أضف سؤال أو موضوع جديد          

------تنبيه------- انخفاض في اسعار السيارات قريبا

up 5 down 1
center 284
قبل 7 سنه و 10 شهر



بسم الله الرحمن الرحيم

نصيحة لكل شخص مقبل على شراء سيارة ان ينتظر

يوجد كلام كثير عن نزول اسعار السيارات و خاصه اليابانيه

من ١٥ الى ٢٠ بلمئة من اسعارها الحاليه

والاسباب حسب ما سمعت 

نزول في قيمة الين

ركود نسبي في المبيعات لدى الوكالات لدينا

ومن لديه معرفه بي من يعمل في الوكالات
او ملاك المعارض يعرف هذا الخبر جيداً


فا نصيحه للي يبي يشتري يصبر 

و الله يكتب الخير للجميع.








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الين ذا لعب فينا 


up 0 down 4
salem733 200
قبل 7 سنه و 10 شهر



احسن عساها تنزل اسعار السيارات عندنا اغلى من الطيارات وخصوصا تايوتا اجل لكزس بنص مليون وين حنا فيه


up 7 down 0
الكاتم 1 149
قبل 7 سنه و 10 شهر



ودنا بنزول الاسعار 
بس ما تلاحظون كل ما قالو تزول الاسعار 
مل شي يرتفع ماشي عكس 



up 1 down 0
صعب اترجاك 301
قبل 7 سنه و 10 شهر



الين هذا يتعلق بسيارات المازدا على ما أظن 

لأن وكالة مازدا هي اللي تتبع هالشيء سعرها بالين لو نقص تنقص قيمة السياره فلو زادت ما يتأثر بالين يكون نفس السعر 




up 0 down 1
xxxthegiantxxx 366
قبل 7 سنه و 10 شهر



صدقت والله حتى شركة ابو جميل للتقسيط عندهم عروض وتخفيضات جديده بالذات الهايلوكس 


up 0 down 0
بندرـــــ 265
قبل 7 سنه و 10 شهر



هالخبر راح يروح ادراج الرياح

لان الغلا ليس من الشركات المصنعه للمركبات

وانما من جشع التجار اللي لا وراهم لا حسيب ولا رقيب


ولاتزال الاسطوانه تدور ومعزوفه الاشاعات تلحن على اذاننا

والمخرج والمنفذ للاسطوانه اساسا هو التاجر نفسه


بحجه انك تجمع مالك وتنتظر ويمنيك بالموديل القادم فتظطر ان تشتري بعد طول انتظار



لدي اصحاب بالوكالات تقريبا جميعها 

واستفسرت بنفسي منهم وافادوني بان هذا الخبر حبر على ورق وارض الواقع تحكي المعاناه

اذا كان بعض السيارات تنتهي قبل نهايه السنه الميلاديه من شده الاقبال عليها
فأين الركود يا مدعي الركود

روح تويوتا روح كيا روح هونداي روح اي شركه كل شي مخلص من منتصف السنه وتقولي ركود

احترم عقول الجميع ولكن انا رجل لا اتحدث الا بما تراه عيني

قبل فتره رحت ابغى اشتري اكسبديشن وكنت طالب لون معين ولم اهتم للفئه تخيل الموظف يقولي مافيه
حاليا 
قلت انتظر لو تبي شهر

قال مافيه وماراح تجي .......كل اللي موجود ألوان محدوده (فضي __اسود __ازرق __ابيض)

بعدين قلت اسمع اذا هذي كميه وتبونها تخلص قبل الالوان المميزه فما عندي مشكله ادفع فرق اللون

قال والله ما فيه

قلت يا عمي باقي على 2014 كثير

قال الناس تشتري وتدفع عربون والسياره في عرض البحر....


بذمتكم هل هذا واقع يحكي الركود ههههههههههه

الشئ الاخر من هو التاجر الذي تعود كل يوم ان يأكل ذبيحه ويجي بعد فتره يأكل نص حبه شوايه مع الرز

افهم يا حبيبي والله لو تصير السيارات الوحده تكلف التاجر 10000 ريال بس ثق تماما راح يبيعها عليك ب 90000 ريال

