مشكلة رجة السيارة كاملة وهي واقفة

سبب الرجة في السيارة اذا كانت واقفة تكون من كراسي المكينة وكرسي الجرابكس اما اذا كانت من الحذاف فراح تتعبك بسبب ان الرجة راح تعدم عليك صوفة القير الامامية وصوفة المكينة الخلفية وماتضبط معك حتي تغير الرومانات اللي خلف الصوفة حقت القير والمكينة

شوف انا اليوم كنت في وكالة تايوتا للسيارات المستخدمة وكنت اجلس انتظر الموظف 
وكان فيه واحد بجنبي وجالس ويتعصر في مكانه
المهم جاء واحد من حقين الصيانه وطلبه مفتاح سياره وطلعو الاثنين سوا
يوم رجع وجلس حسبته من حقين الصيانه فسالته قلت الموظفين تاخرو
قال لي بالحرف الواحد والله انا جالس على اعصابي وانتظر الموظف
قلت له خير ان شاء الله وش السالفه
قال اشتريت من عندهم سوناتا 2011 بقيمة 47000 الالف امس
ومشيت فيها اقل من كيلو الا والحرارة ترتفع
والحين جبتها وكشفو عليها حقين الصيانه وقالو راس المكينه منتهي
وانا جاي ابي اخذ فلوسي وقسم لو مايعطوني ان اسوي كذا وكذا 
فحبيت اذكر لك السالفه دام السالفه توها حاصله بصباح هذا اليوم وسلامتك

للمعلومية عشان لاحد يتفلسف وكالة تايوتا للسيارات المستخدمه تبيع جميع انواع السيارات سوا لنفس الشركة او شركات اخرى مثل هوندا وهونداي وكيا وغيرها

دام فيها الحذاف انحش منها ماتلقى ميكانيكي مضبوط