من الملعوب عليهم
12
5
إضغط هنا للإخفاء
السلام عليكم ورحمه الله وبركاته
بسم الله الرحمن الرحيم
سبحان الله وبحمده ××× سبحان الله العظيم
شفت موقفين بالحراج وموقف بموقع حراج
ما ادري على هذه المواقف كيف تصير حالتي
اضحك ؟ ولا ابكي ؟ ابتسم ؟ ولا احزن ؟ أقوم ؟ ولا اجلس ؟ هههه
ندخل على المواقف
الموقف الاول:
شفت كامري بالحراج 2008 فسألت راعيها كم يبي فيها
أبو سالم : السلام عليكم
راعي الكامري : وعليكم السلام
أبو سالم : ياخوي سيمت منك الكامري ؟
راعي الكامري : أنا أبيها بمثل خسارتها يوم شريتها على أيامها
أبو سالم : ما شاء الله كم خسرت فيهاعلى أيامها ؟
راعي الكامري : 54 الف
أبو سالم : يعني تبي فيها 54 الف !!!!!!!؟
راعي الكامري : ايه
أبو سالم : طيب كم ممشاها ؟
راعي الكامري : 200 الف وشوي
أبو سالم : ما شاء الله تبارك الله ربي يعطيك خيرها ويكفيك شرها وتجيب يارب السعر الي خسرت فيها على ايامها !!!!!!!!!!!!!!
اقول حط رجلك يا ولد هالآدمي ملعوب عليه هههه
اجل يبي سعرها الي خسر فيها قبل 5 سنوات ب 54 الف هههه!!!!!!!!!؟
يعني كرفها امها 5 سنوات ويبي راس مالها !!!!!!!!!!!؟
الصراحه اني حزنت على وضعه وحسيت انه ملعوب عليه بقوه
شكلها على ايامها يوم يبي يشتريها قالوا له الجماعه اشتريها ترى تويوتا تمسك سعرها
ما قلنا شي تمسك سعرها بس مب معناه تجيب لك راس مالها
والمشكله انه دخلها بعدين حراج سكر في مويه متأمل انه راح تجيب له راس مالها هههه ما درى انهم راح يكسرون ام سعر موتره
خلونه منه ننتقل للموقف الثاني
الموقف الثاني:
شفت راعي كرولا 2012 ستاندر قير اوتو وزجاج اوتو
أبو سالم : السلام عليكم
راعي الكرولا : وعليكم السلام
أبو سالم : كم سيمت يالحبيب ؟
راعي الكرولا : 50 الف والحد قريب
أبو سالم : 50 الف !!!!!!!!!؟
راعي الكرولا : ايه نظيفه من الصدام للصدام
أبو سالم : طيب كم ماشيه ؟
راعي الكرولا : 62 الف
أبو سالم : الله يعطيك خيرها ويكفيك شرها
حط رجلك يا ولد هالآدمي ملعوب عليه
2013 ستاندر قير اوتو وزجاج اوتو اصفار ب 57 الف
وهذا 2012 ويقول مسيومه ب 50 الف ويبي الزود
خلونه منه راحي تصدي عنه وننتقل للموقف الثالث
الموقف الثالث :
واحد من الموقع عارض جراند ماركيز مخزن موديل 2002 ماشي حول 44 الف
وطالب فيه 62 !!!!!!!!!!؟
يالآدمي ما قلنا شي انه مخزن بس الكروان فكتوريا والجراند ماركيز لهم خاصيه مب زي تويوتا في التخزين
يعني تويوتا مثل الكامري فيه موديلات مرغوبه بقوه لانها حق كرف وحديد حديد وقطع رخيصه بعكس الموديلات الجديده الي تكون قطعها غاليه والبدي كرتون فالشخص الي عنده كامري 2002 مخزنه وطالب فيها 62 ما نلومه
