تغير صبغ السيارة

تروح مركز المعلومات تبع المرور
اذا انت فالرياض مركز المعلومات فالروضة
تقولهم ابي اغير لون يعطيك نموذج يقولك روح لهيئة الفحص
بالعاده تلاقيهم خلف المبنى يطلع العسكري يشوف السيارة اذا ماعليها ملاحظات خارجية
بعدين ترجع لنفس الموظف بالصاله يشيك على السيارة من بلاغات وغيره
ويعطك ورقه فيها المعلومات ومذكور فيها اللون اللي على السيارة حالياً واللي ودك تحطه الجديد
بعدين تروح للورشه بموجب الورقه اللي معاك وبعد تغيير اللون ترجع لنفس الصاله بمركز المعلومات
وتقولهم غيرت اللون يرسلونك ثاني مره لهيئة الفحص يشيك هل تم تغيير اللون ام لا
وترجع للصاله بعد تسديد المبلغ
انا غيرت لون قبل 5 سنوات وماتذكر المبلغ
لكن اتذكر تدفع رسوم إصدار إستمارة 150 او 250 والله ماتذكر كم بالضبط
هذا وصلي الله على سيدنا محمد وعلى آله وصحبه وسلم تسليماً كثيرا
في امان الله

اخي ابو كيان مشكور جدا على الرد الوافي

السلام عليكم طب ممكن اسوي الستيكر اللامع لون ذهبي مع العلم لون سيارتي ذهبي وشكرا