للإغلاق للإغلاق

لسيارتي 
مظللها كامل 01
ما عدا القزازه الامامية 00
ممتازة وفي فرق عن الشمس

المرور مانع كل التظليلات
ما عدا الشفاف
يعني لو شافك مظلل 01 بيقولك فكها ويعطيك مخالفه

آخوي yahya انا سيارتي مضللها كلها 03 حقت الشنطة والابواب الي ورى والابواب الي قدام كلها 03
ماعدى الامامية ماضللتها ، وافكر اضللها تظليل خفيف مايؤثر على الروؤية ، 00 حلو اتفق معك لكن بالشمس ماتحس فيه
ام 01 تحس فيه شوي ، انا بس خايف من شي واحد وهو المرور

اخوي متابع بصمت ، انت تقصد الامامي فقط صح ؟
يعني 00 مسموح فقط ومابعد 00 غير مسموح
الغريبه عندنا بديرة اشوف ناس مضضلين هايلكس غماره كاتم وقدام تقريباً 02 وفيه غمارتين عندنا بالحاره
لها يمكن سنه او اكثر يروح ويجي وماشفته فاك التظليله ،
ومعروف الهايلوكس مشبوهه ، لكن انا سيارتي سيدان ودايم معي الاهل ، ولامنب راعي تجمعات ودوران ولله الحمد
اقضي حاجتي وأرجع البيت الله يثبتنا
ف وش رايك

انا الاماميه مظللها من داخل 01 نيكل ومن برا شفاف يعزل عزل مزبوط في النهار ما يشوفك الي برا واليل لك عليه
واذا طبيت فجئه بتفتيش اولع لمبة السقف
واجلس افتح الدرج واطلع البوك ولا انت في التفتيش
كذا حركتي من زمان ولا انقفط

التضليل الامامي يعتمد اعتماد كلي على باقي التضليله ومدى انعكاس الظلام داخلها
اذا كان سيارتك لونها من داخل فاتح ( بيج - فضي - هلوز ) خلي القزازه الاخيره مره 02 وباقي السياره 01 مع الامامي بترتاح شوي من قصه المرور وفك وقشع ويفضل الاماميه من داخل لانك تقدر تقول للتفتيش ان القزازه شد بلد ملونه وماراح يشوف من الخارج اثار التحديد او القص حق التضليله بيخليك تمشي
بالاضافة الى ان السياره بتكون باين الي داخلها سوا ليلاً او نهارا مع لمبات السقف تطلع اوكي

اما بالطريق السفر لما تسافر مع اهلك افتح لمبه السقف الي فوقك فقط عشان يدري معك عائله ماراح يتكلم معك
ودايم منظر السائق وربط حزام وشوي بهارات تمشي اموره بدون محد يكلمه

انا صراحه مضلل 03 والاماميه 01
قسم بالله كتم مافي امل احد يشوفك 
بس في الليل السواقه صعبه اشوي يعني اذا جت سياره انوارها طافيه ماتشوفها الا اذا صدمتها ههههههه
اما في النهار فل ابشن اطلق منه مافيه 

اخوي اذا كان كاتم مره يعني مخالفه 300 وحجز السياره وشكرا

الحمدلله اغلب الوقت لابس الحزام ودايم علي شماغ وباين على وجهي منب راعي لف ودوران والاخلاق طبعاً وهذي شي يخليهم يمشكونك بنسبة 70 %
اخوي ابو zozo
بخصوص تظليتك نفس الي عندي كلها 03 ماعدى القزازة الامامية ان شاء الله بركب قريب مدري عاد 00 ولا 01
ماقالوا لك شي المرور ؟ واذا جاك تفتيش وش تسوي ؟
انا والله مابي كتم ولا ابي واضح ابي وسط
وش رايك اضلل 01 ولا 00
-------
الحين فيه ليل وفيه نهار ، يعني 01 ممتاز جداً في النهار مع الشمس والصيف لكن بالليل يمكن مايكون زين من ناحية الرؤية ومن ناحية المرور
و00 لك عليه بالنهار وبالليل زين ، لكن اساس التظليله عشان الشمس والنهار والاهل و00 ضعيف بالنهار
و01 ممتاز
مدري والله متحير

اخواني خذوها مني من خبره ومن سابق خبرات التظليل تقدر تظلل03 للقزاز الاخير الخلفي والجوانب الخلفي والعسكري مايكلمك ويمين رب الكعبه مايكلمك
الامامي ياعيني عالامامي لو ركبت 02 مع الخلفي03مخالفه300ريال سريع سريع لازم واجباري تركب03للخلفي كامل 
و01للامامي وباذن واحد احد ماحد يكلمك هو ممنوع بس زيرو ون اعتقد مسموح ويمكن العسكري يمشيك نسبه65% اما 02للامامي تاخذ المخالفه على طول ويمكن تفكها بعد
اتمنى كلامي وضح ووصل

عزيزي انا مظلل كامل السيارة 02
بالليل كنه غرفه متحركة

بس تجنب التفاتيش والاشارات اللي عندها مرور
ولا احد بيوقفك ولو وقفك فكها وركبها ثانيه ترى سعرها 30 ريال
ولا 150 مخالفة

اهم شي التركيب من الداخل
عشان تنفك بسهولة
اما من برى بتصكه الشمس وتلصق واقعد دور مشرط ومخش القزاز

اخوي انا مشتري عن طريق النت تظليل امامي فقط بـ 120 ريال تقريباً شفاف ..

