قصتي مع الابيكا ....
إضغط هنا للإخفاء
قبل عدة سنوات ربما تصل الى السبع سنوات تقريبا طلعنا ابيكا موديل 2006 جديده من الجميح
لكن من خلال بحثي بالنت ومن خلال لقاء بعض الاشخاص الكثير يتهجم على الابيكا ويصفها بانها غير عمليه
وانها لاتتحمل وسياره غير اعتماديه الخ ...
استخدمت الابيكا لمدة قرابة 7 سنوات ماشاء الله تبارك الله
واجهت فيها بعض المشاكل من السياره الاعتيادية وقبل ان اطرح المشاكل
السياره ولله الحمد مشتني اول 3 سنوات داخل الديره ماكنت اسافر وبعدها انتقلت الى مدينه اخرى وصرت اقطع مسافه
ساعتين رايح ومثلها راجع اسبوعيا مره بالاسبوع
والسياره ماشيه ولله الحمد بشكل جيد
المشاكل والخرابات اللي واجهتني خلال السبع سنوات استخدام اللي اذكر منها التالي ....
- اول سنه من استخدام السياره عند الضغط على الفرامل كان فيه صوت طقه علطول موجوده مع الفرامل
ورحت للصيانه وانا ماكنت منتظم ولا اغير عندهم ابدا زيت ووافقوا ولكن الفني المتخصص بالقير مسافر
واعطوني موعد بعد شهرين وتم اصلاح المشكله على الضمان
- واجهني بعض المشاكل في الانوار احيانا تخرب بس باوقات متباعده النور الخلفي للفرامل او الامامي
- مكينة القزاز للسائق خربت بعد تقريبا 3 سنوات ومكينة الراكب كذلك ومكينة القزاز الخلفيه وكلها في اوقات
مختلفه وليست مع بعض
- تم تغيير سير المكينة كذا مره
- تم تغيير سير التايمن ماذكر كم مره
- تم تغيير الرمان كذا مره
- تم تغيير القماشات مره او مرتين مااذكر
- انكسر غطاء تانكي البنزين وتم تغييره
- تم تغيير قربة الرديتر ممكن 3 مرات
- تم تغيير غطاء الرديتر ممكن 5 مرات
هذا تقريبا اللي اذكر واكيد فيه اشياء كثير ناسيها
المشكله بدات مع الابيكا في اخر ايامه
كنت مشغل السياره وناوي اروح مشوار اول مامشيت حسيت فيه طقطقه ووقفت السياره وطفت
كنت في القصيم وهي مكان عملي يعني مو عند اهلي
المهم اخذتها بسطحه ووديته للصناعيه وشاف السياره وهي بالسطحه وشغل وعلطول قال سير مكينه منقطع
ورحت لثاني ونفس الكلام قال مباشره من السير الداخلي
المهم ....
خليت السياره عند باكستاني وقال 3 ايام
وفك وعمل ودبر وصار فيه مشاكل ثانيه طلعت لاني كنت اشغل السويتش قبل واثر على المكينه
المهم غير اشياء مااذكره وخرط اشياء وطلع الحساب مرتفع
لكن قالي كلمه الباكستاني قال مكينتك نظيفه ماعمري شفت مثله في معنى كلامه
المهم قلتله اذكر الله
اخذت السياره وصارت تمام واحسه كويسه
بعد اسبوع صار فيه تقطيع شديد بالسياره زي التفتفه رجعت له
وفحص طلع فيه دخان اسود يطلع من الشكمان وتحتاج تغيير بعض القطع
من بواجي واسلاك وتصفيه
حسيت المشكله خفت لكن صار صرفية البنزين عاليه جدا
ومره من المرات السياره وهي ماشيه بسرعه فوق 100 طفت فجأه ولما شافو السياره قالوا ان المكينه انكسرت !!!!
كيف انكسرت ؟؟؟!!!
المهم انه الحمدلله على كل حال غيرنا المكينه والسياره مع اخوي الحين لكن طبعا حالته منتهيه ماهي زي اول
إبلاغ
الردود
واللي يدل على ذلك ان سعرها ينزل 40 الف في البيع
1 2
والله انها من ازبل السيارات يارجال شف الكوامري 2002 الى يومك تكرف وبعضها ماشي فوق 500 الف
3 1
مادري هالممشى يعتبر معقول على فئه مثل الابيكا والاخوه اللي استخدموا ابيكا ياليت يذكرون كم وصل العداد معهم والموديل ورايهم بالسياره
ابراهيم التركي حتى في القصيم اشارات كثير ودوارات وانت عارف الدائري كيف من ناحية المسافات
0 2
0 0
4 0
0 0
انا اشوف انها معقوله لاتنسى ان كل هالاشياء والتغييرات كانت على مدار 7 سنوات
والشي الاخر اخي الكريم انه بعض منها استهلاكيه مثل البواجي والقماشات
وكانت ماشيه اخر شي قرابة 200 الف كيلو
0 1
1 0
1 0
قبل 10 سنه و 10 شهر