النترا ام فيلوستير ؟

والله الفيلوستير روعه وشبابيه و أحسها افخم من اللنترا ولا تهون اللنترا

هذي وجهت نظري بس تعرف لما يطلعلك كم واحد ويقعد يمدح الانترا 

الفيلوستر من عيوبها فيها ثلاثه بيبان بس يعني ورى السواق مافيه شي .. ثانيا اللي يركب ورى يحس فيه كئابه شوي وضيق .. المهم حاول انك تكون مقتنع وحاول تفكر وتستخير والله يرزقك ويرزقنا بما فيه الخير ..

اذا انت شاب وغير متزوج وتبي سيارة غير عائلية ترا الفيلوستر حلوه ومثلها مثل الالنترا بس الفرق البيبان والسقف وموفق

فيلوستر احلى  وافخم من الالنترا

الالنترا سيدان ، وتستوعب عدد اكبر ، وراحة اكثر

الالنترا فيها محرك ٢٠٠٠ الفيوليستر غاليه جديده و محركها ١٨٠٠

الالنترا عند البيع افضل 

فيه فئه جديدة i40 مواصفاتها روعه بس سعرها خيالي 

فليوستر 3 بيبان سلامات استهبال هو !؟ خذ النترا

لو انت عزوبي خذ الفوليستر لو عندك عائله خذ النترا مع انها صارت لموزينات وطاح سوقها

اذا انت شباب خذ فوليستر واذا مالك بحركات الشباب ورسمي النترا والفوليستر خذ لون ابيض او احمر او اسود لاتاخذ اصفر

يا رجال هي كلها مواتر لكن فيلوستر ما تقارن بالالنترا هذي فئة رياضية أعلى منها و اللي يقول 3 بيبان و سلامات اجل اللي يأخذ هايلكس ولا ددسن غمارة ولا شاص بقيمة النترا جديدة + مستخدمة وش ردكم له !!! 

ياللي فوقي اشهد انك جبتها 

خذلك النترا كوبيه الداخليه داخليه فيلوستر والخارجية أفخم من الفيلوستر وشكل رياضي وحلو 
أنصحك بالنترا كوبيه 

اولا الفيلوستر 1.6 مكينتها وبقيمة 1.8 بالالنترا ثانيا بالخط ما تنفع اذا انت بمدينه وما تسافر خذ فيلوستر اما الانترا فخذا باي مكان 
مجرب الثنتين والفيلوستر راحت تالف بسبب مطب