أضف سؤال أو موضوع جديد          

آسعآر الموقع

up 3 down 1
عاشق كولا 299
قبل 7 سنه و 9 شهر



السسلآم عليكم ..

كيف أصبحتم اليوم أسأل الله أن يكون الجميع في أتم الصحة والعافية
صباحكم معطربذكرالله. ... اصبحنا واصبح الملك لله الواحد القهار.

آخوآني بصرآحه ف موضوع مهم واللى هو آسسعار الموقع !!
الاسعار مستخدم وصلت الى اسعار الجديده
يعني بعطيكم مثال وذا قبل شويه شايفه ف موقع !!

سعر سياره وكاله 2013 94 الف
لقيت وآحد منزل سياراته 2012 وماشيه 50 الف ويقول السوم وآصل 85
ويجي وآحد يسسوم 86 !! > ي هو ربنآ عطنآ عقل نفكر فيه ....!!
سياره مآشيه 50 آلف ..50 الف مو 5000 ولآ كآن بلعتهآ
والله آني اتمنى له الخير مع آحترآمي له ..بس وش خلى للجديد !!
بالعقل ازود كم آلف وآشتري جديد و ع يدي !!
وآخونآ الثآني ف لله يسوم 86 ..!!
ويآلله فيه كثير زيهم !!

.

.
اتمنى الاداره تشوف حل ..بصرآحه الوضع مزري !!
وكمان نصيحةة اللى بيغى يشتري سياره مثلآ موديل 2012 أسال عن آسعار 2013 ولآتطير مع العجه
.

.
والله يوفقكم للخير..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


@# ههه اللي يقول مسيومه 48 الف

هذي سومه من كيسه ولا كان راح للي سامها وباعها 47 او 46

بدل 35 .... نوعية غريبة ههه


up 1 down 1
feroo li 1816
قبل 7 سنه و 9 شهر



اخوي الموقع صاير كله شريطيه  وحرامية وعمالة مخالفة وتتاجر انتتبهو  نادر تحصل  واحد جاد في البيع  او ما هو مبالغ بالسعر وما عليك منه شفت الي طالب ب سعر الوكالة مصيرة راح يبرد وججه وينزل من سعرها واصلا السوق نازل  وفي حالة ركود. والناس  معطلة 


up 1 down 1
صوت العزاوي 523
قبل 7 سنه و 9 شهر



المشكلة بعضهم توة شاريها جديدة وتسسئله سببب البيع بيقولك البناء او الابتعاث والاعذذار  كثيرة 


up 2 down 4
صوت العزاوي 523
قبل 7 سنه و 9 شهر



انا ما استغرب الا من فئة معينة يقول لك السيارة مسيومة مثلا 50الف والحد قريب ثم بعد شهر يجيك ويقول الحد من الاخير 40 الف مثلا


اللحين يوم انسامت منك ب50 ليش ما بعتها للي سامها ههههه ولا هي اصلا ما سيمت


شايف اعلان واحد راعي هايلكس عنه شد يبي يبيعه يقول السوم 1050 والحد 1100 هههههه انا قلت هذا محشش ولا شارب ديزل على الصباح وش الفرق 50 ريال هه بعض الناس حتى البيع ما تعرف تبيع


up 3 down 2
كروز_وبس 1042
قبل 7 سنه و 9 شهر



شفت في الموقع مرسيدس ٩٠ واصل ٤٤٠٠٠ ريال 
لكزس gs ٢٠٠٨ واصل ١٤٠٠٠٠ ريال 

سلامااااات 


up 0 down 2
no .. yes 185
قبل 7 سنه و 9 شهر



الموقع اسمه حراااااج يعني الشغله فوضى
والى يرفع الضغط واحد يعلن عن سيارة بعد ماكرفها 5 او 6 سنين ويوم فكر يعرضها حط لها صورة قديمه اول ماأشترها
واذا رحت تشوف السيارة تتفاجأ بالواقع الأليم



up 5 down 1
for speed 752
قبل 7 سنه و 9 شهر



وبعضهم  يحاول يخدع الزبون تلقه منزل صور فوتشوب او بليل  او مصور لك الجنط والسيارة من فوق  العماره 


up 3 down 1
صوت العزاوي 523
قبل 7 سنه و 9 شهر



اول منحاشين من المعارض نقول اسعار غاليه و زحمه وجو حار 
بعد موقع حراج و الاسعار الفلكيه وناس تستهبل وناس تبخس رجعنا للمعارض 
اقل شي ناس جاده تبي تبيع او تشري 


up 4 down 0
طلال الشريعبي 221
قبل 7 سنه و 9 شهر



الى حاط لنا ديسلايك شكلنا جيناه على الجرح وتضايق منا
هذا هو الواقع والموضوع للنقاش ومافيه زعل


up 3 down 1
for speed 752
قبل 7 سنه و 9 شهر



ولا يجيك واحد يقولك بدي وكاله ويعطيك زين العلوم ولامنك جيته وتعنيت تلقى سيارته مثل خشته مفقعه من كل جهه


up 1 down 0
فارس الجبيل 99
قبل 7 سنه و 9 شهر



اللي يبي يبيع معروف واللي يبي يكششخ بسيارته ويحدها بسسعر عالي بتطيح بكبده وكل يوم يمر ينقص من سعرها الين تلقاه يحدث الاعلان ويقول ( لتفاصيل اكثير اضغط على اسمي ) وفيه بعضهم موتره مايتعدا 40 الف ويجيه واااحد مطفي النور ويقول اسوووم 60 وابو الشباب يتعلللق خلااص يمسك عليها السوم يبتدي من 60 هههههه انا عن نفسي واعوذ بالله من كلمة انا شريت من موقع حراج طيب واذا شفت السياره اللي تعجبني لا ازيد ولا اسوم ولا خرابيط اتصل بشكل مباشر واعرف وش في السياره ومافيها وبعدها اعطيه السومه اللي تناسبني واحس انها تناسبه واقوله تراي ادور سياره يعني سومتي لك صلاحيتها 4 ايام لاني مستعجل وابي سياره شاور نفسك واذا بغيت عطني خبر


up 1 down 0
شكلين مابحكي 3160
قبل 7 سنه و 9 شهر



صدقت , و اللا اللي يجيك سيارة مصدومة و فرقها 10 آلاف عن النظيييييييييييف مرة 
و ياريت بس فرق السعر 10 آلاف إلا الصدمة تكلف فوق العشرين ألف :) 
فعلا في شريطية كثار صار في الموقع , مرات يبخسوووون و مرات يخربون البيع بزيادة السومة , بس وش علينا كل واحد الله أعطاه عقل و هو حر فييييييييه اللي يبي يتخرفن مشكلته


up 0 down 0
eng.aboood 11
قبل 7 سنه و 9 شهر