحياتي لك يالغالي

اخوي
غير كفراتك والله الموفق

فيه جهاز عند البناشر يحسب لك عمق الدعسه والخ

عموما عمر الكفرات على حسب الشركه وفي الغالب الشركات تضمن الكفر من 5 سنوات الى 120 الف كيلو متر وبعض الشركات أقل من المدة والممشى افضل تسأل الشركه وتبلغهم بالممشى ويقسون لك مابقا من عمرها وانا اتوقع بتمشيك الى سنة ونص بالراحه

ماشاء الله كفراتك تعتبر وكاله بالنسبه لكفراتي :) انا اللي عندي النقشه اختفت من الجوانب كامله وفيه تشققات وحالته يرثى لها ههههههههههههههههه وكل اسبوع امشي ع الرياض والامور طيبه وان شاء الله ناوي اغير الكفرات بس محتار بين ( هانكوك - تويو - ماكسس ) اللي جربهم يفيدنا ..

سعد خليل بفهم كلامك مبني على أي اساس ؟
ولا مجرد تحليل من واحد لعب عليك وصدقته ؟
طيب انا بعطي سيارتي لواحد يفحط اسبوعين والكفرات منتهيه
هل بتقول هذه السياره عضلاتها رايحه فيها ؟
طيب عشان ما تقول المفحط وش دخله
طيب بعطي السياره واحد حركاته كلها داخل المدينه وبشكل كبير يوميا يعني لفاته كثير وما يقعد معه الكفر الا 20 الف كيلو فقط وانت اذا عطيتني طريقتك العسليه
خذ مني طريقتي المجربيه
الكفر ماله علاقه بعضلات السياره اطلاقا
يعني شيل هل الفكره من راسك
الكفرات الي يقضي عليها ويمسحها هو كثرة الفرك والحك الي يصير لها
كل ما تحتك اكثر بالخط تبدا تختفي النقشه
وكثير من الناس لما يجي يبي يديور تشوفه يلفلف بالطاره ويفرك الكفر كذا ينعدم الكفر من الجوانب وهنا نقول على السواق غشيم
اما صاحب هذا الموضوع مبين عليه سوااق ويعرف يرجع وياخذ مساحه باللفه لما يبي يلف عشان لا يفرك الكفر
اما سالفة عضلات سيارته هذه كثرلي منها ههههههههه

ياخي مابيني وبينك شي عشان تلفظ هالالفاظ الي تحسسك انك تتكلم مع ورع 

معروف ان العضلات السياره تاثر في وزنيه الدعسه وبالتالي وزنيه السياره تامه 



واذا مانت مصدق جعلك ماصدقت ولااخذت مني فايده 


اما عن التجربه فانا مجرب هالشغله وعارف كل شي عنها ولاتجي تفلسف علي 






انتهى ..

الحين انا تلفظت عليك الفاظ ؟
انت شكلك ما تفهم الكلام ؟
انا كل الي تكلمته كلام عادي ومعاكس لك فقط
انت شكل أي واحد يخالفك بالرأي معناتها يتلفظ عليك
يا ابني ما اعرفك بس انت عندك معتقد في الكفرات خاطئ وانا حبيت اصححه لكن واقنعك
انت ما اقتنعت بكيفك لا تدخل الغلط بينا السالفه كلها كفر ب300 ريال