لماذا يقل سعر السيارة بعد البويه ؟؟؟

تقريبا لان الناس تخاف انه منقلب او جاه حادث قوي

لعدة أسباب منها على سبيل المثال 

الرش يخفي ماتحتها يعني يمكن الموتر يكون مصدوم ومعدل ومعجون وبلاوي 

إستخدام بويه (دهان) غير أصلي لبيع السلعه السياره بدون خسائر

مستحيل أي رشه تكون مثل الوكاله أو المعنى الأصح الشركه الصانعه  لأن رش الشركه بآلات وكمبيوتر دقيق يرش جميع الأجزاء بالتساوي بعكس الورش
  اللي مشي حالك

ولهذه الأسباب يتخوف منها الناس 

اي تعديل يمكن كشفه بسهولة الان عن طريق الفحص واجهزة فحص السمكرة منتشرة 
اذا هذا ليس سبب لبخس السيارة بهذه الطريقة

أكيد سياره مصدومه تبيها مثل إلي لم تصدم وهذا حظ وتوفيق من الله أنها لم تصدم
وهو يعتبر شي نادر ومميز بالسعودية لان غالبية الشعب
لايستخدم السياره بالشكل الصحيح
اما قصة جاها مشخ ورشيته او مرشوش لتجميل وهي ٢٠٠٨ وفوق
هذي نصبه وكذبه قويه
وعدم رش السيارة او تعرضها لحادث يعتبر استخدام حشمة
وشكراً 

احد الاعضاء من قبل كتب عن قصته مع الغروب والبريدي وكيف ان سيارته نقصت من 185 الف الي 145 بعد ان ادعو ان سيارته مرشوشة بالكامل 

ابو مطفر

الجهاز أنا أملكه ولاتقدر تفرق بين واحد راش رفرف على نظافة وبين واحد شاري رفرف جديد مثلا وراشه

وهو يقيس سمك طبقة البوية فقط ولايفحص الصدام الفيبر

وفايدته يكشف الرشة لأن سماكتها تختلف عن سماكة المصنع

وغالبا سماكة بوية المصنع تأتي بدرجة واحدة

ولو كان بالسيارة معجون بيكشفه بسهولة

ولكن لو بدون معجون قليل من الاحيان تصادف يكون سمك واحد ونفس سمك المصنع وهذي مايكشفها الجهاز

اولا البويه الاصليه مافي مثلها نهائيا حتى بالوكاله   

في شكلها وصفائها وتماسكها بالبودي..... 

كلام جميل اخي 
ممكن ان تكون السيارة تعرضت لحادث وصار لها ترهيم ويكون سعرها اعلي من مثيلاتها 

مو كل الناس
انا من الناس الي اخذ سياره مرشوشه كامله ولا اخذ سياره مرشوشه وكالة وفيها حكات وخرابات
وربي ثقافه غلط عند البعض
السياره لما يجددها راعيها تشوف بويتها تلق تقعد معك اقل شي اربع سنين بويتها احسن ما يكون
لكن باخذ سياره على رشة وكالتها مستعمل اكيد بيصير فيها حكات لليل وطقعات وطعجات
زي واحد سيارته البويه حقته مشهبه وبعض الاماكن متقشره
اقوله ياخي رش السياره كلها يقولي لا خلها على وكالتها عشان تجيب سعر
طبعا ما الومه الوم الي بيشتري السياره وثقافته الغبيه

وطقعات = وطقات هههههههههههههههه يالغلط هههههههههههههههه يا بطني ليتني اقدر احذف الرد كله ههههههههههه
في اخطاء ما تحتمل الترقيع هههههههههههه

ملك الخطوط الناس تخاف من المرشوش لخوفهم من تعرض السيارة لحادث أو إنقلاب لاسمح الله ولا طبيعي لو ابي استخدم

وأحصل واحد أعرف سيارته وإنه راشها فعلا على نظافة ماراح أتردد بشرائها لكن المصيبة فيه ناس ماتخاف الله يقولك السيارة مرشوشة على نظافة ومافيه حوادث وهي متعرضة لأكثر من حادث فالأضمن إن الواحد يشتري سيارة بوية بلد ويريح رأسه

لانه لو ترش عن اطلق ورشه كلها كم سنه والبوية متغيره بعكس بوية البلد

اخوي ملك الخطوط الله يسعدك والله اني ضحكت على ردك لين دمعت عيوني ههههههههههههههههههههه

نفسي اغير لون سيارتي واخاف من نفس المسأله ويقولون مقلوبه ومدري ايش حسبي الله ونعم الوكيل