لاصحاب ونيتات الدفع الرباعي

والله وانا اخوك حسب علمي..ان اوسعهم الهايلكس..والنافارا..لكن النافارا الدبل مايجي الا ديزل حسب علمي
والددسن عزمه ولا بريال واصلا شكله غلط وتقل غماره ونص لا الي ورا ضيييقه..والايسوزو انا اشهد انه ذييب بس مشكلته ديزل

الزبدة ارشح الهايلكس....ولا مجال للمقارنة مع البقية......(والله اعلم)

الهايلكس اكيد 
الان ١٣ بالوكاله سعرها ١٠٠ الف و ٢٥٠ ريال 

الهايلوكس الا اذا بتاخذ ديزل 

خذ الايسوزو والله ان تعاف باقي الموتر بعده !! طبعا اتكلم عن تجربة و ايضا تجارب للزملاء مع هالسيارة العجيبة, اللي معي 2006 دبل مكينة كبيرة من وكالته الى يومك بر وخط و ديرة تماااام التماااام ومكيف كأنك جالس في فريزر هههه ماشاء الله وكذلك الزملاء ماشيه معهم تمام التمام , توكل على الله نصيحة من اخوك

سييرا 2011 افضل منهم كلهم

شف ياخوي 
هالسيارات من ناحية الخدمة والكرف فهي ممتازة كلها بدون استثناء وقليلة أعطال في المجمل 
لكن مسألة الذوق هذا شي راجع لك 

لكن انا بتكلم وفق قناعتي ووجهة نظري فقط

اذا بتشتري جديد أو من موديل 2010 وفوق لا تتعدا الايسوزو 
الديزل توربو والطرمبة الجديدة الي على السوزو صارت مثل البنزين في الصيانة والسعر
وغير كذا الديزل معروف عزمه مايطيح ابداً مع التحميل والوعر والرمل
ومشية في الخط ممتاز ويماشي البنزين والصوت خف عن اول 

النافارا الي اعرفه ان السعودي ما جا دبل بنزين 
واكثر الدبل الي اشوفه في المعارض خليجي أو أمريكي 

ان قدرت تاخذ نافارا امريكي (فرونتيير) تراه ممتاز يجي V6 مكينة وقير باثفايندر 2011 الشكل الاول
عزم وقوة وراحة في المشي 

الميتسوبيشي ممتاز وسعره مناسب لكن قطع غياره دمار

الهايلكس ميزته زبونه جاهز اذا بغيت تبيعه في اي وقت اذا جاك ظرف ولا شي
الددسن طيّب لكن لو انا في مكانك ما حطيته من ضمن الخيارات

أنا انصحك بالايسوزو 2010 وفوق كدرجة أولى
والنافارا بدرجة ثانية 

بالنسبة للشكل النافارا وبعدين الايسوزو 

موفق يا حبيبنا 

hmada1213 

السييرا فئة مختلفة عن هالسيارات الله يجزاك خير 

ترا فيه الفورد اللي كانت مازدا وصارت فورد سعرها زين وقطع معقوله وفورد

أفاااا
وين راح زد إكس أوتو جراند تايجر ؟!؟!؟!
ههههههههههه
أمزح أمزح لا تفكر فيه مجرد تفكير.

السيارات أعلاه، اللي يجمع جميع المميزات هو ايسوزو ديماكس.
حاول تزور وكالته وتشوفه وتركبه وتجربه أيضاً، راح تنبهر وتتفاجأ بجماله ومميزاته وراحة مركبه وجودته وعزمه.

الهايلكس ممتاز ما عليه كلام وهو كما تفضل أحد الإخوة إن زبونه جاهز.
لكن مميزاته أقل قليلاً عن الديماكس، ولكنه يتفوق على الديماكس بالحساسات الأمامية + الدبل اليدوي + تويوتا.

المتسوبيشي لا أنصحك به مطلقاً لسببين رئيسيين، عدم انتشار فروع الوكيل ومراكز صيانته وقطع غياره + عدم تواجد قطع غياره في كل مكان + غير دارج مع الشعب لذلك لا أحد يرغبه عن البيع.

الفورد رينجر جيد جداً بل ممتاز، ولكن مشكلته الوحيدة هي نزول سعره الكبير + قلة الإقبال عليه عند البيع بشكل كبير.

وبالنسبة للقيمة عند البيع، على الترتيب التالي من الأعلى قيمة للأدنى:
1- هايلكس.
2- ددسن.
3- ديماكس.
4- نافارا.
5- متسوبيشي.
234937403- جراند تايجر ههههههه

ولو إنك تبي ميزة (تثبيت السرعة) فهي لا توجد في الهايلكس ولا الددسن ولا المتسوبيشي.
الديماكس والنافارا لست متأكد.
فورد رينجر لا أعلم.
شفرولية كولورادو موجود فيه مثبت سرعة.