أصحاب الكامري 2006 عندي بعض النقاش معكم الله يسلمكم
3
1
إضغط هنا للإخفاء
السلام عليكم ورحمه الله وبـركـاته
انعرضت علي كامري 2006 أتوماتيك ماشيه 182 وجربت قيادتها ولا اخفي عليكم اني اول مره اجرب قياده الكامري وعندي بعض الملاحظات متخوف منها ابيكم تتناقشون معي فيها الله يسلمكم
اول ما ودي اقوله اني سقت مواتر كثيره من تويوتا وفورد وغيرها وعشان كذا الملاحظات هذه وجدتها في الكامري ما ادري هذه موجوده في جميع الكامريات ولا العله في هذه الكامري الي راح اشتريها ، وراح اسردكم ملاحظاتي اول باول يعني من اول ما فتحت باب السياره حتى نزولي منها بالترتيب
1 - طارتها اثقل من طارة الكرولا بحكم تجربتي لكرولا 2012 فهل هذا الشي طبيعي فيها ؟
2 ـ العزل الأرضي فيها سئ جدا تمشي 70 تحس انك ماشي واجد ، أما الكرولا تمشي 90 وتحس انك ماشي 60 ، فهل هذا الشئ طبيعي فيها ؟
3 - صوت المكينه تسمعه بوضوح وأنت على السرعات الاولى اشبه بصوت مكينه ديماكس ايسوزو وفي السرعات العاليه يكون خفيف واتوقع بسبب اصوات الهواء الي تغطي على الصوت ، فهل هذا الشئ طبيعي فيها لأني مجرب بعض المواتر ما تكاد تسمع صوت المكينه وانت تمشي ؟ ؟
4 ـ تسمع صوت الهواء من جوانب الابواب بعد 100 كلم ؟
5 ـ مطبات الارض كلها احسها بالدركسون !؟
6 ـ مع اراضينا المكسره ومع السرعات العاليه واذا جت نزله وطلعه بشكل مفاجئ احس وكأن السيارة ودها تزحف يمين ويسار !؟ وهذا شي غريب ومخيف أنا قلت يمكن الشاص مضروب او مقصوص ؟ ؟
7 - الشنطه عند الإستبنه على اليمين واليسار بشكل طولي فيه شحم اسود ؟ فهل هذه دلاله ان الشنطه مقصوصه ؟ ؟
8 - الرجال لما جاء ولف الدركسون على اخر شي بشكل مفاجئ جهة اليمين طلع صوت مثل صوت احتكاك حديد قوي وهذا شي اورد في نفسي الريبه والخوف قلت يمكن علبة الدركسون تهرب ، وانتم تعرفون انها تكلف مبلغ
9 - اذا فحصتها هل يبين لي ان الشاص مقصوص او لا ؟
10- كم السعر المناسب لهذه الكامري 2006 مع العلم انها اتوماتيك ماشيه 182 في الرفرف الخلفي اليسار مسمكر والتنده ارتشت بدون معجون لانه كانت مشهبه وبالفحص فشلوها لانهم قالوا بان لون التنده مختلف عن البدي على كلام راعيه والله اعلم والصدامات مرشوشه والقير والمكينه والشاص والعضلات على الفحص ، والبدي ما يشرطلك عليه وهذا اوردني الشك
فكم تتوقعون انها تسوى ؟
إبلاغ
الردود
0
1
قبل 10 سنه و 10 شهر