اما الكروان فكتوريا والماركيز لها خاصيه مختلفه فكلما زاد الموديل كلما اخطاء الموديلات السابقه صلحوها بالموديل الجديد والبدي هو نفس البدي من 98 الى 2012
بالعكس الكروان فكتوريا والماركيز من 2002 وتحت مع السرعه العاليه واللفات تحوس السياره وتفادوا هذه المشاكل بالموديلات الجديده
وشكل 2011 اجمل واحلى من 2002 والبدي بقوته هو نفس بدي 2002
يعني بالعقل بالعقل
آخذ لي جراند ماركيز 2011 بطاقه جمركيه ممشى قليل ونظيفه ب 62 ولا آني خبل آخذ ماركيز 2002 مغبره ومعمره من التخزين والله اعلم وش تحتاج من القطع الاستهلاكيه بسبب كثرت الوقوف
هذه بعض المواقف من نقط نقط نقط نقط
وان شاء الله نالت اعجابك ونشوف ارائكم
إبلاغ
الردود
الله يسعدك
3
0
1
0
بالنسبه لراعي الماركيز فعلا هو مبالغ في السعر بس ترا الماركيز موديل 2002 مرغوب حتى بعيوبه واسالوا مجربين الماركيز وترا له شعبيه عندنا خصوصا بالرياض عاد مادري عن المدن الثانيه بس ولو ما تصل انه يوصله هالقيمه يعني حده بالكثير 40 الف
بالنسبه للاشخاص اللي يرفعون بالسعر ترا مو كلهم ملعوب عليهم لا هذولي شريطيه وعارفين السوق بس عباطه يبي يبيع بالقيمه اللي يبيها
وفيه واحد كان عنده جمس موديل 1994 لون بحري بصراحه الموتر نظيف بس تتوقعون كم حاده ؟؟ يقول وصل سومه 50 وانا بعيد ؟؟؟ يعني بالعقل انا مهبول يوم اني اشتريه ب50 طيب وش يضمن لي انه مو منزل عداده وش يضمن لي انه ما طعس فيه بالبر يعني اشتريه ولا ادري عنه شيء لا والله ما يستاهل ولا 30 الف لكن الشكوى لله
ع العموم مشكور يالغالي ولا هنت
بالتوفيق
2
2
2
0
الواحد يشري سيارته أصفار ٥٠٠٠٠ الف ويمشيها ٥٠٠٠٠ الف ويدخلها السوق
ويقول سيمت ٥٥٠٠٠ وأبي الزود ويقولون الشريطي يلعب بالأسعار اعرف اذا الشريطي
حد عليك السياره بسعر غالي اعرف تماماً انها مشتريها بسعر غالي منحد وش يسوي
كله من هالعينات تذكرون الاكسنت ٢٠١٠ ٢٠١١ كانت أصفار ٣٣٠٠٠ واقل
الآن بالسوق ٣٢٠٠٠ الف أو ٣٠٠٠٠ الف وماشيه حول الميه ويقولا حقت كفر وسعرها فيها
ومرغوبة والله ما رفع اسعار السيارات الجديده والمستخدمة إلا المواطنين وهذا يدل علي جهل المواطن
1
0
1
0
وينزلها للسوق وينزل الف ريال ويقول سميت كذا ما يدري ان الشريطي ضحك عليه خدعه وباعها بسعر الوكالة
1
0
للعلم.....موديلات 98 -2002 هي مريحة ومقاعدها اريح ومساعداتها لينة جدا وانا بالنسبة لي اخر فكتوريا وماركيز اللي يذكرك بالامريكي الصح هي 2002 ...
وانا مجرب 2010 و2008 اقسى بشكل كبير ووتعور الظهر من تحت ..
