أضف سؤال أو موضوع جديد          

لا تعاكس السير عشان الصدام ما يطير

up 9 down 0



السلام عليكم و رحمة الله و بركاته ,,,

اخواني و حبايبي أسعد الله أوقاتكم بكل خير , منوريني و مشرفيني بوجودكم بموضوعي البسيط , الله يحفظكم يا الغالين
موضوعي اليوم عن (عكس السير) ياخي ليه تعاكس السير ؟ ؟ ؟ تعرض نفسك و الآخرين للخطر !!!! بصراحة أنا
أشوف حتى الأجانب تعلموا منا السلوكيات السيئة في القيادة مثل: (السرعة , قطع الإشارة , عكس السير إلخ ...) 
راح أقول لكم شي اليوم دريت عنه بس !!!! مخالفة عكس السير فيها توقيف بالحجز , طبعاً اللي قال عن هالشي واحد
من الشباب إنحجز قبل فترة عشانه عكس شارع فرعي (30) , بعضهم يعكس خط الخدمة بكبره ههههههههههه ولا يفكر
المهم زي ما قلت لكم ليش الواحد يعكس السير و ممكن لا قدرً الله يصير له مكروه من هالشي خصوصاً إن بعض شركات
التأمين ما تشمل عكس السير بحال حصول حادث لا قدرً الله !!!! قبل يومين و أنا راجع للبيت فيه (عكسة) صغيرة تدخلك
على الحارة , طبعاً أكثر سُكان الحارة و اللي يبون يدخلون لها يعكسون الشارع لأنه صغير و ما يتوقعون بثواني بسيطة
يصير لهم شي !!!! المهم و أنا متعود إني أمشي نظامي أمشي 100 متر زود و لا أعكس , لقيت واحد معاه (إكسبلورر)
معاكس الشارع و صادم بكابرس طالع له من الحارة !!!!! طبعاً (الإكسبلورر) راحت وجهيته و هو باين عليه جديد قريب
مطلع من الوكالة !!!! أكياس الرفارف و الكبوت عليه لسى ما إنشالت !!! وهو طبعاً كان مفكر إنه راح يختصر وقت لو
عكس الشارع , و لكن القدر كان أسرع و حصل له حادث شنيييييييييع .

همسة: (موضوعي يزاد ألقاً و بهاءاً بتعليقاتكم المثرية  ْْ)

محبكم &&& أبو طلال







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اذكر مره عكست سير عشان لفه ابي اقرب لها بس عكست لمسافه طويله والشارع شبه فاضي
الساعه 6 الصباح وتافجأة بالدوريه قدامي ولا بعد مرور اول ماشافني شغل السفتس وعلق على الجهاز (قاااااااااااااق) ههههههههه
ومن حسن حظي بوقتها كان لفه تدخلني للشارع النظامي ودخلت معها على طول وادزز وافقع منه يوم شافني بعدت دخل مع الحاره وانا طلعت طريق سريع تخيل انه صامل وطردني والله بنحجز


up 2 down 1
شكلين مآبحكي 4749
قبل 6 سنه و 4 شهر



جزاك آلُـُلٍْـُھٌہّ خير عَلِّـٌۓ ‏​‏​ التنبيه 


up 1 down 2
فيليكس 205
قبل 6 سنه و 4 شهر



الله يعطيك العافيه على التنبيه
,,,,,,,,





up 2 down 0
aboamani 1147
قبل 6 سنه و 4 شهر



موضوعك بايخ احرقو الديسلايك


up 1 down 21
ابو درر2 -45
قبل 6 سنه و 4 شهر



ههههههههه أنا عكست ذيك المره خرجت من دله توني استلمت الرخصة المهم في طريق صغير يعني مايجي 50 متر المهم 
عكست بدال ما أكرف عكست الين كملت الشارع وتيجيك الشرطة يمشي من قدامي قاااق وقفني كانت معايا سيارة ابويا الماليوا
كانت فخمة قعدت اقوله قريب ومدري أشي بس ابن اللذين طلع صامل وصكني مخالفة بس ما أنحجزت 


up 1 down 0
moody-ezzi 515
قبل 6 سنه و 4 شهر



شكراً للتنبيه يا صاحب الموضوع

المخالفة فيها حجز لكن كثير من عساكر المرور يمشي إذا تكلمت معه بذوق

لكن إذا رفعت صوتك وسويت مشكلة فأكيد بتروح الحجز ولو معك عائلة راح تتفاجأ أن المخالفة محجوبة والله يعينك تدور لك يوم فاضي تروح الحجز


up 2 down 0
أبو عبادة 4803
قبل 6 سنه و 4 شهر



شكرا اخوي ع التنبيييه


up 1 down 0
.. a .. -124
قبل 6 سنه و 4 شهر



تسلم على الموضوع والنصائح كلامك كله درر لكن بالمقابل فيه طرق تصميمها غلط فيه بعض المحلات بينك وبينها شارع لو تذهب مشي توصل بدقيقه لكن لو تمشي نظامي الله يعينك على 5و8كيلوا بالسياره لكن وش بيدك تسوي غير تعكس الشارع وأنا تحصل بعض المرات أعكس السير لكن مع الحرص وإذا فيه زحمه الله يعين أمشي نظامي تحياتي لك يابو طلال وإعذرنا على التأخير تخبر الإجازات ومافيها 


up 3 down 0
ابــو ســنــد 10639
قبل 6 سنه و 4 شهر



الله يحييكم منوريني .. شكرا" ع المرور .


شكراً على التنبيه اخي الحبيب 

وعلى الاسلوب الراقي

انا ما عكست السير الا مرة واحدة بحياتي 

كانت الشوارع فاضية 100% والطريق واضح ومسافة صغيرة 

وغيرها ما عكست 

انا مو متعود اخالف بس  كان فيه حفر في الارض وما حبيت اعبرها


up 1 down 0
mat2rain 248
قبل 6 سنه و 4 شهر