ولا تقعد تدور رقيب عليهم

وابشركم ترى قطع الغيار راح ترتفع مع بدايه السنه الميلاديه ......ضريبه شحن


وراح تتذكرون كلامي

زي ما اذكركم فيه الان يوم صارت حمله ضد ابو جميل خلوها تصدي

وش صار .....تدرون وش صار

كل الدوائر الحكوميه تعاقدت معاه والشركات بعد

واقعد انت بس مسوي مقاطع للشركات

لن يرخص اي شي

لان الغلا من علامات اخر الزمن وذكر ذلك الرسول صلى الله عليه وسلم



اعتذر على الاطاله ولكن اتكلم من قهر بأننا شعب ننقاد ولا نفكر اعتمدنا على الاشاعه في كل شي


up 9 down 1
حكيم المعاني 10322
قبل 7 سنه و 10 شهر



جميع الاسعار بالاسواق العالمية ترتفع وتنزل حسب السوق ، اما عندنا بس ترتفع ومستحيل تنخفض

والمسئولين ساكتين ومشغولين بفيروس كرونا والمشايخ مشغولين بامور ماتحت السره واحكامها


up 2 down 5
YASSER505 4174
قبل 7 سنه و 10 شهر



بندر حبيبي العروض اللي تشوفها والله انها بقايا السيارات اللي ما انباعات والسيارات اللي بها مشاكل بالشحن وتم اصلاحها ميكانيكيا قبل بيعها


والله الذي جل في علاه قبل فتره واحد اعرفه وجد راعي تريله محمله سيارات جديده زيررررررررو تويوتا طبعا وملبق جنب محطه بنزين

ومقرب من طرمبه البنزين يقول استغربت كيف تريله وجنب طرمبه بنزين

المفروض عن الديزل

رحت له وسألته ليش واقف هنا

قال شركه يعطي تريله مافيه مكيف انا كيف نوم

قلت طيب وبعدين

قال انا عبي لاندكروزر 50 ريال اخضر كل يوم في الليل وقف نوم لين وصل دمام

والله الصوره عندي بس علموني كيف انزلها وابشروا

ورب الجلاله حراميه


ولد عمي اشتري يوكن xl زيروووووو
 واشتراه وقت عروض رمضان

وبعد فتره اكتشف ان البطانه حق الرفرف مرشوش كامل
راح الوكاله واشتكى قالوا له اثبت انه مو انت صدمت بها ورشيتها

ليه تستلم سياره مرشوشه

هههههههههههههههههه

يبيعون السم بالعسل 


الله يوفقكم نعيش واقع أليم ونستنزف علنا 





up 3 down 0
حكيم المعاني 10322
قبل 7 سنه و 10 شهر



السالفة لا بتنزل الاسعار ولا شي.. دايما قبل السنة الجديدة يسوون عروض ويخفضون قيمة السيارة عشان يصرفون موديل السنة الحالية


up 0 down 0
بسدك 1367
قبل 7 سنه و 10 شهر



بعض المعارض تخدعك وبعض الوكالات تخدعك ، مدري المواطن من وين يشتري ، على فكرة أنا اشتريت كراون فيكتوريا 2010 على وقتها جديدة أصفار من معرض بالنسيم ، يوم جيت ابيعها طلعت التنده مرشوشه وفحصتها عند كم واحد ونفس الكلام يقولون التنده مرشوشه ، شكل الزمن الجاي بيكون فيه فحص حتى للسيارات الجديدة 


up 1 down 0
ssv8 1048
قبل 7 سنه و 10 شهر



<<<<<< راحت عليه :)


up 0 down 0
أبو أحـــمد 2433
قبل 7 سنه و 10 شهر



اوريون 2013
في الشرقية بحدود 83
في القصيم 85
في الوكالة 103

و جيب الكزس نزل مايقارب 50 الف

هذا كلام من صاحب معارض

جميع السيارات ستلزم بنزول
بسبب متابعة
" افراد و اصحاب معارض "
لي اسعار السيارات خارج السعودية
الشراء من خارج السعودية ليس بصعب
اذا كان الفرق 15 او 20 في المئة من سعرها لد الوكيل المحلي





up 0 down 0
center 284
قبل 7 سنه و 10 شهر



بالزمن ذا قبل لا تشاري سياره اصفار من الوكاله خذ معك فني ميكانيكا وفني سمكره وفني كهربا يفحصون لك السياره بالوكاله الغش صار بكل مكان


up 1 down 0
طلال الشريعبي 221
قبل 7 سنه و 10 شهر



والله لو تنزل من اليوم لبكره 
الوكالة :
ممكن تنزل اسعارها 

لكن الحراج:
الشريطيه ينزولنها على الخلق ويرفعونها لهم 



up 0 down 0
ابو مراد العوفي 698
قبل 7 سنه و 10 شهر



السيارات نازله نازله بس يجونك شريطيه يقلون ما بتنزل حتى يقنعون الناس
من غير نزول البترول وارتفاع الدولر السوق فيه ركود جامد حتى الشريطيه الي اعرفهم يشتكون


up 0 down 0
alrsme2002
قبل 6 سنه و 4 شهر