1
0
مره شفت واحد عارض اكسبديشن موديل 2013 تقريبا نص فل وماشي 1000 كيلو
ويقول ابغى 120000 ريال
والمشكله هو داري انه هذا سعرها زيرووووووووووو بالوكاله
بس بعض الناس سبحان الله يا انه ابله وغبي يا انه يحب يستلطخ الناس
ويوم قلنا له الجديد سعره 120000 ريال
طنش وماعاد رد
وانا رحت الوكاله الاسبوع الماضي ولقيت كل الفئات موجوده والالوان موجوده مع انها بعضها تحتاج وقت حين توفرها
المهم انها موجوده
فياليت الحبيب ذا لو يشوف الموضوع يفيدنا بسبب طلبه للسعر هذا نفس الجديد
ما نختلف انه حلاله ومن حقه يطلب 300000 ريال
بس لو يبي يبيع من جد كان طلب المعقول
ولو انا معاي فلوس من جد كان اخذت الجديد وسيارته ولا اطالع فيها
الشاهد بالكلام كل سيارات الموقع مضروبه الا مارحم ربي
والباقي رافعين سعره مثل الوكاله
مره واحد عنده جيب سوزوكي ساموراي موديل 98 وكاتب بالاعلان نظيف على الشرط ومكينه وقير ودبل ومضمون وعلى الفحص
وهياط ماله داعي
المهم اتصلت عليه وقلت السياره بوديها كيف
قال البودي دقدقات حفيفه وما تحتاج السمكره على قوله دقشات
قلت كيف حراراه السياره (لان الساموراي بالذات ال 98 معروف بالحراره ) قال على النص ما تزيد
المهم قلت انا بأجيك من بعيد فتكفى اذا السياره فيها شي يعيبها قولي
قال تعال والله ما تندم
المهم اتفقنا انا واياه على 11000 ريال
والله وشديت الرحال وخلاني اجي على الحويه شوف ام المشوار من جده الى طريق السيل الى الحويه
والله واقف عند مبنى البلديه الساعه 4 العصر
وادق عليه وشوي ولا هو جاي
قسم بالله قسم بالله قسم بالله ثلاثا انه السياره تمشي على جنب كأنها حيه ام جنيب
ويوم وقف انا ما اعرفه ولا عمري قابلته الا هاك اليوم
وقبل يسلم قلت بذمتك هذي السياره
قال ايه
ضحكت من الغبنه والله
قلت فك الكبوت
فكيت الكبوت وربي كبينه هاتف من كثر الاسلاك والحراره النص والمكيف طافي بالله وشلون لو شغلته
قلت بأجرب الدبل وهو واقف
قلت افحص وبعدين نشوف
دخلت بالسياره من جوه ديكورها معقول نوعا ما
لكن السقف ملعوب في حسبته والسياره مقلوبه ومسمكره بمحلات ابو كلب
قلت اطلع بجرب الدبل
يوم عشقت الدبل وهو يعلق في ال N قلت سلامات
الهلالات رايحه
قال شغلتها بسيطه وما تأثر
ولعت وتنرفزت
قلت اسمع انا جاي من مشوار وربي سفر وانت تتونس علي
روح الله لا يوفقك
سيارتك ب 2000 ريال تبيع اشتريت
ما تبغى دور لك سطحه تشيلك انت والدبل ابو هلالات
يا رياجيل غبني سيارته قرمبع لا وازيدكم من الشعر بيت
كل الصور اللي منزلها في الموقع مو حق سيارته
يوم قلت هذي مو نفس سيارتك اللي بالموقع
قال لا هيه بس الصور قديمه
قلت يعني انت لاعن ابو ابوه وتحلف بحياتك عيالك انها نظيفه
يا شيخ خاف ربك
المهم مشيت وخابره قاعد عند سيارته بيسحبها لان الدبل علق
وقعدت ادعي عليه في جوف الليل 3 ليالي من القهر
وللاسف عندنا اطفال بالموقع عمرا وفكرا
الله المستعان بس
3
1
وحلو هالمشاكل مع المديلات الاحدث خصوصا من 2006 وانت طالع
بس تركته ماحبيت اتدخل هههههههههههه الظاهر انه ينتظر واح شيم مايفهم ويروح يشتريه !!!
62 الف تجيب 2010 نظيف
غيره من الامور الثانيه بدائت تخرب سمعة موقح حراج وجديته
قبل 10 سنه و 9 شهر