أضف سؤال أو موضوع جديد          

بلاش إهمال يا ناس و طفوا سياراتكم

up 25 down 5



السلام عليكم و رحمة الله و بركاته ,,,

اخواني و حبايبي أسعد الله أوقاتكم بكل خير , اليوم حاب أناقشكم بظاهرة كثر فعلها للأسف من قبل الصغار و الكبار كذلك
وهي ظاهرة ترك السيارة في وضع التشغيل !!!! يا اخوان أنتم عارفين إن اللي يسرق سيارة شغالة ما يُقام عليه الحد ؟
و هو قطع مفصل اليد لأن من شروط المستوجبة لقطع اليد أن يكون المسروق في (حرز) يعني مأمن مقفل عليه إلخ ...
و للأسف كثير أشوف ناس يخلون سياراتهم شغالة !!! سواء اللي واقف عند بقالة و بياخذ (بكت) بسرعة أو اللي واقف
عند مطعم و بياخذ طلبه بسرعة !!! و هو يتوقع إن السيارة صعبة تنسرق في 30 أو 40 ثانية , لا يا حبيبي في ناس
يسرقون بأقل من الوقت اللي تتوقعه و خصوصاً (المتمرسين) و اللي شغلتهم سرقة السيارات للأسف !!! أنا ودي أعرف
ليه الواحد ما يطفي سيارته ؟ تخاف السلف يخرب ولا البطارية تخلص ؟ ياخي السلف عمره طويل و ما يخرب إلا بسوء
الإستخدام , إذا الواحد طوًل عليه بالتشغيل أو دايماً يفصل و لا يكمل التشغيلة من المرة الأولى , ما دعاني لكتابة الموضوع
أحد الشباب قبل كم يوم إنسرقت سيارته و هي من نوع تاهو 2012 لسى شاريها ما تهنى فيها و كان أصلاً ناوي يسفرً
أهله عليها بس سبحان الله مقدر و مكتوب , كان رايح تحديداً يوم الأحد الماضي بعد ما غيرً الزيت و شيك الكفرات راح
يوديها لمغسلة السيارات , الشاهد على كلامه إنه نزل أقل من 20 ثانية بس عشان يوري اليماني السيارة و يطلب تغسيلها
و ينط لك واحد (معصقل) يقول ما أدري من وين طلع ؟؟؟؟ و يركب السيارة و ما تشوف إلا غباره !!! مشى على الدوسة
فلذلك الواحد منًا لازم ينتبه لهالشغلات ولا تقول إني أبنزل بسرعة و أرجع , ترا عيال الحرام أسرع منك !!!!

همسة: ( لا تحرموني من المشاركة و الإثراء و النقاش الهادف فموضوعي منكم و إليكم)

محبكم &&& أبو طلال 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


^^

لا مو شرط

البعض يخلي جوالاته وبوكه ومفتاح البصمة داخل السيارة ومايبي شي ينسرق


up 0 down 0
YASSER505 4171
قبل 6 سنه و 4 شهر



والله اخوي كان منزل فورد 2005 على ايامه 

وكااااااله اليوم الثاني من يوم ماشترى السياره كان بالديره ووقف عند البقاله وخلاها شغاله وشافها ولد عمي ويركب ويشرد 
اخوي اختبط دق على ابوي بغى ينحره نحر قله ذحين تروح وتبلغ واخوي يدق على اخوي تعال مرني وقبل مايمره اخوي الا وولد عمي 
مر من جنبه وقله مقلبتك ومدري وش 

والله العظيم من بعدها لو ينزل بس بيشوف الكفر فيه شيء ولا لا يطفي السياره وينزل يشوف ويرجع يشغلها

ليه ياحبيبي غلطه بسيطه اقعد ابكي دم عليها  


up 0 down 0
do8sh 209
قبل 5 سنه و 4 شهر