متعة شغل اليد
15
2
إضغط هنا للإخفاء
السلام عليكم ورحمة الله وبركاته
موضوعنا اليوم موضوع اجتماعي لكل الشباب اللي هنا ,, وهو ايش الشغلة اللي في سيارتك لما تخرب تسويهاااا ؟؟
يا اخوان وربي من يوم جيت للرياض فقدت شغل اليد والسبب اني ساكن بالدور الثاني وماعندي حوش او قدام البيت برحة اشتغل بسيارتي فيها :(
اول لما كنت بالديرة كان عندنا حوش كبير وكان عندي ددسن م88 وعندي حفرة زيت وعدة كاملة اهندس في السيارة على كيفي واحياناً يجون اخواني وعيال عمي يسوون سياراتهم نتعلم عليهااا ونطلع بنتيجة محترمة ..
ما اقول لكم اني كنت مثالي وما اخرب شي ياما وياما جبت العيد في كذا سيارة ولكن كل طقة بتعليمة ..
لايفوتكم شغل اليد وربي قمة المتعة وقمة التحدي بينك وبين نفسك ,,, ايش المانع انك تغير قماشات سيارتك او تركب اديتر او حتى تغير الزيت فقط ,, وفوق هذا كله تستثمر وقتك في شي يفيدك
الان ودنا نتشارك بالموضوع ونتناقش لكي نستفيد ,, وش اشتغلت بسيارتك .. عمرك سويت شي وخربته ,, كم مرة سويت عمرك فاهم بالسيارات وتوهقت
اللي خلاني انزل الموضوع هو اني اشوف شباب وربي مايعرفون يبنشرون السيارة ويبدلون الاسبير ,, كذلك فيه عينات وربي ماتعرف حتى تشيك على زيت المكينة او موية الاديتر ودنا نستفيد من بعض بارك الله فيكم
إبلاغ
الردود
0
0
وحلها كيف نطلعه ههههههههههه
وايضأ مره جيت ابي افك طرمبه المويه فكيتها بس كسرت واحد من المسامير الي يثبتها بصدر المكينه ههههههههه
ولا عاد قدرت اشغل الموتر بدون طرمبه ههههههههههه وحلها كيف نطلعه
غيرت فحمات عندي بالبيت وغيرت سلف وغيرت رديتر وسويت غسيل سلندرات وغيرت بواجي وسويت تنظيف بخاخات
فكيت كل ديكورات السياره من الداخل وتكسرت بعضها من الفك ورحت فريت التشليح والحمد لله لقيت اطلق من الي كان راكب
صدمت على الموتر وغيرت كبوت وجسر صدام وشبك وشمعات بالبيت قسم بالله تكون خربانه واكره ام ام الموتر لاكن بعد
ما اصلحه
يكبر بعيني الحمد لله هذا والله من فضل ربي حبينا نشاركك معكم وشكرا
قبل 11 سنه و 5 شهر