أضف سؤال أو موضوع جديد          

سباق محموم يبدأه الناغي مع الضمان 7سنوات

up 2 down 0
mohd2bgi 140
قبل 9 سنه



السلام عليكم
مريت اليوم على هونداي طريق المدينة الطالع بصراحة عاجبتني جنسيس لقيت عندهم عرضين واحد على 2013 والثاني على 2014 السيارة ماتغيرت من ناحية الشكل لكن الماطور تم تطويره حق 2014 لكن السعر ارتفع بزيادة 24الف ريال ولعت السيارة ....مايهمني هنا واللي خبل مخي بصراحة هذا ولد الناغي مدري ويش بيسوي بالسوق
حاط عرض ضمان 7سنوات مفتوح الكيلومترات والصيانة خمس سنين يعني بس تعبي بنزين وتمشي....ياليت الجميح بس يتعلم من الناغي شوي  







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


شيء طبيعي يضمن يأخذ حق العرض 24 الف ويقول ضمان 7 سنوات 
5 سنوات من قبل عشان الناس تقبل على الجينسس 
بعد 5 تدفع من جيبك وترا يطفشونك لو خرب مره غالي قالو سوء استخدام 
ليه طيب عشان يطلعون من السالفه وانت تدفع مبلغ وقدره 


up 1 down 0
سعد السكري 189
قبل 9 سنه



ياخي الضمان احسه نصبه كبيره عندنا بالسعوديه 


up 2 down 0
مالك رجا 605
قبل 9 سنه



من جد ناصبين على الضعوف 
وترا الضمان الشركه ماتدفع زي الناغي والمجدوعي وغيرهم 
الضمان من الشركه الأم لـ هواندي تعطي ضمان 
وكل القطع تقريبا عمرها الافتراضي 5 سنوات فــ شـي طبيعي السياره تطلب بعد 5 سنوات 
على حسب استخدامك 


up 1 down 0
سعد السكري 189
قبل 9 سنه



يأخذ حق العرض 24 الف ويقول ضمان 7 سنوات .... أحسنت


up 0 down 0
aazz1989 -22
قبل 9 سنه



ياااااناس ياااااعالم 
هذي لعبه تجاريه يعرفون كيف جذب الزبون 
ترا حتى التجاره لها سياسه 
فعلاً زي ماذكروا الاخوان لو يخرب شي يقلون 
سوا استخدام ويقولون لك
 انت اللي خربتها اي ضمان ٧ سنوات 
يكفي الضحك على المواطن المسكين 


up 1 down 0
كن صادق 61
قبل 9 سنه



هو كسبان بكل الحالات الأولى استفاد 24 الف والثانية ان الضمان فقط على المكينة والقير بغض النظر على القطع الاخرى وكذلك اللي بيدقق بالعقد راح يشوف انهم اضافوا حد اعلى للكيلو متر وراح تكون بخط صغير واراهن على كلامي ..

للاسف تجارنا اساتذة النصب بالعالم


up 1 down 0
أبو ناصــر 1282
قبل 9 سنه



حطوا العرض لان وزارة التجارة ماهي قائمه بدورها ولا كيف يحط ضمان وبعدين يجحدك لأنهم دروا ما حولك احد اضمن انك تسوي صيانة كل ٥٠٠٠ ولا اضمن الضمان والله وزارة فاشله ماهي قائمة بدورها ولا مكان شفت الكلام هذا


up 0 down 0
خالد٧٢١٧ 81
قبل 9 سنه



والعرض مو بس الناغي حتى المجدوعي نفس العرض 




up 0 down 0
mat2rain 246
قبل 9 سنه



والله ما شفنا من هالوكالات غير النصب والاحتيال على الناس 

اللي معه موتر نظيف لا يفرط فيه ويستخدمه لين ينتهي وخلوا عنكم الفشخره اللي مالها داعي 

انا اتمنى الخير للكل واتمنى كل واحد معه موتر جديد بس دام الوضع كذا نصب واحتيال وسيارات اصفار تلقاها مرشوشه هذا لازم له حد والحد ان احنا نتكاتف جميعا وما نطلع سيارات جديده لين يشوفون حل لهالنصب والجشع من الوكلاء

وحبيت اقول شغله فيه ناس مريضه مافيها عقول تدخل على مواضيعي القديمه وتحط ديس لايك هههههههه يا حبيبي حط ديس لايك لين تشبع تراها نقاط لا راحت ولا جت وخل عنك شغل المبزره واذا في كلامي غلط تعال ورد علي مو تحط ديسلايكات 

بالتوفيق


up 2 down 0
camry grandi 99 7274
قبل 9 سنه



الجينسيس مثل ماكن الكزس قبل عليها عروض لترغيب الناس الان الجينيس على عروض وفعلا الضمان 5 سنوات على اجزاء السياره الصيانه لين 70 الف كل 5 الاف تعال يسوون صيانه ويغيرون لك زيت والفلتر بدون رسوم مثل الشركات الثانيه الي تلسع وتتعامل مثل ملاك السيارات الفخمه vib 
انتضرو بس كم سنه اذا ماشفنا الناس يتهافتون عليها ويدفعون مبالغ عاليه فيها مثل الكزس 
الحين بعرف تحط 115 الف في كامري رياضي ولا اريون استندر ولا اكورد فل كامل 4 سلندر ولا جينسيس وسياره حققت جوائز عده من سلامه وجوده لكن مخ العربي كذا كوري خلاص كل شي مخيس ويقتنع بالتايلندي والاسترالي اكثر منها 


up 2 down 4
princ 18875
قبل 9 سنه



بارك الله فيكم.... ﻻعدمناكم


up 0 down 0
mohd2bgi 140
قبل 9 سنه



يخوي صح يكون فيه ضمان 7 سنين لكن شف لاقدر الله صار شئ بالمكنيه ولا ضرب القير ولا الكهرب انحاس ترجعها له يقولك 60% عليك و 40% علينا يعني اذا كان قيمه القير 10الف تدفع 6الف والباقي عليهم لكن في بعض الوكلاء صح يعطيك ضمان قليل مثل 5 او 3 سنوات لكن يقولك اسمع مده سنتين او ثلاث انا مسؤول عن السياره لكن اخر سنه اعطيك ضمان عالمكينه والقير 


up 0 down 0



يا شباب الحين انا معي سوسو 2012 ماشيه 180000 هل ضمانها ساري ولى ولى لان عندي فحتىالبانوراما تعبتني ابا ادخلها ضمان 


up 0 down 0
odai_amer 9
قبل 7 سنه و 8 شهر