بضغطة زر اشتر اي قطعة لسيارتك من الانترنت

الله يعطيك العافيه على مجهوودك وتستاهل لاييييك ياغالي .. 

والله مثل ماقلت كثر عندنا الغش والنصب , هذا وحنا مسلمين .. 

شووف الكفار كيف تعاملهم كل شي بالنظام , وماعندهم لف ودوران إلا الاقليه منهم . .

اخوي فيه مواقع مايقبلون الدفع الا ببطاقة فيزا او ماستر كارد امريكية فقط

ثانياً الشحن يحسب عليك بالوزن وكل مازاد الوزن يزيد السعر
ارامكس اول كيلو عندهم 65 ريال البريد السعودي 50 ريال فيدكس 130 ريال

اخوي انا اعلمك طريقة اسهل ..

في موقع اسمه ship to ksa... الموقع سعودي ومسجل بوزاره التجاريه وتقدر تتواصل معهم لهم فرع بالرياض...

يشترون لك السلعه من امريكا ويجيبونها لك لحد البيت لا بريد امريكي ولا يحزنون ...

انا دائما اتعامل معهم ومره اشتريت منهم دباب بورلا للموستنج والله 5 ايام وجاتني عن طريق فيدكس ..

والله الموقع مضمون باذن الله وانا مسؤول امام الله عن كلمتي ......

شرح اكثر من رائع  +
ولكن الاشكاليه ان فيه شركات تحسب لك  قيمة الشحن على الوزن الفعلي وشركات تحسب قيمة الشحن بحجم الكرتون الطول والعرض والارتفاع ولكل شركه مميزات وعيوب مثل التجميع بكرتون واحد وفتره التجميع 45 يوم  
بالنسبة لي قطع الغيار مالي تجربة من الشراء من الخارج  ولكن لي تجربة تختلف عنها  وهي اني اشتري اجهزة الكترونيه بجميع اشكالها وباسعار خياليه تصل لنصف السعر هنا من موقع صيني  ممتاز وباستخدام بطاقه الفيزا  تسوق الراجحي  وسعر الصرف  عندهم 3.79 بدون اي عملات اخرى
والاهم من هذا ان الموقع اللي اشتري منه تسجل فيه ويسحن لك مباشر على بريدك بالبريد السعودي او فيدكس او البريد الممتاز  وتحصل شحن مجاني وشحن برسوم وانت واختيارك  والموقع اسمة  dhgate.com

اخوي فور سبيد مثل ماقلت انت فيه مواقع ماتقبل الا فيزا امريكية ولكن عندك موقع مثل امازون فيه جميع انواع قطع الغيار وجميع الشركات الكبيرة يعني يقبلون الفيزا السعودية لأني اتكلم عن مجال السيارات بشكل خاص وليس عن التجارة الالكترونية ككل كذلك موقع ايباي فيه اشخاص يشترون لك السلعه اللي تبي بفيزا امريكية برسوم واحد دولار فقط ..

اخوي جكسار الموقع اللي ذكرته فوائدة عالية كذلك ماراح تحس بالمتعه وانت تشتري من برى ,, الهدف كله هو كيف تكون شخص منتج لا مستهلك ,, الزيادة اللي ياخذونها انت اولى بها سواء الناس اللي تشتري لك او حتى تركيب القطعه خصوصا اذا كان التركيب سهل كفلتر الهواء او البواجي او القماشات ,, تحس بالمتعه لما تسوي الشغله بنفسك ااما ان يكون الواحد اتكالي راح يخسر الكثير صراكة

شاكر لكم المرور جميعاً وبارك الله فيكم

بعلق على نقطة الشحن لاخونا فور سبيد كلامك صحيح بارك الله فيك المشكلة بالشحن ولكن لو تلاحظ ادفع قيمة شحن لشي يستاهل واصلي اصلي مو اصلي تجاري مثل اللي عندنا .. كذلك فيه نقطة مهمه قالها اخونا موت احبك وهي الوزن الحجمي صحيح انها تزيد بحجم السلعه ولكن مو ذاك الزود الافضل هو انك تشتري شحنات كثيرة وتجمعها بكرتون واحد :)

موت احبك شاكر لك على الموقع حفظته عندي بالمفضلة XD

موضوع في قمه الروعه والجمال
حفظته عندي بالمفضله ولازم نقف صف واحد ضد شجع التجار

نسيت أقول لك جزاك الله خير وكثر الله من أمثالك من الطيبين

العفو اخوي وبالخدمة في اي شي بالموقع الصيني ماتعرفه  ولي رجعه معاك بخصوص طريقة الشراء من  موقع ايباي ابي اتعلمها  افضل شركة شحن وخلافه 

موضوع تستحق عليه الشكر والاشادة

مشكلة التسوق من الخارج تكلفة الشحن التي تصل إلى قيمة القطعة نفسها او تزيد

مثلا اشتريت من امازون ريموتات سيارة فورد عدد 7 قيمتها بالدولار 33 دولار كلف شحنها 55 دولار يعني الشحن أكثر من سعر البضاعة طلبت مساعدات عدد 2 قيمتها 375 ريال لكن تكلفة شحنها قاربت 400 ريال

المعنى الشراء من الخارج مجدي في السلع خفيفة الوزن -جوالات وساعات وملابس وغيرها

لكن غيار السيارات غير مجدي بسبب تكلفة الشحن التي تعتمد على الوزن!

الشرء من الخارج في حالة ما خف وزنه وعلا ثمنه

ملاحظة بسيطه
افضل بطاقة مجربة بدون رسوم اشتراك ولا خرابيط وتقبل الدفع السريع للمواقع ====بطاقة مصرف الانماء====
 بطاقة الصراف العادية تقدر تفعلها
وقت الشراء من حسابك على الانترنت وتوقفها
 وقبولها سريع
افضل من بطاقة الائتمان والشحن من مسرق الراجحي والاهلي والرياض

امازون فيه عدة خيارات للشحن الدولي اقتصادي وسريع 
وفيه مواقع تشحن دولي مباشر وتختار شركة الشحن
بس المشكلة اذا كان سعر شحن القطعة اكثر من سعرها لكن لواجمالي المبلغ اقل من سعرها هنا راح اشتري

ممتاز الشرح ويعطيك العافية

ship to ksa الشحن فيه طلع اغلى من ارمكس للاسف 

الله يعطيك العافيه على الموضوع الاكثر من رائع 

موضوع غاية في الروعة ويستحق الرفع والتثبيت من قبل الادارة

من وقاع تجربة ebay ارخص من امازون في القطع خصوصاً
لكن تأكد من مصدر الشحن تلقاه مكتوب تحت بيانات القطعه
لانه احياناً في قطع تشحن من الصين وايضا ايباي يضيفلك
السعر بالسعودي + قيمة الشحن في التطبيق الخاص بهم