محذذوووووووووف

اي شي يصير على المؤؤسسه من مخالفات او مشاكل تصير عليك انت ..!
ااذا جيت تقدم على وظيفه في القطاع الخاص يقولون انك صاحب منشاءه وتحرم من التوظيف ..!

فيه مشاكل لو صار للعمال شيء أنت المسؤول لأنهم ما راح يلتفتون لعمك لأنك انت المسؤول 
و أهم شيء تعرف كل شيء حتى لو تثق بعمك لازم تراقب العمال و أمورك تمام و الله يرزقك من واسع فضله

إذا كانوا العمال بأسمك بعد كل سنة تأخذ حق تجديدهم عن كل عامل 2000 غير اللي تأخذه شهرياً

ااها الله يعيطك العافية 

طيب يعني وش رايكم اقولة اوكي ولالا 

وفي مشاكل ثانية 

وبعدين من جد اي مخالفات انا اتحملها يعني مثلا واحد من العمال سوى مشكلة انا اللي اتعاقب ولا كيف 

شوف هي فيها شبهة 
لكن ما اقدر اقول لك انها ما تجوز 

لكن انا عندي لك اقتراح يبعدك عن الشبهة الشرعية

ممكن تدخل شريك معه حتى تكون مستحق للمبلغ الي بيدفعه لك 
يعني تكون المؤسسة بالشراكه بينكم 
وتكون شريك سواء بالربح أو الخسارة 

وما تكون شريك بالربح من دون الخسارة لأن هذا شرط الشراكه في الشرع 

أنت تطلع السجل التجاري وتتحمل تكاليفة 
وهو يجيب العمالة ويتحمل تكاليفها 

المصاريف الثانية بينكم 
اجار المقر أو المعدات أو ما شابه 

واذا كنت ما تقدر تدفع حالياً شيء ممكن تقوله انا بدخل شريك بجهدي وبامسك مهمة في المؤسسة
وبصير شريك معك في المربح والخسارة 

ونسبة الاسهم في المشروع ممكن تتوزع عليكم بالعداله 
يعني ممكن تشترط 5%
أو 10% 

وهكذا 

ما اتوقع انه يرفض 

وياليت تسأل عن استحقاقك للمبلغ من عدمه عند أحد المشايخ 

وازيد 

هي نظامياً مافيها شي
لكن ممكن تتساءل لو ان احد العمال الي على كفالة المؤسسة سوا شي 

لببببببببى قلللبك ياا naac والله انك وافي 

أنت لا تخاف من العمالة ما عليك بس الواحد لازم ينتبه وبس و ما ازيد على كلام naac كفى ووفى و الله يعطيكم الف عافية و يرزقكم من واسع فضله 

يارجل مؤسسة باسمي انا وانا مكانك بتلقاني مسنتر فيها 24والختم بمخباي افتح واقرا اسمي وارجعة واطيح تختيم حتى بجبهت اخوي الصغير اصقع بالختم فجبهته ....... مؤسستي وبكيفي هههههههه اذا قالي شي عمي باقولة تراها مؤسستي اضبط امورك معي واسوي معصب زعلان ههههههههههه اللله يوفقك انت وعمك

مافيها شي ابداً لكن ما يمنع تكون عندك خلفية كيف تجي هالراتب الشهري ..

نسيت اذكرك .. حط في بالك حافز وباقي جماعته ما راح تستفيد منهم شي لو المواصفات تنطبق عليك لكن عشان معك مؤؤؤؤسسة خاصه يمنعك هالشي من الاستفادة منهم..