أضف سؤال أو موضوع جديد          

الاخوان زوار موقع حراج مع .. اجمل تحية

up 12 down 1
ابو زهور2013 487
قبل 8 سنه و 10 شهر



لي مايقارب سنتين وانا متابع لموقع حراج واشكر القائمين عليه .. ولكن لي ملاحظة للاخوة زوار الموقع : كثيرا ما اقرأ اعلانات البيع للسيارات وفي ماركات مختلفة لكن الاحظ في كثير من الحالات انه نادرا ما اجد كلمة تم البيع ويدل هذا ان كثير من السلع اما انها تعرض فقط للاستعراض  وصاحبها لايفكر في البيع او بعضهم يريد ان يعرف كم تسوى سيارته وهذا الشي يضيع وقت المتابع الذي يبحث عن سيارة.. كما انني الاحظ من يعرض سيارته ولو انها موديل 79 ويقول انها سيارة وكالة وهذا امر عجيب .. كما الاحظ انه عند عرض سيارة معينة تجد من يعلق ويمدح السيارة وانها عملية وانه يملك مثلها وتعيش سنوات  بل ويسوم بمبلغ لكي يرفع من قيمة السيارة باتفاق مع صاحبها وقد يكون هو صاحبها بمعرف اخر ليستغل اي جاهل ليبيع سيارته عليه بمبلغ لاتستحقه كما الاحظ ان الاخوة عند سومه لسيارة في الموقع يترك مجال السوم سواء بائع او مشتري ويتفرغ للسب والشتم في عباد الله مستغل التقنية وبعده عن خصمه ..كما الاحظ ايضا ان البعض في موقع حراج وخارجه استغل ازمة غلاء السيارات الحديثة وراح يبحث عن السيارات في السكراب ليدهنها ويصلح كم قطعة ويطلب بيعها اضعاف ما كانت تباع به وهي جديدة وقد ضيعه الطمع للاسف الشديد.من ملاحظاتي انني في مجالات عدة لم اجد  الكذب بانواعه كما وجدته في عالم بيع السيارات ولقد نسوا حديث المصطفى صلى الله عليه وسلم : ثلاثةٌ لا يكلمهم الله ولا ينظر إليهم يوم القيامة ولا يزكيهم ولهم عذابٌ أليم وذكر منهم عليه الصلاة والسلام المنَفِّقُ سلعته بالحلف الكاذب. آمل الاستفاده والنفع لما ذكرت وصلى الله على سيدنا محمد







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


أنشهد والله انك صدقت
بارك الله فيك 


up 2 down 0
yahia qarn 486
قبل 8 سنه و 10 شهر



وعليكم السلام ورحمة الله وبركاته

بخصوص عروض كثيرة وبيع قليل ,, السبب يكمن ان صاحب السيارة اللي بيبيعها يكرف ام امها ويكسرها بعدين يعرضها ويقول موتر وكالة شد بلد مافيه الا رفرف يمين والباب الخلفي مرشوش والباقي بوية وبلدة ويعرض لك السعر اقل من سعر السيارة جديده بـ 10 الاف تقريباً ..

مشكلة الناس الطمع الا ماندر ,, اغلب اللي يعرضون سياراتهم يشوف الناس تسومها وتكلمة خاص وعلى الجوال تبيه يحدها وهو على باله ان موترة نظيف ومرغوب ويقوم ويطير السعر فوق فوق ..

الغش هنا حدث ولا حرج ,, ما اقول لك مافيه سيارات نظيفة لا والله فيه وورده بعد ولكن اسعارها مبالغ فيها وبقوة ..

اكرة مشكلة تمر علي بالحراج هي لما يعرض موترة ويقول لك والسعي على المشتري طيب انت حالف بالله ان السعي على البائع وانها بذمته بس ناس ماتبي تخسر

اغرب شي شاهدته بالموقع هايلكس 2005 ديزل مرشوش كامل ومحول من ديزل الى بنزين ويبي فيها 46 الف ... كرسيدا يبي فيها فوق 70 الف وهي اول مانزلت وكالة ماوصلت الخمسين الف




up 3 down 0
أبو ناصــر 1282
قبل 8 سنه و 10 شهر



والله مشكلة الواحد فينا يدخل الموقع عشان ناوي يشتري وفي الاخير تلقى انواع التطنيش او تتفق مع صاحب السيارة على سعر وتنوي تقابله
وفي الاخير يرد عليك يقولك ترا السيارة جابت اكثر من حدك مو مشكلة لكن تساله هل اللي اعطاك السعر جاد معك يقولك قاعد انتظره
صراحة قليل اللي يبيعوا سياراتهم وهم جادين
الله المستعان


up 0 down 0
ابو عبدالله احمد 3530
قبل 8 سنه و 10 شهر



الاخ abo511atb مو لازم انك تمدح السيارة سواء تيدا اوغيرها لأن الى يدور عارف وش يبي ومقتنع فيه والأهم هو التوفيق من الله
يمكن يجي واحد ياخذ رايك ويمشي عليه ولا يتوفق في السيارة وتلقاه من ورشة لورشة اكيد بيحطها براسك
وغير كذا انت تمدح السيارة في الإعلان وغيرك يجي يذمها وفي النهاية يصير الإعلان منتدي من كثرة الردود
لكن اذا شفت واحد حاط استفسار في المنتدى ويطلب رأي حزتها نزل الى في راسك كله بحكم استخدام وتجربتك  


up 2 down 0
for speed 752
قبل 8 سنه و 10 شهر



فيه واحد معاه سياره ومركب عليها كفرات وجنوط وطلبيه وكاتب قصة حياته وكم كلفته الاضافات اللي جابها من امريكا ومصور لها يمكن 25 صوره وله فتره يحدث فالاعلان يبي يوري الناس انه معاه سياره ملفته للنظر ويمكن يبي يصير مشهور ههههههه


up 1 down 0



راعي الجمس ^ ههههههههههههههههههههه


up 0 down 0
almgrm 40
قبل 8 سنه و 10 شهر