من شركة لومار عازل ممتاز جداً ..

بتركب تظليل في الزجاج االامامي الكبير بتاخذ مخالفة 300 ريال زي السلام عليكم حتى لو كان درجة التظليل 01

بتركب تظليل 02 في النوافد الاماميه بتاخذ مخالفة بنسبة 100%

بتركب تظليل 01 في النوافد الامامية بتاخذ مخالفة بنسبة 50%

بتركب تظليل 02 في النوافد الخلفية بتاخذ مخالفة بنسبة 0%

اساسا مكتوب بموقع المرور المسموح به تظليل النوافد الخلفية بـ 02 فقط ماتظلل شي ثاني

الزجاج الكبير الامامي او الخلفي ممنوع وتاخذ مخالفة 300 ريال ،، لكن عادة الزجاج الخلفي المرور ما يتكلم ويعطي مخالفة عليه ،، اما الامامي تاخذ المخالفة زي السلام عليكم

باختصار ظلل 02 للنوافد الخلفية واشتري لك ستاير قماش للنوافد الامامية سعرها 20 ريال للنافدة وركبها ووقت ما تمر على تفتيش فكها وركبها ما تاخذ منك فكها الا 5 ثوواني .. وواذا تبي الزجاج الخلفي اشتري له قماش ووحطها ومثل ماقلت لك المرور مايتكلم للزجاج الخلفي لما يكون مظلل لكن انت خلك على ستاير لقماش لان التظليل يخرب من الشمس ومع غسيل السيارة وتضطر بين فترة وفترة تركب لك تظليل من جديد

^^ زي مّ قآلك خلك نظآمي محد بيفتح فمه 


آنآ ظللت قزآزتي آلآمآمي 01 و ريحتني مع آلشمس شوي و دآئمآ طريقي مّ فيه لآ تفآتيش و لآ دوريآت 


قعدت تقريبآ آلتظليله شهرين و مره من آلمرآت شفت دوريه قدآمي و تجنبتهآ و دخلت حوآري شوي آلآ و آشوف آلدوريه تلحقني 


آلمهم يجي آلعسكري و يقول وش عندك تجنبتني و تحقيق و آخرتهآ علشآن آلتظليل و آفكه و مشآني بدون مخآلفه 


و آلحين آلحمدلله آمشي بثقه في آلشآرع لآني وآثق آني مو على غلط زي آول لذلك نصيحه خلك نظآمي علشآن مّ يجي عسكري بزر توه متخرج و يطقطق عليك عشآن تظليله ..

يا راعي الموضوع انت تقول ان في بعض الاشخاص مظلل السياره كامله ولا احد وقفه
واظن جواب سؤال بعض الاخوان جاوبوه
بعضهم عند شوارع معينه يمشي فيها ما يكون في مروور كثير بهالطرقات ويتجنب الاماكن الي فيها تفاتيش وزي كذا وتمشي معه
لكن لابد يجي يوم ويصيدونه
فانت الافضل زي ما قالو الاخوان
ظلل الخلفيه 02 والجوانب ظللها 01 والامامي خله شفاف افضلك واسلملك

جزاكم الله خير على مساعتدكم
وشكلي هونت عن التظليل الامامي لاني امس طلعت اودي الاهل وامشي بالشوارع شوارع بالديره ومنوره واحس نظري وسط
وهذا مافيه تظليله ابد ، لذلك هونت عن التظليل ولله الحمد ، واذا كنت بضلل الامامي راح اضلل شفاف 00 اسود
وخصوصاً السياره مضللها كلها 03 القزازة الكبيرة حقت الشنطة و الجوانب الخلفية والجوانب الامامية كلها 03
واذا ركبت 00 قدام راح تكون كانها 01
-- -----
الله يستر علينا وعليكم ، والله انا مضلل السياره كذا عشان الاهل والشمس ،، وعند الاشاره فيه ناس يوقفون جنبك ويطالعون بالسياره
ومن فيها وهنا فايدة التظليله
جزاكم الله خير

القزاز الامامي ممنووووع تظلل وانا امسكني واحد وكنت حاط على قداز السواق ٠٢ ومحترقه 
سألته عن الي قدام قالي اذا العسكري سمح بقولك فكها واذا هايطت الحجزززز 
نصيحتي في شي يجي لفاف تظليل ركبه