بوقف السياره فتره طويله فيها ضرر؟

افضل لو في احد من اهلك يقدر يشغل السيارة ويحركها مرة في الاسبوع او اسبوعين .. 

يا انك تفرغ زيت المكينه عشان مايسبب ترسبات او انك تخليها مع احد من اهلك كل اسبوعين يمشي عليها كم كيول ويرجع يوقفها وهذا افضل حل اشوفه عشان لو توقفها فتره طويله بتروح عليك الكفرات

فك الكفرات >> عشان ما تحبل عليك ..
او ارفعها 
وافصل البطارية ..
وان شاء الله الوضع تمام ..

وبالنسبة للمكينة >> مالي خبرة 
بس أظن مافيها ضرر ..
لاننا كم مرة نسافر ونخلي العربية حول الشهرين ..
بس ست شهور ما جربتش صراحة ..

انتبه من تفريغ الزيت من المكينه سمعت أنها تعدم عليك جلدة البلوف
وسأل ميكانيكي عشان تتأكد

السياره لو بترفعها طول هالفتره المساعدات راح تبقى ممغوطه لانك رافع السياره عن الارض عشان الكفرات ماتخرب وراح تخرب المساعدات انا اشوف افضل حل عط السياره اي احد تثق فيه وقله كل اسبوعين يمشي عليها كم كيلو وخلاص

ما يحتاج كل الي قالوه الشباب


انا عندي سيارة ما استخدمها الا كل ستة الى ثمانية شهور


وش الي اسويه و ما شي معي تمام


افصل اصابع البطارية


زود هواء الكفرات الين 50 الى 60


و توكل على الله


خطوات الشباب الي قالوها

تصلح لتخزين الطويل جدا



يعني لسنوات طويلة



تحياتي

اهم شي وخرها عن الشمس ... بالاضافه الى كلام الشباب ولكن مو كله طبعا
يعني تغطيها وتعبي كفراتها ضغط عالي 50 / 60 مثل السيارات الجديده عشان ماتحبل
وخلاص امورك طيبه .

وانا اخوك تبي تريح نفسك عندي الحل رح لقوقل واكتب ( طريقه تخزين السياره ) وراح تلقى المعلومات الي تفيدك ...

بالنسبه لضغط هواء الكفرات
ترى يختلف من كفر إلى كفر ( حسب نوع الكفر والشركه اللي صانعته )

مثلا كفراتي هانكوك ومكتوب على جانب الكفر أقصى ضغط يتحمله الكفر هو psi 44
فيه كفرات تتحمل ضغط عالي ؛ وفيه كفرات ما تتحمل ضغط عالي

اذكر كنت مركب كفرات سوموتومو ومكتوب على جانب الكفر أن أقصى ضغط يتحمله الكفر 51 psi ؛ عاد ما أدري عن كفرات ميشلان وبريجستون والخ...

يعني لو مثلاً كفراتك هانكوك مثل كفرات سيارتي ؛ اذا تعبيها هواء فوق الـ 44 .. بدل ما تكحلها تعميها

يعني بدل ما تحافظ على الكفرات انت كذا تسبب ضغط عالي جدا على الكفر وممكن يخرب أو يتضرر


بالنسبه للتخزين والمحافظه على السياره لمدة 6 أشهر :

هل تعرف أحد أمين جدا وتثق فيه بحيث انه يسوق سيارتك كل فتره وفتره ؟

اذا كنت ما تعرف أحد أمين ولا فيه أحد ( ثقه ) نصيحه لا تعطيها أحد

لأن ترى ممكن يكرفها مقاومات وأنت ما تدري .. أو يجمع عليك مخالفات ساهر


اذا ما راح تعطي سيارتك لأحد .. أنصحك بالتالي

1) غيّر زيت المكينه 10W30 مع سيفون أصلي وكاله لأن الزيت القديم يكون فيه شوائب والخ... والزيت الجديد أفضل للتخزين والمحافظه على المكينه

لا تفضي زيت المكينه لأن ممكن صوف زيت المكينه راح تنشف وتيبس وتتشقق

2) أفصل البطاريه

3) عب الكفرات هواء بضغط عالي عشان ما تحمل ؛ لكن لا تتعدى الحد الأقصى المكتوب على جانب الكفر

4) أغسل السياره و وقفها بعيد عن الشمس داخل البيت عشان ما تنسرق + ظلل السياره كاااااتم ( نيكل عاكس أو أسود أو مخلوط اللي يجي اسود مع شوي نيكل عاكس )

والخ...


بالتوفيق إن شاء الله وتروح وترجع بالسلامه إن شاء الله

أتمنى أني أفدتك ولا تحرمني من دعائك

ياالطيب شرع السياره وافصل البطاريه وتروح وتجي بالسلامه.

ترا الوقفه الطويله تضر السيارة 
احسن شي تخلي السيارة عند واحد من اهلك وتخليها عنده يستخدمها احيانا أو على الاقل يشغلها كل اسبوع مره او مرتين 

ونقول ترجع بالسلامه ان شاء الله 

اسفين ياصاحب الموضوع





ياشباب عطوني لايك لاني ابي احط موضوع مااقدر

افصل البطارية ..
خلي ضغط الكفرات اقصى شي يتحمله الكفر عشان لا يخرب.. ووعاااادي جدا خلها لمدة 6 شهور ..
شخص يقرب لي يوقف سيارته 3 شهور ويسافر وما يحركها ابداً ووعادي جدا ..
ولا تفضي الزيت ولا تسوي اي شي ثاني ،، واذا انت خايف من مسألة الزيت ،، اول ما ترجع من السفر بسلامة دق السيارة سلف وروح اقرب بنشري وغير الزيت ..

انصحك بمراجعة كتالوج السيارة فيه معلومات مفيدة ومهمة للتخزين , كتالوج الكرايسلر والدودج مكتوب فيه اذا اردت ايقاف السيارة لاكثر من 21 يوم قبل اطفاء المحرك شغل المكيف على اعلى درجة وخلي دوران الهواء داخلي لمدة دقيقة على الاقل والسبب تفريغ الثلاجة من الهواء

لان الهواء المحبوس داخل الثلاجة مع الوقت يتمدد من الحرارة ويسبب شرخ للثلاجة .

لو السياره تخرب من الوقوف كان لقيت كل السيارات الجديده خربانه 

لان السياره مثلا تجي من اليابان تقعد ٤ شهور بعد الصناعه 

وبأكثر السيارات الي تجلس سنوات ما تشتغل ومافي أضرار 

صدقت كيف سيارات المصنع تقعد شهور على بال ما تصل إلينا ولا يسير فيها شيء