الـعــين حــق

6 1

لايمكنك التصويت حتى الحصول على 20 نقطة على الأقل
إضغط هنا للإخفاء

ابو سلطان 2 438
قبل 11 سنه و 4 شهر

بسم الله الرحمن الرحيم

مبروك عليكم الشهر الفضيل وعسانا من عواده إن شاء الله 
وكلها 30 يوم لازم نجتهد فيها بالطاعات بالنوافل وقراءة القرآن والبعد عن كل مايصدنا ويلهينا عن ذكر الله . .

نرجع لموضوعنا . .

في البداية كنت بالدوام وكان دوامي من الساعة 10 مساءً وحتى الساعة 6 صباحاً عاد يوم جت الساعة 12 عند منتصف الليل أخذت لي غفوة بالعمل على أساس عند سفره للرياض من بكره ( مع العائلة ) فدخل علي أحد الشباب فقال : وش عندك يابوتميم بتنام ؟ قلت والله عندي دعسة بكره للرياض وأبغى أرتاح شوي . . قال : إيه وش عليك يابوتميم أنت من عقب السيارة وأنت داقها مشاوير . . . ( لا إله إلا الله ) اللهم إكفنيه بما شئت .. عاد ماجاني النوم ذيك الليلة ومن بكرة وفي تمام الساعة 2.30 الظهر توكلنا على الله للعاصمة الرياض على أساس نوصل بدري ونخلص أشغالنا . . وأثناء السفر إتصل علي أحد الأخوه في العمل ( إنتقل من عندنا وراح للغربية ) وقاعد يسولف معي بالطريق وقال : شكلك ماسك خط . . قلت : إيو الله رايح للرياض . . المهم صوته يقطع . . فأنقطع الخط بيني وبينه . . وأرسلت له رسالة كتبت فيها : ترى صوتك يقطع ولا أدري وش تقول وكأنك تكلم من بير . .

رد علي برسالة قوية . . وقبل أن أقتبس لكم ما أرسله علي راح أقول لكم منهو هذا الشخص : كان معانا بالعمل مايقارب 11 سنه وكان مشهور ومعروف عند أغلب الموظفين بعينه الحاااارة حتى إنه مره قال : فلان طلّع لكزس ls430 وين تبون تكون الضربه . . قالوها الشباب مزحه . . نبغاه بالرفرف الأيمن . . ووالله بالفعل أتت الضربه مع نفس المكان اللي قالو له الشباب ولكن بعد شهر تقريباً لأن مفعولها طول شوي . . أنا عن نفسي ماكنت مصدق أبداً وحسيت إنها صادفت . . وغير كذا مره دخل الملعب بمباراة رسمية في المساء ( دوري موظفين ) وفي أول دخول له إنطفأت جميييع الأكباس اللي بالملعب وكل الموجودين ماتو من الضحك , وقالوا هذي اولها يافلان . . يعني بالمختصر المفيد معروف لدى الجميع بعينه الحارة الله يهديه . .

الرسالة اللي رد علي فيها برسالتي السابقة كان كاتب فيها : 
إحترم نفسك , جوالك اللي يقطّع , علشان إنك طاير , أهب أهب

ووالله الذي لا إله إلا هو وقبل دخولي للرياض بـ 10 كلم تقريباً عند اللوحه اللي مكتوب فيها ( الجنادرية - وسط الرياض - طريق خريص يمين ) إنطفأت السيارة فجأه وكنت على سرعة 160كلم تقريباً حتى إستقرت السيارة في ذاك المكان . . حاولت أشغّل السيارة مو راضيه تشتغل صبرت ربع ساعة ونص ساعة وساعة وبرضه ما إشتغلت . . علطول دقيت عالرجال وسفّلت فيه وقلت ياشيخ إذكر الله حرام عليك .. السيارة طفت فيني ومعي الأهل . . قال والله ماكان قصدي ومدري إيش وقام يتعذر . . قال: عاد تصدق سويتها بواحد كان مسافر وصار له نفس اللي صار لك . . خلاص خلاص والله ما أعودها أنا شكلي منحوس ماعاد أتلقف وأقول شي . . سكرت من عنده . . 

كلمت أحد الأخوه في الرياض وبالفعل ماقصر جاء وأخذت سيارته واخذت الأهل والأولاد واستأجرنا شقه . . طبعاً وقفت سطحه على أساس يوديها صيانة kia وكانت الحمد لله قريبه وأخذ مني 100 ريال فقط .. بعد مانزلت الأهل رحت للوكالة ( كان الوقت عالمغرب ) وحصلت راعي السطحة يستناني هناك وبالفعل نزلنا السيارة عند بوابة الصيانة , عاد يوم جيت أمشي قال خويي , وش رايك تجرب تشغل السيارة مره ثانية كآخر محاولة , , قلت بسم الله وشغلت ووالله إشتغلت زي سلام عليكم ولا كأن فيها شي !!  طبعاً لازم أجي الصيانه بكره الصباح عشان يطمأن قلبي فقط . . وبالفعل ماجت الساعة 7.30 الصباح إلا وأنا عندهم . . وعلمتهم السالفه من أولها لآخرها . . وماقصرو معاي وقدرو ظروفي كشخص زائر ولست من المنطقة وخلوني أول واحد . . وتم التشييك عالسيارة من الساعة 8 صباحاً وحتى الساعة 4 عصراً يقول والله شيكنا عليها مرتين ومافيها أي شي يذكر . . وراح عليها وجربها ومافيها شي يقول ماخلينا شي ماشيكنا عليه سيارتك سليمه بإذن الله وتقدر تسافر عليها وأنت مطمأن البال . . فقلت الحمد لله وحسبنا الله ونعم الوكيل من كان السبب . .

إبلاغ

الردود