موضوع للفائدة بعد زيارتي تشليح الحائر
5
1
إضغط هنا للإخفاء
السلام عليكم ورحمة الله وبركاته
بعد زيارتي لتشليح الحائر بعد انقطاع عن عالم التشليح والصناعيات
ولله الحمد دام خمس سنوات ، أعطاني اخوي سيارته القديمة المتهالكة
وقال صلحها وبيعها وسدد مخالفاتك بيض الله وجهه
المهم ضبطنا السياره حطينا عليها فوق أربعة الألف
وبعد ماكانت تسأم ب ٨ الألف
اليوم تسأم ب ١٨ ألف الحاصل بالموضوع .
لمن جيت التشليح تغير علي كثير ولقيت محلات
مثل المعارض قبل التشليح تبيع السيارات للي يبي
يصلح ويبيع سيارات مصدومه ومقلبه ومقصوصة !!
وباقي ماسقطت لوحاتها .
يعني سيارات لزق وبيع وهذا هو الزبده .
الحين السياره الي تتعرض لحادث كبير وتكون تالفه
ليه المرور مايقرر عليها تالفه ويتم تسقيطها
ليه يشتري الشريطي سياره مصدومه من الخلف
ويلصقها بأخرى مصدومه من الامام ويلحمها
ويبيعها وهذا هو الخطر الحقيقي ،
اعرف واحد اشترى لومينا وكان مسافر عليها
من الرياض إلى الدمام وبدون سابق إنذار
قامت السيارة تروح يمين ويسار حاول يثبتها من
الطاره مالقى أي تحكم وصدم فورد فيها
رجال وزوجته وانقلب وتكسروا اثنينهم الله فكهم
ما ماتوا ... الحاصل انه كان يتوقع ان عنده بنشر
طلع مافي أي بنشر والكفرات سليمة
لكن السيارة جايتها ضربة بالمقدمة وملحمة
انفك الالحام وانفصلت المقدمة عن السيارة
ولم يستطيع التحكم بالطارة بسبب حادث سابق
المهم بعدها عرفت ان أي سيارة ملحمه بالشاصي
ماراح اشتريها ولو بريال ..
الفائدة من الموضوع كل إلي شفته بالحائر كان عشان
اصلح سيارة قديمة واسدد مخالفاتي إلي جاتني
بسبب ساهر وتدبيل ساهر الله لا يوفقهم
ويقولك وضع من اجل سلامة المواطن لوكان
المواطن همهم ما خلو السيارات التالفه ترجع
لشوارع بعد مايلزقوها الشريطية حقين التشاليح
وتعرض ارواح الناس للخطر
نظام ساهر وضع للجباية واستنزاف الجيوب
مثل الضريبة حقت الطرق في بلاد الغرب
لكن بطريقة كيدية خبيثه
أسف جداً ع الإطالة
إبلاغ
الردود
5
1
الحائر غالي والبحث فيه متعب
جلست من ١٢ الظهر إلى ٤ العصر من اجل
راس ماكينة
المهم يا الحذر من السيارة الملحمة لا تفكر تشتريها
أبداً أبداً .
2
0
في حال وجود حادث للسياره تجي شركه مثل نجم
وتكتب السياره التالفه ولايمكن تصليحها
في حين الحادث
اصلاً عندي قاعده اذا جت السياره لو رفرف بسيط
اكرها السياره وابيعها ومعن حالتي الماليه مشي حالك
2
1
2
0
1
1
0
0
والله من زمان ودي اروح تشليح الحاير ابغى كم قطعة بس ياخوفي من غلاء الاسعار
وبالنسبه للي يلحمون الشاصي ويبيعون السياره هذولا بالدنيا محد داري عنهم بس بالاخره لهم عذاب الليم
ولد خالي نفس الحكايه تخيل ماشي بالشارع العام وفجأه طلع الجبل من دون سابق انذار وربك سلمه ولقوا المشكله من الشاصي ملحم والسلام ختام
قبل 12 سنه