عزل السيارة السيء ومشاركتكم للحلول مهم للجميع

1 0

لايمكنك التصويت حتى الحصول على 20 نقطة على الأقل
إضغط هنا للإخفاء

ابو عبدالله احمد 3530
قبل 11 سنه و 6 شهر

السلام عليكم 
فيه حلول مؤقتة بالنسبة لعزل الهواء للسيارة 
1- جلد ابولفة ابوعلبة حمراء لكن عيبها انها توسع فجوة الباب بعد فترة 
2- وزنية ابواب السيارة واحيانا لما توزن الباب يزيد صوت الهواء بسبب عدم الوزنية بشكل صحيح او اذا وزنت الباب
حتى لو بشكل صحيح يزيد الهواء لماذا لان الباب وزنيته حساسة اذا لم تاتي عليه صدوم وممكن الشركة الام جعلت 
وزنيته بشكل معين
3- تغيير جلد الابواب والزجاج على الابواب ممكن لكن في حالة انها اصلية لكن التجارية منها تزيد الطين بلة
والاصلي سعره خيالي من الوكالة 
4- ترقيع اماكن التنسيم وهو مؤقت فقط لاغير وبعدها ترجع تنزعج من الصوت مرة ثانية (مثل وضع لصق قماش او مناديل)
5- تلبيس الابواب داخليا بين الديكور والبودي بمادة عازلة منعا للازعاج عند السرعات العالية وهذه لاارى بها اي عيب من انحيتي
6- تغيير مثلا لكامري جلد ابوابها بجلد ابواب لكزس او الماني لكن وين نحصلها غير الوكالة ؟
7- فيه حل والله ماادري بتقولوا علي مجنون او خبل فيه لكن فكرة طبت راسي وقاعدة تتبرمج ومالها حل الى الان ^_^
وهو تغيير جلد ابواب السيارة من جلدها الاصلية الى بديل لها وهو جلد الثلاجات والفكرة هذه يوم رحت تشليح بريمان
وقلت ابي اسال عن جلد ابواب اللكزس ممكن تركب بالكامري مالقيت احد يفيدني الا سوداني الله يجزاه خير
قالي تبي حل وتصير ابواب سيارتك مثل اللكزس شفط يعني قلت هات اللي عندك قالي روح لمحلات التبريد يبيعون قطع
غيار للثلاجات وخذلك 5 متر جلد ثلاجات لونهااسود زرفك اللي عندك وركبها بدالها وتصير مثلها مثل اللكزس شفط
قلت طيب ماراح تلصق ببودي السيارة راح يكون قبالها جلد على البودي عند قفل الباب قال راح تلصق جزء منها 
على البودي والاخر على الجلد قلت طيبو رحت متحمس اسال عنها وكلهم قالوا عند واحد يبيعها في شارع المينا او الهنداوية
بعد الاشارة كانك رايح على كبري المينا وكل مارحت قالوا مقفل متى يفتح قال مافي الاعامل واحد يداوم نص دوام 
وبعدها مليت 
لكن كل مااتذكرها الفككرة ذي اتحمس وابي اشتري الجلد هذي واركبها بالكامري 
اش رايكم انتم 
اوه نسيت كمان عزل الارضية للسيارة نبي مشاركتكم في تقوية عزلها لاهنتم 
وهل يوجد حلول اخرى غير اللي ذكرتها
طولت عليكم لكن لاتمرون الموضوع بدون رد رجاء نبي حلول وابتكارات ونبي مبدعين وخبراء ومجربين وكل الاصناف ^_^
بارك الله فيكم وتقبلوا تحياتي

إبلاغ

الردود