نصيحة وتحذير انتبه من الشريطية

الله لايبارك فيه وجعله ينفق دبل الله دفعه اخوك له في علاااجة اضعاف اضعاف يارب

يالله ياكريم انك تشل يده وتعمي بصره وجميع من يغش المسلمين

آمين يابو ناصر .

إبراهيم انا متجيت أدور فائدة إقراء عنوان الموضوع وتعرف
ليه انا كتبته ومو انت إلي يعلمني .

لا حول ولا قوة الا بالله الله يعينك

مو كل الشريطيه سوا واغلب النصب بالسياره المستورده من المعارض والصالات وليس الشريطيه

* ماجيت.        .

لا حول ولاقوة الا بالله 
ماراح انزل نفسي لمستواك .

النصب موجود ومن تجربتي والله يشهد عليه

مايكذب غير المستخدم العادي ( إلا من رحم الله ) يخفي أمور أو عيوب صغيره وتبلش بها ...أحب أبيع وأشتري من الشريطي 1 - دراهمه جاهزه 2- لو تغلبت على بعض سوماتهم بطولة البال تمت البيعه الطيبه. 3 - يفحص ويجرب وياخذ ويعطي معك بالحق والله إن أغلبهم يقول لي تراني بأتكسب وراك كذا وكذا بصرااحه (((الله يرزقني ويرزق مني ))
... أما المستخدم العادي ينشف ريقك ويطلبك ويدقق بشغلات مالها داعي على أساس يعذرب موترك. هذا رأيي ...................... أما بخصوص التقرير صااادق والله أشوفه مهم وكم سياره بغيت ألبسها والحمد لله ربك ستر ومعلومه مهمه جداً : قال لي واحد إن كبار المستوردين يدفعون رشوه للمزاد بأمريكا للتلاعب بالتقارير والعلم عند الله عن صدق الخبر وحيثياته

قبل كم يوم رحت أبرمج خرايط وحصلت واحد يكسر الخاطر إشترى كومارو من الإمارات ب90 الف وإكتشف إنها مضروبه ضربه مالها حل والظاهر إنقصت نصفين الشاصي ملحم وجرم الماكينه مكسور ويصب زيت وبلااااوي الله يعوض عليه ولا يبتلينا

اخوي راكد شغلة ان المستوردين يدفعون رشوة ماأتوقع أن الكلام هذا صحيح
الأمريكان عندهم 1+1=2 وماعندهم لعب
اللعب والله عندنا هنا لاحسيب ولا رقيب والأهم من هذا مافي خوف اعرف واحد
عنده تاهو 2008 واختربت عنده الشاشة الإلكترونية الى في العداد طبعاً العداد عنده بالميل ولاهو موجود عندنا بالوكالات وطلبة من امريكا ورفضو يرسلونه له لين يجيب لهم رقم الشاص وقراءة العداد المهم الاخ سوى ذكي وأرسل رقم الشاص فقط
يوم جاء العداد الا والممشى اكثر من العداد القديم وجلس يراسلهم بالخطاء ردو عليه انهم رجعو لتقرير الكارفكس واخذو اخر قراءة للعداد وقت التصدير وأضافوا 60000 ميل
عندهم معدل الاستخدام الطبيعي في السنة هو 15000 ميل وحسبوها الى عام 2012 والمسكين سيارته كانت واقفه في صالة تقريباً سنه ونص ولما ارسلهم الكلام هذا ردو عليه انه شخص محتال وبعدها ماعاد احد منهم اعطاه وجه

اخواني الكرام
لو كل واحد وقع في عملية نصب وتدليس وخداع قام وطالب بحقه وتابع بنفس طويل وسعة صدر كان ما لقيت بعض الشريطيه
يستمر في خداع الاخرين 
لكن لان البعض يسكت عن المطالبه بحقه تجراء النصابين واستمروا
الاخ الكريم صاحب الموضوع تكفى تكلم ولد عمك وخله يبطالب بحقه ولا يتنزل عن شي ويطالب بعطل وضرر غير خسارته

هههه أما إني أفضل أشتري وأبيع من شريطي أفضل من مستخدم عادي كثر منها يابو الشباب

اخوي dub_r-50
يحق لك تشتكي عشان تطلع بنتيجة وخصوصاً اذا كنت شاري سيارة وحقك يرجع لك
اذا كانت السيارة جديدة من الوكالة وطلع فيها عيب ولاتجاوبت معاك الوكالة 
او اخذت سيارة من المعارض وكان عليها ضمان وبعد كذا طلع فيها مشكلة 
اما انك تروح تشتري سيارة معروضه في المعارض ولا تفحص وبعد كذا طلع فيها عيب الكل راح يلومك انت ويقولك ليش ماكشفت عليها قبل تشتريها مثل ماصار مع راعي الموضوع غلطه انه مافحص واخذ على كلام الشريطي
حتى لو شريت السيارة وطلع فيها عيب بعد الفحص ماهو من حقك تشتكي المعرض لأنه اول رد بيقوله لك انت فحصت واشتريت وانت مقتنع ارجع عند الى فحصها لك وتفاهم وياه
واخيراً ياخوان حبيت اوضح نقطه مهمة حنا غافلين عنها الا وهي صلاة الإستخارة قبل كل شي 
تمنياتي للجميع بالتوفيق 

للاسف كثير منا يغتر برخص السيارات المستورده الي بالامارات والاردن وما يدري ان لو فيها خير جات على ميناء سعودي مباشره.. اشتر من الامارات بس ابعد عن واردها المستعمل الامريكي .. اذا ممكن يا خوي توفر لي رقم الشاص بطلع عليه اذا ما عليك كلافه.. وحق ولد عمك راح ياخذه يا في الدنيا ولا في الاخره .. والله يعوضه ان شاء الله 

ياخوان حتى تقرير الكار فكس تراه ماهو دقيق اعرف شخص صلح سياراته ورشها بويه وباعها على اساس ان مافيها شيء والشاري شيك على الكارفكس وظهر له بأن السياراه سليمه 100% 100%