التسوق الالكتروني ومدى فائدته لملاك السيارات

ياريت احد يسوي فكرة موقع امازون او ايباي ..والله ممتاز الموقع جدا .. مافي شي اسمه عملية نصب مثل مايحصل هنا بحراج وباقي المواقع الالكترونيه ..

حلوه لكن تخاف ترسل النقود ويطلع كل شي وهم وتروح عليك

ايه نعم فيه مشكله بالشراء .. تخيل ذاك اليوم دخلت ادور منظم هوا لسيارتي ماركيز ِidle air control valve
ودخلت على كذا موقع (مواقع امريكيه) وانا اشوف الاسعار صراحه نار غاليه مره ..
يعني تخيل حصلته بـ 700 ريال وحواليها + من غيرمصاريف الشحن يعني كم بيطلع علي .. سلامات ؟؟
وهو عندنا ينباع الاصلي بـ حوالي 300 ريال والتجاري حوالي 160 ريال ..
وبعدها خلاص ماصارت عندي ثقه بالمواقع ( نصب × نصب ) ورحت تشليح وأخذت اصلي مسعتمل بـ 100 ريال..

< أصلا ماعندي فيزا بس دخلت لأن الناس تمدح في المواقع وقلت اشوف وأخذ فره والحمد لله إني ماشريت .
تجربتي ونقلتها لكم ،

مافيه شيء اسمه وهم : 

فيه وسيط مالي هو اللي يقوم بعملية التوسط بالبيع ، 

مثل Paypal .
في حال كون العملية فيها نصب يتم مراسلتهم . باثباتات ان القطعة ماوصلتك ..
يرد لك الوسيط مالك فوراً

ويمنع التعامل مع مثل هالنوعيات من الناس .. 

المسالة جميلة جداً بالبيع والشراء عن طريق ايبآي وامازون ..

ولكن نحتاج الى توعية اكثر ونصائح اكبر من الاخوان اللي جربو .. 

لي موضوع بخصوص الشراء الالكتروني تابعه وراح تشوف الفرق بين سوقنا وسوقهم

تظليل سيارة فورد من احد المواقع , شركه لومار بـ 370 بدون القزاز الامامي ..

والشحن بـ 100 .. واول ما يوصلك تركبه من اي محل بـ 100 ولو رحت لـ 3m وغيره بـ 200 .. المجموع 570

وعندنا السعر 2200 تقريباً ..

انا لي تجارب في الشراء من الخارج من موقع ebay تحديداً
والتجارب عبارة عن 6 عمليات شراء احداها جهاز جوال والبقية قطع واكسسوارات للسيارة وكل هذي العمليات في اقل من شهرين
ولس شرطاً ان تكون ضريع باللغة الانجليزية لكن يجب ان يكون لديك على الاقل اساسيات اللغة والباقي يتكفل به مترجم قوقل.
آخر عملية شراء قمت بها قبل دقائق وهي شراء اربع غطيان للجنوط اصلية وجديدة (سبب شرائها هو قيام شخص بسرقة غطا جنط واحد من سيارتي)
وقبل ان اعطيكم السعر ... فإني قمت بالمرور على الوكالة ومراكز بيع الجنوط والبناشر والتشاليح للبحث عن الغطيان واغلبهم اتفقوا على انه من شبه المستحيل ان تحصل عليها او تجدها وان حصل فلن يقل سعر الحبة عن 500ريال
.
.
.
بينما وجدتها في موقع Ebay اربع حبات بسعر 313ريال مع الشحن
......شفت الفرق :)
اعتذر عن الاطالة لكن احببت ان اطرح تجربتي ليستفيد الاخوان ويتشجعون

ممتاز .. 

خلوني اشارككم برضو تجربتي وسبب طرحي لهالموضوع .

انا بحثت عن قطعة تعتبر نادرة لسيارتي كامري 1994 ( وهي ديكور الباب الداخلي ) وماوجدته بالتشاليح للاسف

لذلك فكرت بالمواقع الاجنبية ومن تصفحي وجدت الديكور متوفر ولكن قليل جداً وبسعر حقيقة مبالغ فيه .. حسب وجهة نظري .

60 دولار بدون سعر الشحن !

لذلك : لست ابحث في مواضيع اخرى للشراء عبر الانترنت من المواقع الاجنبية .. 

وكلهم اتفقو على شغله :

( السلعه سعرها جيد : لكن المشكلة في سعر الشحن ) اللي ربما يكون اضعاف سعر السلعه .. 

كل مازاد حجمها ووزنها زاد سعر شحنها .

فـ نصايحكم ماهي افضل شركات الشحن من ناحية السعر ؟ 

أهلا محمد 
ارخص شركة في تكاليف الشحن هي البريد السعودي عن طريق واصل لكن يعيبهم أنهم يطولون عليك واحتمال كبير يضيعون سلعتك أو يسرقونها
وأنا شحنت عن طريقهم كرتون كبير شوي فيه أشياء بقيمة 400 ريال شحنوه لي ب50 ريال والتوصيل إلى باب البيت لكنهم استغرقوا مدة ثلاث اسابيع بينما فيديكس على سبيل المثال تستغرق 3 أيام فقط لكن بسعر قد يصل إلى أكثر من 200 ريال

السلام عليكم اخواني انا ما اقدر احصل قطع غيار لسيارتي في الوكالة وفي التشاليح السعر مبالغ فيه هل يوجد احد فيكم يقدر يساعدني على توليف قطع او شراءها من الخارج وله عمولته وجزاكم الله كل خير 

solede في موقع اسمه "بوابة الانترنت الرقمية" في هذا الموقع يوجد قسم "الوساطة الالكترونية" تدخل انت وتطرح موضوع بالشي اللي تبغاه او تضع رابط السلعة المراد شرائها ثم تكتب مدينتك اللي انت ساكن فيها ... سيقوم الوسطاء بالرد عليك وكل واحد يعطيك عرضه واللي يناسبك عرضه ترسله عالخاص وتحوله المبلغ على حسابه وهو يشتريها ويرسلها لك مباشرة

وعلى فكرة في نفس الموقع فيه مواضيع لتعليم كيفية طريقة الطلب من الخارج اقراها واستفد منها وانا ماتعلمت الا منها

أخ solede تواصل معي عالخاص