أضف سؤال أو موضوع جديد          

وش تصرفك في هاذا الموقف

up 0 down 7
ابو - سالم 96
قبل 8 سنه و 10 شهر



السلام عليكم ورحمة الله وبركاته .. 
كيف الدوام معكم ياللي مدوامين اليوم ههههاي
اليوم اذكر لكم موقف صارمعي 
انا موقف وجا شايب معه ددسن ويبي يخش اللفه وكسر اوم الطاره وخش
فيني اول مااخش فيني خشيت له مع الشباك لااراديا ههه حق الراكب
قلت له سلامات ياابو ماتشوف الشايب بلع العافيه 
المهم نزل يقول كل السيارات تتصادم وتسوي حوادث
حوادث الله يرحم امك والسياره واقفه .. ويقول انا سيارتي جديده وسيارتك
قديمه سقها بس .. وكنت بجيب الطامه فيه بس اكبر من جدي
ركبت السياره وقفلت القزاز وروح هو ومااخذت منه شي 
ماادري لو انتو بدالي وش تصرفكم .. قالي بالحرف
الواحد (( سيارتي جديده وسيارتك قديمه سقها بس ))

وفي الختام شوفو المقطع ذا
http://m.youtube.com/watch?v=DDirGDQaJZ8
وادعو على اللي منع الاستيراد

والموتر ذا والله لو انه موجود في السعوديه 
لااشتريه لو كان بسعبين الللف 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


قله سامحك الله ياوالد


up 3 down 0
ابوتركي 1 188
قبل 8 سنه و 10 شهر



والله الشايب مهما كان له تقديره واحترامه لكبر سنه وإن اخطأ عليك، ماتسوى ترفع صوتك عليه وتتسبب برفع ضغطه والسكر وتجيه سكته قلبيه، اللي اشوفه من حولي اقاربي اللي وصلوا للستين بدأت قواهم تضعف فيجب مراعاة ذلك وإن تظاهروا بالقوة والعافية، قدّر لكل موقف قدره واحتسب الأجر من الله سبحانه وتعالى


up 4 down 1
فيني عطسه 3
قبل 8 سنه و 10 شهر



الله يعوضك
أنا رجع علي شايب معه جمس 96 وشال الأسطب والرفراف  ونزل يتأسف أنا سامحته وقدرت كبر سنة 
وما معك الا تصبر 


up 4 down 0
عبدالرحمن إسماعيل 779
قبل 8 سنه و 10 شهر



وش تبي تسوي 


اتركه لوجه الله والله يعوضك احسن منه 


التسامح شي جميل 


up 0 down 0
سعد خليل 6152
قبل 8 سنه و 10 شهر



صدقت بس تقعد تسامح لين متى
مفروض مافي سماح انت اخطيت ادفع ثمن خطاك
صحيح الخطا وارد بس ماتعرف تسوق لاتسوق
اركب ليموزين الله لايهينك ولا تقعد تصدم فينا


up 4 down 1
ابو - سالم 96
قبل 8 سنه و 10 شهر



ترا مو عيب لو اخذت حقك حتى من واحد اكبر منك ، لكن انت سويت الشي الافضل .
جزاك الله خيرا 


up 2 down 0
بدر الغامدي 88083 4055
قبل 8 سنه و 10 شهر



بيني وبينك صحيح اني استامح في كثير من الاشياء وسمح مع جميــع اللي صار لي معهم حوادث لكن اللي يغلط حتى لو انها كبير سن اخذ حقي منه بطريقه نظاميه مانفع اباخذه غصب طيب ,, ولو انا مكانك ماراح اخليه يمشي الا بعد مايجي نجم ويخطط الحادث واخذ حقي منه ,, لكن دامك سامحته اقول بيض الله وجهك وجزاك الجنه ان شاء الله 


up 1 down 1
ابو سعود629 4708
قبل 8 سنه و 10 شهر



بالنسبه للفيديو الي حطيته
كان معي وحده نسخه منها بس الشمس عندنا حاره كلها اربع شعور بالصيف والبويه تشهب ويرجع الموتر خيااااااااااااس

والله الشمس ذبحت مواترنا خصوصا الالوان الغامقه سيارتي كلها صار سقفها وغطاء الشنطه والكبوت مشههههب وش الحل يالربع ؟ ولا تقولولي اوقفها في مكان ظل
لان الزحمه الي عندنا لو حصلت موقف تحت شمس فاضي تحمد ربك صرت افكر في اختراع كهربائي
توقف سيارتك وتضغط الزر تطلع من السياره من فوق زي الستاره وتظلل سيارتك


up 0 down 0
ملك الخطوط 235
قبل 8 سنه و 10 شهر



ماشاء الله من وين شريتها ؟؟


up 0 down 0
ابو - سالم 96
قبل 8 سنه و 10 شهر



المسامح كريم

وعوضك على الله

والحمد لله على سلامتك


up 0 down 1
أبو عبادة 4852
قبل 8 سنه و 10 شهر



المسامحة المسامحه

يمكن تصير في نفس الموقف وتطيح في واحد طفس نجس ما يخليك تتحرك الا وهو معزر بك 

واحتسبها عند الله 
مثل ما قلت بكرا تحتاج احد يسامحك 


up 0 down 0
naac 2387
قبل 8 سنه و 10 شهر



يارجل حلالك يقهرك لو يخطي عليك احد حتى نعولك الله يكرمكم لو تشوف واحد قدامك يشوتها بتعصب وهي زبيريات بـ15 ريال ههههههههههههههه بس الشايب مهما كان له معاملة خاصة


up 0 down 0
تقووى الهجر 252
قبل 8 سنه و 10 شهر



الله يعوضك 

واحسن ما سويت << لانك سامحتة 
والشايب لة احترامة وتقديرة مهما اغلط عليك 
يبقى شايب وعيب ترفع صوتك علية 




up 0 down 0
باسل الروقي -40
قبل 8 سنه و 10 شهر



الله يعوضك بخير بس وش نسوي اغلب الشيبان يعتبر انه مو مخطيء لو ايش المهم ربي يكتب لك الأجر

والكابرس الله يزقني بواحد بس 90 مثله ابيض والله موتر عز


up 0 down 0
atif - mub 234
قبل 8 سنه و 10 شهر