ابغا اطلع رخصة ؟

من الموقع الالكتروني وجدنا التالي


إجراءات إصدار رخصة قيادة خاصة (سعوديين)
شروط ومتطلبات:




* أن يكون المتقدم 18 عاماً فما فوق


* إجراء الكشف الطبي



* إحضار صورة من بطاقة الأحوال للمواطن




* إحضار 6 صور شمسية مقاس 4×6 سم



* دفع الرسوم المقررة



* إحضار ملف لحفظ الأوراق




الدراسة لمدة اربع ايام بدلة

تطلعها ببساطه

تروح عندهم تاخذ معاك 6 صور شخصيه وتروح اول ماتدخل ( انا اتكلم عن دله الي ف الشمال ) اول ماتدخل تحصل قدامك موظفين تروح عندهم
يعطونك ورقه تعبيها وبعدين تدخل الكشف الطبي الي هو قياس النظر يقيس نظرك وطبعا يسألك عن نوع فصيلة دمك انت قله اي فصيله مو شرط
بعدها تروح تدفع 100 ريال رسوم وبعدها تروح الميدان تركب مع العسكري يقلك قوم السياره قومها واربط الحزام اذا كل شي تمام يعطيك (أ) يعني انت توب التوب
وغالبا يمشون مايدققون وبعدها ترجع عندهم محاظره مدتها تقريبا من 20 الى 30 دقيقه يعلمك عن اللوحات الي ف الشوارع مثلا يجيك لوحه مكتوب عليها ( قف ) وش تعني
ومن هذا الكلام وبعدها يغالي تروح الميدان مره ثانية لكن المره هذي متشددين فيها يخليك تسوق وتدخل دوار يشوف انت تهدي قبل الدوار والا لا كلها امور بسيطه بس ركز
اذا مشيت فيها تدخل الاختبار الالكتروني الاختبار هذا على كمبيوتر والاسئله الي بتجيك كلها من المحاضره الي قلتلك عنها اول يعني ركز في المحاضره مزبووط

واذا مشيت في الاختبار تروح تدفع للمكتب الي برا اضن 250 ماني متأكد يمكن اقل
واذا مامشيت تختبر مره ثانيه الين تمشي فيه

والرخصه تطلع اليوم الثاني على طول .. اتمنى اني افدتك والمعذره طولت ف الكلام وبالتوفيق للجميع

اخواي مورد الماء مهم جداً معرفة فصيلة الدم وتسجيلها صحيحة في الرخصة
لاسمح الله وصار على الشخص حادث وحصل نزيف واحتاج للدم هو محتاج للدقيقة والثانية في هذا الموقف فصيلة الدم في الرخصة تختصر وقت طويل على المصاب
ارجوا عدم التهاون في هذا الموضوع
وغير كذا ممكن تكون متواجد في احد المستشفيات وتصادف احد المصابين وهو محتاج للدم وتكون فصيلة دمك مطابقة للمصاب قد تكون سبب في نجاة هذا الشخص بعد الله عز وجل

قال تعالى ( وَمَنْ أَحْيَاهَا فَكَأَنَّمَا أَحْيَا النَّاسَ جَمِيعاً )

صدقت اخي For Speed

انا اتذكر على وقتي يوم اطلع الرخصه والامور عشوائية تعتبر مو مثل الآن
كانوا يلزمونا نجيب ورقه من المستوصف كشف النظر والفصيله
بعدين سمعت انو تغير الوضع صار لابد تتبرع بالدم مره وحده ويعطونك النتيجة
واكيد الاخوان اللي جربوا من قريب يفيدونك اكثر بالاجراءات
بالتوفيق لك يارب

اشكرك والله يعطيك العافيه

يعطيكم الف الف عاافية ..
انا عندي قساايم حول ال 4500ريال 
بسددها وبقدم عالرخصة يعطيكم العافية جميعاً

السلام عليكم ...
أنا طلعت رخصة الأسبوع الي راح ...
اليوم الأول :
أخذت معي ملف أخضر علاقي و 6 صور بخلفية بيضاء ودخلت شركة دلة وكان 
هناك طاولة عليها أوراق تأخذ منها ورقة وتعبيها وتحط الورقة ( الي عبيتها ) في الملف ومعها صورة الهوية الوطنية حقتك
وتروح الاستقبال ويختم عليها الموظف وياخذ منك صورة ويلزقها على الورقة الي عبيتها ويرسلك بنفس الملف الى بنك الدم
ويسويلك بنك الدم تحليل علشان يحدد نوع فصيلة الدم ويكشف على نظرك وبعدين ترجع لشركة دله وتروح للأستقبال ويعطيك
ورقة ويرسلك لقسم 2 وتدفع 100 ريال ويعطيك ورقة لدورة في العصر تحضرها في نفس اليوم ... وتروح لبيتك بعدها .
في نفس اليوم في العصر :
تحضر عندهم وتأخذ ساعة يعلمونك الاشارت ويعطونك ورقة فيها الاشارت تحفظها ... وبعدها ينزلونك الميدان ويعلمونك كيف
تأخذ جولة في الميدان يوم الأختبار  وبعدها ترجع بيتك 
اليوم الثاني :
تروح الساعة 30 : 07  ومعك الورقة حقت 100 ريال وياخذونها منك ويعطونك ورقة أختبار تقييم العسكري لك 
وبعدين تروح للميدان ويختبر العسكري في السيارة وإذا نجحت في الأختبار يرسلك للإشارات ويختبرونك فيها وإذا نجحت تروح 
لمكتب يعطونك ملف وتروح تسدد الرسوم وتسديد كالتالي حسب السنوات الي تبيها للرخصة :
80 ــــ سنتان
200 ـــــ خمس سنوات 
400 ــــــ عشر سنوات
وبعد ما تسدد الرسوم تروح والملف معك للحاسب الالي وتعطيهم الملف وخمس دقايق وأنت مستلم رخصتك 
وسلامتك ... أنت والجميع .

طيب حاب اسأل يوم يختبروك تكون السياره قير عايدي او توماتيك ااو انت تختار لأني مَا اعرف عايدي

                 دمتم بود  //

طيب يااخوان سووال بعد اذن راعي السوال

اذا فحصو النظر وطلع ضعيف
يعطوك الرخصه ولا يقولون لك اقضب البااب ؟؟

يعطيكم العافية عالافادة .. مشكورين ..
واتمنى للاخوة اللي سالوا يلقون اجابة .. شكراً

انا نظري ضعيييييف وفحصو طلعت عميش بالقوه اشوف فقلي مانقدر نعطيك فكلمة من هنا من هنا الين غيره رأيه
بس يكتبلك في الرخصه ( قيود )

بالنسبه للقير اختياري

طيب يالربع انا سمعت انه اروح للمرور معي الصور والملف والاثبات ويعطوني ورقه واروح لدله ؟

وانا جامعي ومتقروش من 9 الصبح ل 4 العصر محاضرات وش اسوي يعطوني عذر ؟