أضف سؤال أو موضوع جديد          

سؤال عن طريقة الحساب البنكي

up 2 down 0
الأوضح 34
قبل 7 سنه و 9 شهر



موقع حراج ومعروفة نسبته
لكن ياشباب عندي سلعة (أجهزة إلكترونية جديدة)أريد تسويقها عن طريق حراج
وحتى أوصل لأكبر عدد ممكن وش أحسن طريقة وأسهل طريقة للتحويل البنكي
عندي حساب في الراجحي (آيبان/الرقم الطويل)
سؤالي: هل يستقبل من جميع البنوك عن طريق التحويل بالنت
وهل يستقبل عن طريق النت من أي بلد خليجي
وهل هناك طريقة أسهل للبيع؟ أو الشحن الآمن؟
أرجو اللي عنده خبرة لا يبخل بالرأي
وجزاكم الله خيرا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


السلام عليكم

التحويل الداخلي (المحلي) والدولي
اذا حساب اللي بيشتري منك تميز توصل في اقل من 5 دقائق
واذا بنك محلي وحسابه عادي من 48 ساعه إلى 72 وتوصل بحسابك
الدولي الحواله الدولية اسرع من تحويل من بنك لحساب في بنك آخر دولي

الافضل اذا ناوي تشتغل تفتح في اكثر من بنك وتختار البنوك الرئيسية واللي عليها إقبال


الله يوفقك ويرزقنا وإياك


up 0 down 0
abo kayan-55 652
قبل 7 سنه و 9 شهر



انا كنت اتعامل بالتحويلات وللاسف اغلب الزباين الي خارج منطقتك غير جادين 
انا بعت سلعة ثلاث مرات على ناس خارج الرياض

الاول اتفق معي انه يرسل لي واحد وجلست احتريه اسبوعين ما ارسل احد وما يرد على جواله
الثاني قالي بحوّلك جزء من المبلغ الحين والباقي عند الاستلام مع اني قلت له لا تحول لي شي الا اذا استلمت السلعة
قعدت تقريبا عشر ايام انتظره ولا صار شي وكل مادقيت عليه يقولي بكره بكره 

الثالث قال لي بيجيك اخوي ياخذها منك وكالعادة ما جاني احد ولا اتصل فيني احد 

بعتها على رجال في الرياض في ظرف ساعة 
شاف الاعلان واتصل علي وواعدني في مكان واستلم السلعة وخذيت فلوسي

ومن تالي صرت كل ما عرضت شي اقول البيع داخل الرياض
افتكيت من الغثا


up 1 down 0
naac 2 2721
قبل 7 سنه و 9 شهر



رقم الحساب الدولي IBAN (( يستقبل ويرسل الحواله الماليه المحليه والدوليه )) حتى لو من البرازيل .
وبالنسبه للحواله لك حريه الاختيار (( الصرافه أو الهاتف المصرفي أو الاونلاين الانترنت )) وأنا افضل الحواله بالانترنت لان بيانات المحول له تظهر عندك .. ويكون ايضآ اشعار لعمليه التحويل لو تعرضت لعمليه احتيال .

اعيد واكرر افضل حواله ماليه  عن طريق الانترنت ON LINE 


up 0 down 0
majid511 68
قبل 7 سنه و 9 شهر



جزاكم الله خير
تحملوا أسئلتي
الآن اللي فهمته التالي:
فهل فهمي صحيح أو خطأ واللي عنده إضافة يتفضل مع الشكر

1- يكفي بنك الراجحي مدام كل البنوك السعودية والخليجية تحول له / أحسن من أتابع 4 حسابات في بنوك مختلفة

2- أعمل اشتراك في الراجحي نت لأني ماجربته من قبل عشان يظهر لي اسم المحول 



up 0 down 0
الأوضح 34
قبل 7 سنه و 9 شهر



ياليت موقع حراج يتعامل مع ارامكس وبس عندهم خدمة الدفع عند الاستلام ماياخذ بضاعته ويفحصها ويدفع فلوسة وكل الطرفين يضمن حقة 


up 0 down 0
موووت احبك 1625
قبل 7 سنه و 9 شهر



اخوي الاوضح
مثلاً انت عندك الراجحي وانا في سامبا
عشان احولك من حسابي في سامبا لحسابك في الراجحي
تستغرق عمليه التحويل من 48 ساعه إلى 72 ساعه + مبلغ 25 ريال عموله للبنك قيمه عمليه التحويل لبنك محلي
وحساب التميز خارج الحسبة ما ينطبق عليه الكلام التحويل فوري إلى اي بنك وبدون رسوم
لكن مو كل اللي بيشترون منك عملاء تميز
لذلك انصحك تفتح في اكثر من بنك وتركز على البنوك الرئيسية مثل ما ذكرت لك بردي اعلاه
لإن المشتري اذا ماكان لديه حساب في البنك اللي انت تتعامل معاه بيطول عليك هذا اولاً
ثانياً بيدفع 25 ريال عموله للبنك غير قيمة سلعتك
ثالثاً اذا ماعنده حساب في نفس البنك بإمكانه يسأل احد من معارفه في احد البنوك الرئيسيه اللي انت سهلتها للمشتري
ووضعت ارقام حساباتك فيها وتنتهي اموركم بكل يسر وسهوله
في امان الله


up 0 down 0
abo kayan-55 652
قبل 7 سنه و 9 شهر



مشكورين يا شباب واللي عنده إضافة يمكن فاتت على البعض يضيفها
ويعطيكم العافية


up 0 down 0
الأوضح 34
قبل 7 سنه و 9 شهر