هل سيؤثر مشروع النقل العام على أسعار السيارات مستقبلا؟

الله المستعان متى يخلصون منه !!؟

لكن هو اكيد بيأثر على اسعار السيارات يعني بترخص

المشروع هذا بينجز بعد 20 سنه

بيخلصون منه على كلامهم بعد 4 سنين واشوفهم بادين يأهلون الشركات لتنفيذه

الشريطية مافيهم حيلة ههههههه والله لو تعطي المواطنين طيارات

أسعار السيارات في ارتفاع مستمر بسبب الشريطية والوكلاء

والله أخوي ابو عوض أتفق معك بالرأي

الله يصير نداوم على قطار مايوقف ولا اشارات ولا شي والرجعه فقطار كويس نصير مثل اليابان

اذا كان نقل عام فعلا بكل ماتعنيه الكلمة فبالتأكيد يكون له دور كبير. كثير مثلا من الموظفين والطلاب بيستغنون عن سياراتهم وينتقلون عن طريق الحافلات. هذا اكيد اذا كان فعال بيكون له تأثير على سوق السيارات وتأجير السيارات وشركات التأمين والورشات وشركات التقسيط وكل مايتعلق بالسيارات.

اما اذا كان القطار للزينه والهياط فسيبقى الوضع كماهو عليه

يعطينا ويعطيك طولت العمر كأني اشوف الفساد وسرقت الاموال بحجة هذا المشروع وبيجيك العلم اذا كبري اونفق يجلسون فيه 4سنوات وفي الدول المتقدمة ماياخذ شهور يارجل حفريه قدام بيتنا لها سنة تقول الدوله عجزت عن دفنها فما بالك بمشروع زي كذا والمقاولين والشركات خذ افشل شغل واقل مجهود واقل جودة لكي يحصدوا ربح محترم وارجع اقولك يعطينا ويعطيك طولت العمر على طاعته.....

والله يابو عوض انا اتفق معك تماما ان الوكلاء والشريطيه ما فيهم حيله ، ولكن نظريا سيقل الطلب على السيارات بشكل كبير خصوصا من الوافدين والطلاب الجامعيين


والقاعدة تقول اذا قل الطلب على سلعه فان سعرها ينزل

بس على قولك يابو عوض الشريطيه بيدبرون لها مخرج

السلام عليكم
يعني قصدك إذا خلص هالمشروع بالرياض بترخص السيارات بالعالم والا بالعالم الاسلامي والا بالعالم العربي والا بالخليج والا بالمملكة والا وين بالظبط .. ؟؟؟؟
كذا اسئلة تحتاج كذا إجابات !!!!!

مشروع القطارات مثل مشاريع الحفريات في الرياض يعني غن ياليل مااطولك هم يقولون 4 سنوات وانا اعطيهم من عندى 10سنوات هدا ادا القطارات ماهي مستعملة

ما شاء الله عليك دقيق أخوي الفقير إلى الله تعالى

اقصد اسعارها في الرياض الله يحفظك

بعد 136 سنه تعال اسأل هالسؤال لاتستبق الاحداث طال عمرك ههههههههههههههههههههههههههههههههههههههه

وراك مستعجل وانت عارف ان اليوم ب 44 سنه ؟

بعد 136 سنه تعال اسأل هالسؤال لاتستبق الاحداث طال عمرك ههههههههههههههههههههههههههههههههههههههه

وراك مستعجل وانت عارف ان اليوم ب 44 سنه ؟

نعم ستنخفض أسعار السيارات المستعملة كثيرا فكل شخص سيقطع مسافات أقل من أول بسيارته وسيطول عمرها الإفتراضي وعندها لن يحتاج 90% من الناس تغيير سيارته كل 4 سنوات وحتى لو حاب يغير سيارته ماراح يفرط فيها ببساطة

يعطيك العافيه و باص العليا دله بيوقفونه +1 لايك للجميع

اعتقد لن يؤثر بشكل كبير. ثقافه وعوامل مناخيه تحد من نجاح المشروع