مطلوب عمل مسائي في رمضان وبعده

الايام هذي شغل التعقيب يطلع ذهب ,, احد قرايبي معقب للناس اللي يعرفهم فقط وكذا مكتب والله الرجال عين خير ومعاه دراااهم

اشتغل تعقيب وصدقني بتتوفق ,, او على الاقل برمضان بيع خضار او تمر او اي شي

انا كلمت اخوي الصغير توه متخرج من الثانوية بخليه يجي من الديره يصوم رمضان عنده وباخذ سيارته ددسن 2008 غمارة ناوي ابيع تمر عند المسجد او ابسط بها بالطريق

الله يجزاكم خير يا اخوان ولازال البحث 

الله يجزااااكم كل خير الجميع 

هذي فكرة يا ابراهيم والرجال ماقصر فكرته حلوة يمكن انا ولا اي واحد يستفيد منها وانت وش دراك ان ماعنده سيارة عشان تتفلسف على ابو ناصر ..... اتمنى ان نحترم كل وجهات النظر التي لاتتخطى حدود الأدب

يا ابراهيم ممكن تقولي ايش الغلط اللي بكلامي ؟؟!

انا اقترحت على الرجال يشتغل بإيده افضل من الوظائف اللي براتب ثابت

يكون بعلمك الشغل اللي برى على قد ماتشتغل على قد ماتجيك فلوس

رجاءً لاتتفلسف وتسوي ابو الفزعات للرجال وتستحقر الردود حنا هنا اخوه والمؤمنون بتوادهم وتراحمهم كالجسد الواحد اذا اشتكى منه عضو تداعى له سائر الجسد بالسهر والحمى او كما قال صلى الله عليه وسلم ,, الحمد لله انا اشتغل بسطات تمر او خضار ومعين خير واخوي بالمدينة المنورة موظف هناك وعنده عربة يشتغل بها بساحات الحرم ويوميته مابين 200 الى 300 ريال هذا غير ايام المناسبات .. وأسأل الله العلي العظيم ان يرزق صاحب الموضوع باللي احسن من الوظيفة ويفتح له ابواب الرزق من حيث لايحتسب ويرزقني انا وانت يا ابراهيم وجميع الاعضاء ونعوذ به من قهر الرجال وفتنة الدنيا اللهم امين

ابو ناصر صح عليك وكلامك 100% 
وإبراهيم برضه كلامه ممتاز وماعليه غبار 
وانتم كلكم عينين في راس 
والدليل تعبتم انفسكم ورديتوا على موضوعي ونصحتوني وهذا دليل إن فيكم خير بدون نقص في باقي الاعضاء

مثل ماقال الاخ ابو ناصر التعقيب التعقيب نصيحة الان الشغل ذهب
انا اعرف احد الاشخاص يطلع تقريبا 3000 ريال يومياً والله على ما اقول شهيد
هذا طبعا للسوح اللي توه بادي عشان مشاكل العمال.
بس الخبرة وصاحب المعارف في الجوازات يطلع الى 15000 واكثر