أضف سؤال أو موضوع جديد          

توضيب القير في الورش

up 1 down 0
faxl 248
قبل 12 سنه



السلام عليكم ورحمة الله وبركاته ،، يااخوان اانا ملاحظ بعض الناس توظب قير بسعر 6000 ريال او 7000 ريال وشغل مو مضمون يعني ياتضبط معك ياراحت عليك 7000 ريال ،، ليش ما يطلبوا القير سعره 7500 وتركيب مثلا 1000 ريال المجموع 8500 وانت ضامن القير ما راح يودع مره ثانيه ،، كلامي صح ولا غلط وياريت اذا غلط احد يصحح لي او يفهمني ............ ولو مثلا شخص القير عنده ودع ويحتاج توظيب ،، ممكن احد يقولي وش الاشياء الي يحتاجها الشخص عشان يوضب القير /// المعذرة داخل من الجوال والكلام مو مترتب







إبلاغ إبلاغ



الردود


كلامك أخي العزيز لا صح ولا خطأ ، هو وجهة نظر ، أنا من وجهة نظري توضيب وقطع أجيبها بنفسي من الوكــيل ويكلفني المجموع 6 آلاف ، أفض من جديد يكلفني 8000 ، لأنه في وجهة نظري الموضب بالقطع الأصلية كالجديد ، الفرق بينهم بس الحديد الخارجي ،،


ولك الشكر


up 0 down 0
أبو أحـــمد 2434
قبل 12 سنه



يعني توظيب القير مافيها مخرطة ومن هالسوالف مجرد استبدال القطع القديمه بالقطع الجديدة؟

يعطيك العافيه اخوي ابواحمد ،،




up 0 down 0
faxl 248
قبل 12 سنه



ممكن احد يقولي اسماء القطع المطلوبه لتوظيب القير؟ وولو كمان اسماء القطع لتوظيب المكينة يكون افضل


up 0 down 0
faxl 248
قبل 12 سنه



توضيب المكينة
بساتم

شنابر

سبايك ثابت ومتحرك

جنزيز وشداد جنزيز

طقم وجيه

طرمبة زيت

وعلى حسب السياره في التوضيب في سياره جايتها حراره تختلف عن مخبطه تختلف عن مبوشه

كل وحده تكلف على حسب الخراب

بعضها تحتاج عمود كرنك وبعضها يحتاج راس

وبعضها تكون المكينة مفقوعه يعني السلندر مكسور وهذا يكلف كثير فالافضل مكينة

اما الجير

فيها حساسات وبلف بدي ودرامات وكلتشات وجلب

الجير اهم شي يكون الي يشتغل فاهم وعارف ايش يسوي والخوف تطيح في واحد مو فاهم




up 0 down 0
ibrahime 1196
قبل 12 سنه



انا سمعت في برنامج ع الراديو مع واحد مهندس يقول ان جميع قطع توضيب المكينة عندنا درجة ثانية والاصلي يكلف بحدود
20 الي 30 الف حسب السيارة (امريكي ، الماني) وينصح انك ما توضب ، تركب شيء ممضون افضل...
اما انا ضرب عندي قير الافالون موديل 2000 توضيبه كان نفس سعر قير ياباني مستعمل غيرته احسن من وجع الراس..


up 0 down 0
gmcbigblock 620
قبل 12 سنه



عزيزي هل تقصد ان يطلب قير جديد من الوكالة ؟
والله الواحد وده ويريح راسه من القطع والورش
لكن قيمة القير جديد شي خيالي


up 0 down 0
for speed 752
قبل 12 سنه



انا عندي وانيت بيك اب داكوتا دوج دبل 2004
والقير مايغير او مايبدل بس يمشي بالثاني اوتوماتيك

وبيكلف توضيب ٥ الاف مع الضمان
بس محتار جداً فيه 
ما اظن يحتاج توضيب
وكلام المهندس انه يبيله توضيب بعد ما شم ريحة الزيت
وطلع فيه ريحة حرق
رغم ان الزيت ماصار له ٣ساعات فقط
والريحة اتوقع انها من عدم التغيير في القير ومع الحرارة اكيد
بيكون هناك ريحة في الزيت


رايكم ياجماعة الخير
١٤/١١/١٤٣٦


up 0 down 0
aseer1 6
قبل 9 سنه و 10 شهر



شكرا جزيلا بعض الردود اجابه سوالي 


up 0 down 0
ابــو عــــزووز
قبل 8 سنه و 10 شهر