أضف سؤال أو موضوع جديد          

اسباب اختلاف ضغط ال RPM في السيارات عند السرعات العاليه

up 30 down 7



بسم الله الرحمن :


اليوم بتكلم عن موضوع الكرونه


البعض يقول سيارتي امشي فيها 200 وعداد الRPM على ال 2.5


والبعض يقول امشي 160 وعداد ال RPM على ال 4.0


فيه ناس فاهمه تفسير هذي الشغله غلط


واحد بيقول والله سيارتي ميزتها حلوه على سرعات عاليه وضغط الار بي ام منخفض مقابل سيارات ثانيه يكون مرتفع على سرعات اقل منه


ويتوقع انه مكينه سيارته او القير هو السبب


لكن السر راح اوضح هنا


الكرونه عباره عن تروس على شكل دائره


وهي تكون فالدفرنس


وكل مازاد عدد التروس في الكرونه تعطي هذي النتائج تصاعديا


عداد ار بي ام منفخض على سرعات عاليه كل مازاد عدد التروس في الكرونه (( تكون المكينه مرتاحه فالسرعات العاليه )


قومه ضعيفه للسياره كل مازاد عد التروس


تعطي سرعات اعلى اذا بتفك الفصله




كل ماقل عدد التروس وهنا العمليه عكسيه


كل ماقل عدد التروس تعطي عداد الار بي ام مرتفع في اقل السرعات وهذي تجهد المكينه


تعطي قومه اقوى ... ولهذا تلقى اصحاب التزويد يغيرون حجم الكرونه للاصغر مع تعديل برمجة تبديلات القير


تعطي سرعات اقل وكل مازادت السرعه كل مازاد ضغط الهوى


.....


الفوردات البوليسيه تكون كرونتها 3.27 وفيه بعضها اصدارات خاصه بتكون حجمها 3.55 وهذي الكرونه مايمديك تسرع فيها او تسافر عليها


لانه بتتعب المكينه وغالبا يركبونها اذا كانو بيستخدمون السياره للمطاردات عندهم او مهمات خاصه تعتبر تعديلات بوليسيه


والفوردات كلها تكون 2.73 فعلا ضعيفه وقومتها سيئه لكن فالسرعات العاليه عداد الار بي ام منخفض جدا ويريح المكينه


.....


الجيوب غالبا يستخدمون فيها كرونات صغيره عشان تعطي قوة دفع اكبر وانا لاحظة هذه الشي في الفورشنر 4 سلندر


قومته قويه لكن على سرعات عاليه الار بي ام مرتفع


والصور توضح اكثر












إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اختلاف RPM يعتم على المحرك و هلى سرعات القير يعني القير 5 سرعات مو مثل 4 سرعات 
ويعتمد على الدفرنشل 
الدفع الامامي له دفرنشل موجود مع القير 
الدفرنشل وظيفته تحويل الحركة و العزم يمين و يسار 


up 0 down 0
hamed_20021
قبل 3 سنه و 7 شهر



ممكن يكون في بعض السيارات من الدفرنس لكن الاصل في اختلاف الrpm  هو القير 
والله انه القير واني متاكد عند موتر ركبت عليه قير غير قير الوكاله واختلف عداد الضغط 
190 بالقير الاول الضغط على 5700
190 بالقير الجديد اللي توني مركبه 5000


up 0 down 0
thamer949 120
قبل 3 سنه و شهر