ايهما افضل في القوة والصبر الاكسبلورر او الاكسبيدشن ؟

الاكسبلورر الجديد دفع امامي دائم ورباعي في السرعات النازله

الاكسبديشن دفع خلفي دائم ورباعي في السرعات النازله

اكيد التحمل الخلفي افضل

مشكور يالغالي ....طيب والله العالم اني ما اعرف في السيارات واجد ولكن اخاف من الدبل بالامريكي فهل الاكسبيدشن افضل بدبل او بدون والا لابد بدبل

مشكور يالغالي ....طيب والله العالم اني ما اعرف في السيارات واجد ولكن اخاف من الدبل بالامريكي فهل الاكسبيدشن افضل بدبل او بدون والا لابد بدبل

أنت وش استخدامك ؟
هل أنت راعي بر أو خطوط ؟
حدد عشان نقدر نساعدك

لا تقرب ولا لواحد منهم لو ينسم عليك كفر تبرمج كله الاكسبلور قيره حساس جدا جدا والكسبدشن عزمه ضعيف وقيره مريح اكثر من الجمس لكنه حساس

الافضل الدبل بجميع النواحي

لكن اذا لديك مقدره بسعر الدبل

لا مالي بالبر ومن ناحية الخطوط مو بشكل مستمر ولكن انا عندي عقدة من الدبل بالامريكي بعد سوبربان هلكني بالخرابات وانا هنا اقصد وش الفئة الطيبه لعايلة من سبعه اشخاص واستخدامها ما يحتاج كل وقت للصيانه يعني تخدم وانا متخوف من الجي ام سي لان قطع غياره غالي بالحيل والفورد اللي سمعت ان قطع غياره متوسطة السعر

اخوي انصحك بالاكسبلورر الشكل الجديد فقط 
او اذا ما تقدر عليه لان سعرة مستعمل من مية الف وفوق
خذلك اكسبدشن

طيب وش تنصحني فيه اخوي ابو فيصل اذا الاكسبلورر حساس وبرمجه والاكسبيدشن عزمة ضعيف

اخوي nna ) معليش حطيت النك نيم لك طولة العمر ....المساءلة مو دراهم ولكن في الاستخدام الطيب ما ابغى كل شوي رايح جاي على الورش بسبب الدبل .....اخاف يطلع لي مثل الجمس قلق

أبو شوق أسال الله إن الله ييسر لك ...

بس يعني ( وجهة نظر ) دام عندك إستطاعه تطلع مثل السيارات هذي خذ لك تاهو أو
جمس جدييييد دامها منتشره أكثر

هذي بس وجهة نظري وعاد أ
نت خذ كلامي أو اتركه براحتك ..

تحياتي .,!

أنا عندي اكسبدشن بدون دبل 2012 قصير ماشاء الله تبارك الله ماواجهـت  أي مشكلة ونصيحة خذ الاكسبدشن وارتاح 

كذاب  ومفتري وليس له خبره في الفورد الي يقول  عزمه ضعيف وبرمج  والله العظيم ان معي فورد اكسبدشن 2004 امريكي وداخل في السنه الخامسه له معي ولقد حطيت فيه غير الزيت والبنزين  ومشاء الله تبارك الله واسافربه كثير ولقد صلحت له صيانه واللحمد لله وانصحك في الاكسبدشن

كم الموديل الى ودك به  والدبل احسن  والاكسبدشن ارساء واوسع  وخفيف في العقبات  ابها - الباحه  اخف من الجمس  لان عند ولد عمي جمس والله مايلحقني في العقبه

منور اخوي مركب الشيوخ والله بيني وبينك ما عندي خبره في الاكسبيدشن وموديلاته فارجو تفيدني لاني ان شاء الله وبحول الله طالع من الدوام بالبر بعد رمضان وبروح معارض الدمام والود ودي القى اكسبيدشن نظيف من 70 الى 90 الف ...عاد مدري اذا هذي قيمته لاني غشيم بصراحه في الاسعار وانا ما خوفني بالدبل الا جمس مثل ما سبق وذكرت والحين الناس يمدحون الاكسبيدشن ولان قطع غياره ارخض من الجي ام سي وانا ما جيت الا ااسالكم يالطيبين واستشيركم لكم طولة العمر وان شاء الله ما تقصرون نفداكم

  مبروك مقدمنا   السعر هاذ يجب لك نظيف وفل ودبل بالراحه (اعطني الموصفات الى تبيه  )وان شاء الله ادورلك اذا حصلت لك نيظف  اعطيك رقم الاعلان وتشوف اذا عجبك 
 

 ويمكن 10 - 15 الف تبقى في جيبك  حق الكفرات والزيوت والتظليل  باذن الله

باذن الله وابد ما تقصر اخوي مركب شيوخ وربي تعبت مثل ما نقول بالجنوب الغبت ادور ....ويالغالي انا ابغى الشى اللي انت تشوفه ينفع وبهداية الله وشورك ان شاء الله ....انا ما عرف زين في الاكسبيدشن ولكن اعجبني الفل والليمتد ومن ناحية افضل موديل والله مدري انت ان شاء الله تعرف احسن مني ولا راح نختلف يالغالي

اكيد اكسبدشن لانه اكبر ودفع خلفي وفيه دبل ثقيل وخفيف ومرتفع عن الارض ومحرك اكبر وسعره فيه وليس مبالغ فيه مثل الاكسبلورر

بعكس الاكسبلورر دفع رباعي مستمر ودفع امامي اساسي وقريب من الارض 

ممكن نعرف السعر المناسب