أضف سؤال أو موضوع جديد          

الغش الواضح في فحص ماكينة السيارة بالكمبيوتر تحذير .........

up 6 down 1
ابو علي 1 1014
قبل 7 سنه و 9 شهر



ياليت الاخوان يكتبون تجاربهم مع فحص السياره قبل الشراء او الصيانه

السلام عليكم الموضوع باختصار

ذهبت لمركز الغروب لفحص السياره قبل الشراء وللاسف هو اشهر مركز فحص خلف معارض النسيم

الفحص الاول كان بالكمبيوتر

بعد تويف السياره امام الكمبيوتر قام العامل الفلبيني بشبك اربعه او خمس اسلاك واحد بالبطاريه والباقي في بعض الاسلاك الكهربائيه المنتشره بجانب السياره وبعد اقل من 5 دقائق اشتغلت البرنتر الطابعه فسالته هل انتها الفحص قال نعم اخذت نسخة التقرير طبعا باللغه الانقليزيه ولقيت تقرير عن قوه السلندرات الثمانيه للسياره وتعجبت وسالته كيف حصلت عليها من دون شبك الاسلاك بالبواجي وهي الطريقه الوحيده والقديمه في نفس الوقت لاعطاء الكمبيوتر قوة الكهرب الناتجه من البواجي والمصيبه ان الاسلاك الاخرى المشبوكه مجرد خدعه لا اقل ولا اكثر

المهم طلبت من الفلبيني اعطائي اجابه ولاكنه تهرب وبداء يفصل الاسلاك فطلبت منه ان بتوقف ويتركها مشبوكه والاجابه على سؤالي فقال اسال المهندس وهو مصري فلم يحضر المصري لانه شافني اتكلم باللغه الانقليزيه وعند ارتفاع صوتي حضر مدير الورشه وهو سعودي وقام يتفلسف بكلام فاضي وعاري من الصحه وطلب مني ان نذهب للمكتب للتفاهم لان كثير من الزبائن انتبه لكلامي

رحت المكتب وتدرون وش قال قال ان مالك شغل حتا لو نكشف على السياره وهي خارج الورشه اهم شي هو ضمانناللسياره قلت خلاص اضمن السياره سنه ونا راضي سكت وقعد يقلب بكمبيوتره قلتله المساله ماهي ضمان المساله انكم تخدعون الزبائن بالحركه هذي وانا متاكد ان الكمبيوتر هذا غير متوافق مع السيارات الحديثه لان السيارات الحديثه يتم فحصها فقط بالسكنر وهو جهاز يحمل باليد وله وصله واحده تتوصل مباشره بكمبيوتر السياره تحت الدركسون يسار ويعطيك تقرير كامل عن حاله السياره وحتا الاصلاحات السابقه بعد ما احرجته بالكلام قال خلاص الحين تبي تفحص بالسكنر ولا نعطيك فلوسك لانه عرف انه غلطان ونصاب

المصيبه اني شفت سيارات مثل بي ام دبليو 2005 ولكزس 2004 وفياقرات تفحص بهالكمبيوتر الاثري

ما ابي اطول عليكم وخلاصة الكلام

السيارات الحديثه ماتفحص الا بالسكنر وهو جهاز يحمل باليد وغير كذا لا تفحص ماعدا السيارات القديمه والي بدون كمبيوتر ولازم يشبك كل بوجي بسلك خاص للكمبيوتر

بصراحه فحصهم الميكانيكي للسياره كان ممتاز وقد ذكرو لي اشياء كثيره وبالتفصيل

نسيت اقوولكم انه صارت معي نفس الحركه فالورشه الي قبلها بس من البدايه انا لاحضت الفلبيني مرتبك عشاني جالس على راسه وبالغلط حاول فك غطاء جانبي للمكينه اعتقاد منه انه غطاء البواجي الي بالتاكيد راح يشبك سلك وهمي فقلت له هل هذه اول مره تفحص مثل هالسياره قال لا المره الثانيه ومن بعدها راح ولا عاد شفته المهم جاء المهندس وقلت وين فنيك فنادا عليه

يا ابصر يا ابصر اكيد عرفتو جنسية المدير

المهم اخذت فلوسي وطلعت







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هههههههه
شكراً للتوضيح
الكثير ماينتبه


up 2 down 0
راعي الشفر ٥٥ 3
قبل 7 سنه و 9 شهر



الاجهزة الجديدة عن طريق الوايرلس وهو انه يشبك قطعه في مخرج جهاز الكمبيوتر وهو غالباً يكون فوق دعسة الفرامل ويتم الاتصال بين كمبيوتر السيارة وجهاز الفحص ويتم من خلالها قراءة المشاكل من كمبيوتر السيارة
اما شغلة انه يشبك سلك في البوجي فهذه الاجهزة القديمه وللسيارات القديمه 
السيارات الجديدة الحين مافيها اسلاك بواجي يجي لها كويلات فوق البواجي وتوصيلة بين البوجي والكويل واذا فكيت الكويل راح تتفتف السيارة فكيف تبغاه يشبك سلك محل البواجي 
اغلب السيارات يتم فحصها بجهاز محمول يسمى tech2 


up 0 down 0
for speed 752
قبل 7 سنه و 9 شهر



نعم نعم صدقت السيارات مثل اللكزس والبي ام والمرسيدس لازم فحص كمبيوتر خاص وهذا متوفر في البريدي وكارتك 
بس غريبه ليش مو متوفر عند الغروب ؟؟؟
المهم يااخوان ترى كل محلات الفحص في معارض الشفا لاتستطيع فحص اللكزس والبي ام لاانها لاتملك اجهزتها 
فرجا الي بيشتري لكزس لا يلعب عليك الفليج والبيان وغيرها .. اطلب فحصها في النسيم عند كارتك
وسلامتكم ..


up 0 down 0
قتيبة الباهلي 228
قبل 7 سنه و 9 شهر



حسبي الله عليهم والله اني كنت اتوقع انهم افضل فحص ....الله يجزاك خير ع التنبيه ويكثر امثالك


up 0 down 0
تقووى الهجر 252
قبل 7 سنه و 9 شهر



طيب كامري 2006 فيها كمبيوتر ولا على الطريقه  القديمه 


up 0 down 0
ابو بندر995 38
قبل 7 سنه و 9 شهر



والله اني ملاحظها من زمااااااااااااان لكن كنت اسكت وماودي اكذبهم


اجل سلك على البطارية والباقي على اطراف الكبوت ؟ مابلعتها والحين انت قطعت لي الشك باليقين


up 0 down 0
YASSER505 4173
قبل 7 سنه و 9 شهر



حتى كارتك فيه واحد انكب طلع الجيب  اللي شراه وقالوا مافيه شي طلع مرشوش جنب


up 0 down 0
saif2257 119
قبل 7 سنه و 9 شهر